關於 一家人去邊都咁開心 ，我們在網路上蒐集到這些相關的討論、資訊與評價

每年🏖暑假，公公🧓🏼都堅持請一家人去玩幾日🙏🏻🥰，今年都唔例外🤩，而我哋今年去咗近期非常熱門嘅 #香港海洋公園萬豪酒店 🏨，不過由於我哋一早訂咗😓，所以受惠唔到近期嘅特價活動。😅

🤩🤩🤩不過，無論點都好啦😌係唔會阻擋到3個👦🏻🧒🏻👧🏻嘅興奮心情🥳！

出發當日，我哋兵分兩路前往酒店 🏨，爸爸🙆🏻‍♂️帶住2個話一定要坐南港島綫無人駕駛地鐵🚇嘅哥哥們👦🏻🧒🏻搭地鐵，而公公🧓🏼婆婆👵🏻、媽媽💁🏽‍♀️同妹妹👧🏻就由舅父揸車去酒店🏨。
但估唔到我哋都係差唔多時間到，可以證明坐地鐵去 Hong Kong Ocean Park Marriott Hotel
🏨 真係超方便，喺南港島綫嘅海洋公園站落車過條橋就到啦！🤩

一入到酒店就見到一大座圓柱水族箱有好多魚🐠🐟🐡游來游去😊！（之後2日更見到潛水員定時打理水族箱添！）

排隊Check in 嘅時候前台經理 Juergen 非常細心，佢見到公公🧓🏼婆婆👵🏻拎住柺杖排咗好耐隊，佢仲主動同我哋前面嘅客人致歉，並請我哋先行check in 避免老人家🧓🏼👵🏻企得太耐☺️，又特別送咗 3 套海洋公園貼紙俾佢地幾個👦🏻🧒🏻👧🏻，完全感覺到Juergen 嘅服務 非常🥰貼心，喺呢到再次俾個👍🏻佢 ，謝謝佢嘅細心😊。（但美中不足是酒店大堂坐椅不多，只有小小一張梳化😅）

酒店設計🏨分咗3座，我哋今次住喺第1座，book咗2間泳池景嘅房同1間向外嘅房，剛好呢間向外房對正2個哥哥至愛嘅海洋公園入口同🚇海洋公園站🤩，所以佢地👦🏻🧒🏻同妹妹👧🏻又格外驚喜😆！經常見到無人駕駛列車🚄都興奮不已😂！

第一日check in完，我哋無咩活動只係悠悠閒閒咁喺酒店🏨午睡😆！之後食咗個簡單晚餐，就去酒店主打設施 #礁湖主題泳池 Central Lagoon 游返個夜水🏊🏼‍♂️🏊🏻‍♀️😌，因為當日天氣好 所以連泳池水都特別暖，玩起嚟好舒服👍🏻，我哋玩到9:00pm收池😆☺️！泳池貼心服務，有好多浮條、浮板、水泡、手袖可以借用，甚至水槍都有得借。（不過發現好多人借咗水槍之後無還😓，因為第二日早上去玩 本想問工作人員借，點知工作人員無奈地話前一日借曬出去暫時未有人還😅！）（泳池開放時間 由上午7:30-晚上9:00，如有雷暴警告⚠️會關閉，需要等到取消警告至重開。）（另外，由於泳池更衣室仍然裝修緊，所以一定要喺酒店房換曬泳衣至好落去泳池呀！）

第2日，我哋一早起身見無雷暴警告⚠️即刻落去游返個早水，之後中午12:00點就去酒店內嘅 #海灣餐廳 Marina Kitchen 食lunch buffet 😋😋，自助午餐嚟講食物種類都算有得選擇，有日式料理魚生壽司🍣、🍜🥘東南亞美食、多款煙薰食物、有🐂牛有🐑羊、甜品🍮🍰🧁🍪都算多款、雪糕🍨有3個唔同牌子選擇😋，小朋友更有多款糖果🍬小食添，最吸引小朋友嘅 莫過于入口嘅 #JellyBelly Corner 😅😅，成排Jellybean 任拎😅😅😅，媽媽見到就🤦🏾‍♀️😅！但係佢地3個👦🏻🧒🏻👧🏻見到咁多美食😋，直頭連媽媽👩🏾喺邊都唔記得😅，不停跟舅父、表哥出去拎嘢食😋😋😋。
😆爸爸🙆🏻‍♂️媽媽🙋🏾‍♀️終於可以偷雞休息一陣啦！😌😋 （Buffet 價錢可以參考相集內其中一張Marina Kitchen 價錢表嘅相😊，另外 如入咗萬豪會可享7折優惠，而7月份用滙豐信用卡💳亦可享75折優惠。訂位前問清楚，就可以享受最低價格啦！😁）
食完 buffet 剛啱有雷暴警告⚠️，咁我哋就去咗正正喺 Marina Kitchen 隔離嘅 #兒童遊樂天地 Kids Corner 到玩喇😊，雖然地方細細哋 但係有人流管制，所以入得去玩都唔會太迫👍🏻，兒童遊樂天地比較適合6歲或以下小朋友玩，所以佢哋3個👦🏻🧒🏻👧🏻還算玩到🥳。遊戲室內有些幼兒桌上玩具、小型滑梯組合、小型屋仔加廚房仔、填色手工枱、小型圖書𣕧、電視📺播放卡通頻道等。（開放時間星期一至四上午9:00-下午7:00，星期五六日上午9:00-下午8:00，酒店住客免費任玩）

