「想當年呀！我哋公司得幾丁友，晚晚OT幫老細打江山，你睇而家規模幾大！」
「想當年呀！我哋出糧用算盤咋，貼街招請人就得，邊使咁麻煩吖。」
「想當年呀.......」
唔好再想當年喇，當年啲老細好有人情味，而家啲老細唔搵你笨都偷笑啦！如果2018年淨係可以貼街招請人，天水圍同元朗啲居民咪只可以原區返工囉，唔通行出九龍睇街招咩！今時今日搵工都難咗好多啦，同一份工，同一個職位，真係要十八般武藝俱全，仲要周身刀張張利。
就以HR嚟講吖，以前識請人就得，而家打開個求職網睇下要求，要你涉獵嘅招聘範圍已經拓展到其他國家，又要幫手搞working visa，計糧之餘又要編制福利，連team building同training都要搞埋，仲要有張沙紙傍身。
冇得想當年架喇，時代巨輪迫住你行，要搵食就唔可以原地踏步，所以香港公開大學(The Open University of Hong Kong)嘅Master in International Human Resources Management，就係為做緊HR，或者想投身HR嘅人仕而設，呢個課程由香港公開大學同法國著名學府University Paris II Panthéon-Assas旗下嘅CIFFOP攜手合辦，係本港首個同類型課程，呢個課程無論係理論同實際技巧，都接通全球頂尖企業人事管理嘅模式，學生仲有機會到本地或者海外跨國企業進行考察，除咗可以認識到唔同地方嘅文化，仲可以藉機擴大人際網絡。
不過咁，作為一個HR或者Recruiter，最重要都係有Heart，幫到公司之餘，亦要幫下員工同埋求職者，咁先至可以將學到嘅嘢用於職場，課程細節同內容可以參考以下連結👇👇👇
www.ouhk.edu.hk/MiHRM
