《還原基本步，要改善香港教育，就唔好再contract contract 再contract...》
尋日睇到一個痛心嘅新聞，一位擁有3碩士嘅前中學教師自殺身亡。我唔想討論死者嘅學歷，我想認真地鬧下香港教師合約制呢個問題。
contract contract 再contract...
上星期講普教中時提及，一位教左band 3學校4年嘅朋友，學校再同佢續兩年約，學校已經咁差，好應該留住D老師，仲不停續老師約，呢件事真係好匪夷所思。
咁banding 好D嘅學校又點呢？一位有4年教書經驗嘅朋友B，先後任教兩間學校，第一間band 2，第二間band 1，朋友B喺band 1 學校做左兩年contract老師，終於等到有老師退休，學校終於有長約位。我理解上，你有位當然係畀左校內contract老師先，但事實並唔係咁。朋友B需要重新申請呢個長約位，同街外申請嘅人爭，進行面試（包括group interview）。最慘係朋友B一旦見唔成呢個長約位，佢原先個contract 位都會冇埋，簡單來講，有機會渣都冇。
Group interview期間，朋友B 撞返大學同學，原來大家都係不停畀人續約，於是就不停來回其他學校interview。其他學校亦有請長約位，朋友B亦會去in其他學校，呢個奇怪嘅現象就係：「你來我個間做，我又去返你個間做」，好似exchange student 咁。
----------------------------------------------------------
點解會出現「你來我個間做，我又去返你個間做」嘅騎呢狀態？
因為學校請人唔再衡量老師嘅資歷，而係衡量個budget，計下點可以用最少嘅錢，請一個老師返來。一個有年資嘅校內老師，未必比一個冇年資嘅新老師好，反而冇年資嘅新老師更平。
有年資嘅老師係對學校好，冇年資嘅老師係對學校盤數好。甚至以長約之名，請個冇年資嘅老師，簽約時可以移形換影變contract，「做住先，睇返表現轉長約」呃新老師都係司空見慣。
----------------------------------------------------------
contract接contract，我地對香港老師有幾尊重？
我知一切都唔係學校嘅問題，係政府嘅問題，政府畀津校同官校嘅funding，從來都係「畀住先」，今日有，聽日可以冇。你係一個contract老師，你今日有工做，但funding 有限，愈做得耐，你嘅資歷就係原罪，你資歷愈多愈貴，學校就愈想炒左你。學校最重要嘅資產就係班老師，但學校就最唔重視呢D資產，年年都「以物易物」同其他學校換批老師返來。
「以物易物」換老師，邊個最開心？
--> 記得以往嘅升中指南，會列出學校有幾多位教師有碩士學歷，幾多有學士學歷，證明一間學校嘅教師質素。但我覺得更好嘅師資指標，應該係學校教師嘅穩定性，教師做唔做得長。
--> contract 老師嘅問題，最大嘅影響係D 學生，如果你係學生，今日A老師，聽日B老師，個學生真係最攰，換老師係要重新適應教學手法架。
--> 如果個老師年年去唔同地方教，老師係要用大量時間適應新學校嘅作風同行政工作。簡單來講，contract 呢個制度，全世界都輸。
----------------------------------------------------------
學童人口下跌，cut 老師係大勢所趨，contract在所難免？
1. 說好嘅小班教學呢？點解唔趁人口數目下跌盡早推行小班教學，保持教師一定數目，取消contract 制度？
2. 說好嘅減少每個老師任教班數同堂數呢？我永遠唔明點解會有超額教師，教師忙到命都冇，點解多年來講嘅每個老師教少D，完全冇聲氣？
----------------------------------------------------------
PS. 呢幾日對於3碩士老師嘅討論...
我好記得，2006年羅范椒芬被問兩位教師先後自殺，大眾歸咎於教改太急，逼死老師。當時羅范話如果係關事，點解只有兩名教師（自殺）呢？此話一出，大眾狠批羅范涼薄。
有人話，呢位3碩士老師自殺不只係合約制嘅問題，也有自身問題。但合約制必然係好有問題，呢個問題亦困擾整代教師，我地仲承擔得起再有教師被逼上絕路？希望大家睇完呢個咁sad 嘅新聞，認真諗下香港教師合約制係幾不堪。
升中指南 在 「中一派位電子平台」家長指南–（二）遞交自行分配學位申請 的推薦與評價
[ 升中 選校] 不可不知的自行面試真相| 呈2 已過仲可以點？ · 2021年小一入學申請流程及派位必入三甲方法分享! · 凝聚香港- 中一自行分配學位可經「智方便+」 ... ... <看更多>