去完兒童遊樂天地，返上房休息下再同屋企人玩下桌遊 又到晚餐時間啦！由於lunch buffet食得好飽😅，所以只叫咗幾個room service ，每人食少少就解決咗啦！😆

😅😅晚上一直掛住雷暴警告⚠️，成個下午至晚上我哋都無再游水啦😭！
既然係咁，我哋成班人又到酒店🏨樓下行下睇下有咩餐廳啱第三日退房後食個早飯😆！
行完曬之後，舅父舅母就去咗Pier Lounge欣賞Life Band表演，而我哋就返房😴😴😴啦！由於 不斷處於興奮狀態，攰到傻咗嘅妹妹👧🏻秒瞓咗😆！

到咗最後一日，更係要捉住退房前幾個鐘嘅時間 再去泳池玩啦！🤩🥳🏊🏻‍♀️🏊🏼‍♂️
游完水，快快手手執好嘢！check out 後再去酒店內嘅Pier Lounge食埋 Lunch至走！😋

後記：由於酒店空間不算大，所以活動項目不算好多，但於暑假期間都有小朋友專屬活動每天定時進行，可以於指定時間參加！總括來講，仍然係圓滿嘅家庭聚會之旅☺️，一家人一齊去邊都係咁開心🥳！
期望二舅父下次可以回來一齊參與呀😄！
.
.
.
.
.
.
.
.
.
#全職媽媽 #香港媽媽 #悠閒暑假遊 #家庭小聚 #海洋公園酒店 #自助午餐 #一家人去邊都咁開心 #期待下次再去玩 #游水係主要活動 #海洋公園站 #無人駕駛列車

心悅是一間殮葬商的生命頌禮司，工作除了協助逝者家屬策劃喪禮，在喪禮的過程中透過家屬所想的儀式為離去的生命頌禮，追憶生命，「喺過程睇佢哋（家屬）需要係咩，然後我哋有咩方法彰顯到離開咗生命嘅故事，然後可以令到呢個家庭延續佢嘅愛，同時抒發傷感。」

「生命頌禮就係Life Celebration，生命其實好值得去慶祝，生前可以慶祝，死後又可以慶祝。」一條生命離去，總有人會感到傷痛，有甚麼好慶祝的地方？心悅說，喪禮有笑，也可以有淚，「笑嘅地方係，我曾經同佢有一啲好深刻嘅回憶，可能係生活好瑣碎嘅片段都可以，籍住分享，其實大家都慶祝，曾經我同呢個人走過呢啲路，今日佢走到盡到啦，我們回想嘅時候，曾經相處都有值得高興嘅事。」

因此除了替喪禮張羅外，心悅很多時也會與家屬談到逝者的故事。「其實喺傾談嘅過程，好多時家人都係回顧緊佢嘅生命，當然回顧中有落淚、有不捨得，但對佢哋嚟講係抒發咗好多好混亂嘅感受，而將佢哋嘅焦點，從處理喪禮搬到，其實我哋都要處理你嘅感受。」心悅指她的工作是協助處理喪禮的實務工作，但情緒上就需要家屬自己處理，「但喺過程中我哋會陪住你。」

人生中有喜恕哀樂，因此家屬回顧逝者生命時，都不會只得快樂的回憶，「（家屬）都可以講佢唔好嘅嘢，但今日唔好嘅嘢，其實係一個轉化，當我們再提嘅時候，其實都可以放低。」因此她的工作經常提到「道愛、道謝、道歉、道別」，就是希望在最後一刻送別的時候，去為親人做一個最完滿的送別。

心悅認為在送別時道歉很重要，因為在最後一次面對那人時，如果都未放下，之後要處理的時間會再漫長多一點。她也明白不是每件事都很容易放下，但重點是要顧及情緒，「情緒從無得到正視，主要係成個社會文化問題，因為情緒係大家很怕的一件事。」

因此她覺得透過喪禮，親友可以一起去擁抱與分享情緒，也藉此告訴對方，「你有嘅情緒我都有，同埋你有情緒、你喊緊嗰陣，你唔係自己一個孤伶伶咁喊，我喺你側邊，你有我，我又有你。」

