＃過氣病
你如何理解世界好美好？
就係有真‧朋友（出名小氣，全唐人街都知佢萬朱莎華最講道理果隻）傳message 話我知，一個出名信口雌黃嘅政評人叫第二個出名信口雌黃嘅娛樂評論人應該提早退休。
就係政評人開始不務正業，講娛樂嘢。哈哈哈哈。
oh，well。政評9upper 都未退休，娛樂老海鮮當然可以坐多二三十年啦。
信口雌黃政評，係香港，幾有市場㗎。
btw，話人低俗，即係cheap 啦？ 咁呢一個真係好老土好老土好老土，好在我唔係現場聽到，係現場聽到我肯定會畀一個尷尬到crazzzyyyyyyyyyyy 嘅表情出嚟。呢個comment，完全係50年代穿越出嚟嘅人先講得出嘅「潮語」。
話人low，話人cheap，cheap？ cheap 得過你窮？等你過百萬片酬果陣，咪日日去藝術中心蒲扮高級囉！Cheap 唔Cheap用口講既啫。（就算王晶畀人叫藍晶，高智森畀人叫低智森，《精裝追女仔2》呢一段，仲有《家有囍事》呢d 香港文化嘢真係永遠植根係我入面。呢d 就真係香港人集體回憶啦。）
就算 Error （ok，我有提佢地名，唔好又屈我：你睇吓佢成個page 成篇文都冇提過佢地即係唔中意佢地啦！）個節目幾low 幾cheap都好，冇問題的，觀眾中意，果d 打手page 日日反射動作咁出post就一萬幾千like，係人都應該做立即做，有收錢好冇收錢好，有咩好得過「好收工」？（係呀，你估人人好似我咁咁中意「開工」？好多人都係想「收工」架咋！） 。
viutv 曾經有個電視節目，曾經叫d 性感少少（都係少少架咋，香港女仔鏡頭前可以幾性感？）嘅女仔好似扮洗車，大叫「唔好射入面、唔好射入面」（連續兩次）都得啦，只要冇投訴，就幾low，幾cheap 都可以。
呢個就係民眾嘅選擇，亦係香港嘅電視文化。做完，冇人睇，少投訴，高層肯頂住d 投訴信，咁就有嘢做到。
教唔教壞細路？傻啦，而家d 細路到個電視教得壞咩？
要禁都應該禁左d 心智未成熟既成年人，睇埋d 9up政評人係youtube 9up，搞到d 家長唔準備好就移民搞到d 細路有病爭d 家散人亡啦。
#低俗，#教壞細路，我地應該尊重某d人既評論能力只係停留左係某個層次，亦都接受「香港人仲有好大部份覺得佢講得都幾有道理」呢一個集體民智仲係接受低俗節目好睇同埋評論低俗節目低俗就有人講有人寫有人報道嘅社會，現實就係咁。咁，我應該接受呢個世界有d人個見解係停留左係50年代嘅，由得佢囉。
但叫人「提早退休」，又真係幾好笑。果堆9upper 都未退休，果個娛樂政評人真係可以講多二十年，隨時爆足十年呀。
＃cheap得過你窮
＃所以做人真係要識搵錢同識使少d
＃唔使得多咪唔使搵咁多囉
＃同場加映myalltimefavorite
＃二妹姐出場
＃低俗病
＃過氣病