喪禮中有很多集俗與儀式其實也充滿心思，但心悅指若參加者忽視了背後的意義就會令環節流於表面，她以吉儀為例，指內裏硬幣原本是感謝親友來喪禮，給對方乘車走，糖果則是希望對方在送別的難過有一點甜，但很多人會說要盡快用盡那硬幣及糖果，像是很害怕如把它們帶回家會有不好的事情發生，「其實都幾得意，呢個原本係用嚟多謝你，同埋令你有啲開心，但最後演變出嚟係不可以帶返屋企。」

心悅指死亡經常都會有這種渲染，也令她反思死亡是否真的如此壞。「死亡固然唔係我哋想面對嘅嘢，因為分離嘅痛真係好痛，但死亡裏嘅祝福唔係消失咗，個祝福就係有個家人過身，我哋去團聚去表達對佢嘅愛，我哋要好好送別佢，我哋仍是一家人。」

她形容生命頌禮是一份禮物，而送一份好的禮物不一定要高級的安排，「嗰種好唔係要外表好，而係全家人好真，可以好真咁覺得佢唔好，可以好真咁唔捨得佢，呢啲係好感動。」她認為一個喪禮沒有人的真實情感是不行的，「死亡唔一定只有黑色，唔一定只有白色，都可以好溫暖。」

香港教育大學（教大）宗教教育與心靈教育中心，與華人永遠墳場管理委員會（華永會）共同舉辦大型生命教育項目「終‧生‧大事」，其中「『回想生命的喜悅』生命教育多媒體創作比賽」正徵集相關照片及微電影，期望參加者在創作過程中，能重新思想生活中快樂的片段。比賽附設免費公開講座，由專家就生命教育作分享，並由專業拍攝團隊分享攝影及拍照的入門技巧。

「他們絞盡腦汁賺錢，與家人關係疏遠……」10歲的小天賜乖巧地在家跟媽媽朗讀課文，見天賜媽的笑容，相信她對兒子相當滿意。他們家不是很大，裝潢亦十分簡單，但對兩母子而言已是安樂窩。平凡的幸福對他們來說，尤其是在天賜媽眼中已算是奢侈，因為她差點兒失去自己的寶貝兒子。

天賜現時精靈活潑，難以想像他剛從鬼門關幸存，他去年患上急性淋巴白血病，一度要進入深切治療部，令天賜媽萬念俱灰，「（當時）我知道捱過這呢關就真係好大幸啦，因為ICU（深切治療部）主管話，60%病童就係因為感染就咁離世。」天賜媽當時已做好最壞打算，「如果上天真係咁殘忍要帶走佢，依家白血病嘅研究又係咁少嘅，我都願意將佢捐出去做大體老師。」

幸而天賜就像他的名字般，得到上天的眷顧，成功戰勝病魔留得住性命，可是不等於一切都已經解決，「之後情況雖然是樂觀，但都仲係要坐輪椅，好似一個六個月大嘅BB咁，坐都坐唔穩」。單單是兒子虛弱的身體狀況都足夠令天賜媽感到痛心，加上她身體都有很多地方不適，「又血壓高、又青光眼，腰椎又退化，成身麻痹，感覺好辛苦，但為咗天賜我都要撐落去。」

為了一口氣撐下去，鬥志雖是可嘉，但自己的身體欠佳下要頻繁地往來醫院照顧兒子，令天賜媽疲於奔命。幸好身邊有不少有心人幫助，她從醫務社工得知香港麥當勞叔叔之家，「就係專門為病童家長而設嘅，可以過嚟呢邊煮飯、煲湯，又有車接送（往返醫院）」，令天賜媽得到喘息的空間，「喺你最危急嘅時間、最密集返醫院嘅時間，（香港）麥當勞叔叔之家就助你一把。」

除了現實的便利，旁人的協助也紓緩了天賜媽的巨大的壓力。「義工、姑娘、醫院的牧師都幫我哋好多，送心意卡畀我哋，希望我哋有一個信念向好方面諗，畀正能量我哋，我覺得心靈嘅安慰是需要嘅」，香港麥當勞叔叔之家也有不少義工服務，令天賜媽及其他家長感到支持及溫暖。

在家舍的其他家長也是令天賜媽堅強的力量，「大家互相扶持，同路人就知道同路人嘅心聲」，原因是大家都知道康復路上的艱辛，行過來並不容易。「無同路人嘅分享，就會向壞方面諗，但有同路人經歷，話你聽路係咁行，就會有心理準備，鬥志都會多啲。」

在旁人的支持鼓勵下，加上自己的堅毅，一家人總算挨過最苦的日子，天賜也逐漸康復，現時進入維持治療的第二部分，他們也是時候離開家舍搬回家中，「返去係高興嘅，但總有啲唔捨得，唔捨得嗰邊嘅姑娘、義工。」

香港麥當勞叔叔之家慈善基金總幹事黃婷婷，在天賜媽母子離開前也特意探訪，對他們可以安然度過難關感到鼓舞及高興，「小朋友突然患重病對一個家庭嚟講係巨變，我好很慶幸可以幫到好似天賜同佢他媽媽嘅家庭，見到佢哋能夠完成療程、一家人返屋企係最鼓舞。」黃婷婷也祝福天賜媽母子回家後一切順利，「都希望前面嘅路，我哋大家都可以繼續支持佢哋。」

天賜媽也不忘旁人在自己逆境時的幫助，「經過呢一年生離死別，我見到我哋有事嗰陣，我哋唔識嘅人都嚟幫我哋，我哋係好感謝」，她也說未來自己有空時，可以回家舍做義工，為其他同路人打打氣，「大家都加油，人生有好多挑戰，有咩事都一定要出聲，好多人都好樂意幫我哋。」

見到兒子健康，天賜媽神情盡是苦盡甘來的喜悅，「最重要係個仔好返，佢可以返學係最開心，見到佢一日比一日強壯係感恩。」天賜學業上非常勤力，繪畫也有天分，天賜媽對兒子未來可有期望？「佢健康快樂就可以啦，我都唔期望佢要做咩，只要佢他開心嘅我都支持佢去做。」

如何快樂些?《第137創業知識: 開心? H = S + C + V》

攝影日期: 2019年8月1日(星期四)早上8時半

H = S + C + V

Happiness = Set Range + Circumstances + Voluntary Control 

快樂 = 天生基因 + 外在環境 + 自我控制

我講緊乜呢，最近大家都睇到社會有好多唔同嘅衝突， 對心情一定有影響。 我做舖，零售咁差，對我影響都更太。 我可以坐喺度怨天怨地， 亦都可以積極面對，有危就有機。 其實做人搞完一大輪嘢為乜呢，都係為咗開心啫。 尋日我阿哥生日， 一家人食飯有講有笑真係好開心。

UPenn 心理學教授 Martin Seligman 係2002年出咗本書 Authentic Happiness 指出 Happiness 係5成天生，每個人都有個 Set Range 。 我相信你都遇到唔少有啲人係天生樂觀啲， 乜都笑一餐，有啲人係天生悲觀啲， 見到佢都成「負能樣」咁。

Circumstances 外在環境呢? 例如股市舖市升跌， 你中咗六合彩，或者周圍都示威遊行咁呢? 只係 account for 8至15%嘅 variance in happiness 開心程度嘅改變。 佢話即是你(大吉利是)遇上車禍下身癱瘓都好，8個禮拜內嗰個人都會開始多啲向正面諗嘢 net positive emoting than negative emotion. 幾年內， 佢嘅開心程度同一般人都只係差少少，基本上差唔多。

咁剩返4成係乜呢? 就係 voluntary control 自我控制。有啲人， 斷咗隻左手就要追究到底， 怨天怨地。 有啲人斷裂左手，就慶幸仲有一隻右手， 斷埋隻右手，就慶幸仲有對腳， 連對腳都斷埋， 就慶幸仲有條命仔， 連條命仔都無埋， 就真係冇嘢好憂慮，去到極樂啦。一杯水，唔單止話係 half full or half empty, 而係你揸住杯水幾耐。 揸十秒鐘，一分鐘無所謂。揸一個鐘，一日，一年，一世，人就好攰。 呢杯水就係你嘅負能量，你嘅怨氣，做人開心，就要學懂放下。

做人開心啲係about 三樣嘢。Past, Present, Future. 

Past - 對過去發生嘅事情感恩。They happened for a reason. 

Present - 對現有嘅嘢要享受同珍惜，我成日話最好嘅嘢可能已經係身邊。 你對佢好，佢自然會變得更加好。

Future - 對未來要樂觀，有信念及有目標追求。

尋日我先同同事們分享完呢條formula, 為佢哋打氣，今早五點幾我就起身寫稿好想錄呢條影片俾你。原來我老婆仲早過我起身， 喺大廳度做緊佢個教育project.... 佢話「老公，我好driven 呀！ 」我話 I'm so happy that u are happy. 

5成天生，1成外在環境，4成你可以自我控制。對過去感恩，珍惜現在，記住，最好嘅已經係身邊，對未來抱著希望，H = S + C + V，I'm happy，but I'm happier if I can make you happy too. 

Summary: 

《第137創業知識: 開心? H = S + C + V》

Happiness = Set Range (50%) + Circumstances (8-15%) + Voluntary Control (40%)

快樂 = 天生基因 + 外在環境 + 自我控制

記住 Voluntary Control: 
Past - 感恩
Present - 享受同珍惜 
Future - 樂觀，有信念及追求目標

#如何快樂，#快樂方程式