《讀者投稿》
上篇讀者請教 27/1
https://m.facebook.com/story.php?story_fbid=813784379228306&id=156592644947486
hello, 事件有後續, 睇下版主可以能否開新post再後續上次嘅事件,因為今次 文章可能較長,抱歉抱歉🙏🙏
我再同男友傾返件事:「 其實呢一兩年我一直都有發惡夢, 一年內面對父母先後離世咁大打擊, 我真係好傷心!」
他說:「 咁你咪攬住個枕頭喊 ,瞓醒覺聽日就冇事㗎喇!」
我:「 呢啲唔會一陣就冇事, 始終都未放低, 你試諗下如果係你父母，你會咁快放得開?」
他突然好激動說:「唔好燒埋我屋企嗰疊! 呢啲係你家庭問題,唔好將你啲問題套落我度! 無啦啦講我父母做乜嘢?」
我:「 其實我父母見唔到我結婚真係好有遺憾, 但你當時 都冇主動提出去醫院度探佢或者去靈堂送佢最後一程, 既然人都不在, 去鞠個躬 又或者封帛金你都冇提出 ,在情在理你都應該 寫慰問卡又或者寫封信同我屋企人解釋清楚你之後有啲咩計劃?諗住 將來係點?起碼畀老人家得個明白, 你未試過又點知佢哋點諗?你就算怕出現佢哋唔高興,事先都可以做呢個步驟睇下 咩情況 ,但你始終對佢哋不聞不問,雖然我父母冇直接見過你,冇同你講過任何一句說話, 當時喺街我媽見到我哋一齊，佢上到嚟淨係同我傾計，冇問過你冇同你眼神接觸， 但兩個分別 臨終之前 ，你都冇開解過我，好冷漠，冇提過 將來 有咩planning。」
他居然說:「咁你真係冇主動提出,如果你當時講一句我請假都會陪足你全程! 唔可以怪我㗎喎!只係你當時真係冇講清楚, 我真係唔識,但現在人都不在,你仲提做乜嘢？ 況且當時你父母在醫院嗰陣， 如果我出現嘅話我怕會激親佢哋，到時咪仲大鑊! 佢哋有遺憾見唔到你結婚,但唔係想我同你結婚呀嘛,點同講法呢?但係我父母係想我同你結婚,佢哋都接受你,我唔想佢哋有遺憾!所以你唔可以將你嗰套同我呢一套混為一談 !我阿媽對你咁好,整咁多靚嘢畀你食 ,其他親戚見過你都冇任何一句 閒話 ,個個對你咁好有咩嘢都會買畀你食, 但我從來冇見過你女家嘅人, 點同講法?」
其實我心入面都有答案, 這些人 只會重視佢家庭,而對我的家庭毫不理會， 嫁到入去真面目都會露出，婚前婚後係會兩個樣，我相信好多 姊妹都經歷過。
這段關係真係不對等，其實幾年前佢阿公過身，佢屋企人都有問我可唔可以去鞠個躬，同公司說早少少走又或者能否請假？當時我都同公司講咗，但係最後真係要ot有緊要事去唔到， 佢阿媽同埋阿姨嗰啲都有話有冇搞錯呀？ 明明一早同公司講咗點解最後走唔到?咁男朋友當時有幫我出帛金，不過冇問我攞返錢 。之後佢 姑媽走咗 ，佢屋企人都有叫我請假或者早少少走出席， 當時咁啱係禮拜日所以唔使請假，但係嗰陣就係我阿媽入院嘅時候， 變咗我都冇去到，佢又幫我出埋帛金， 因為人不到禮都要到，呢個係佢同家人提出 ，有冇搞錯？你屋企嘅嘢我樣樣都要做足， 但我屋企嘅嘢又有冇關心過？雖然你係有主動叫我去參與你屋企嘅嘢，而我冇主動提出，但我覺得呢個人實在太強橫無理，根本溝通唔到，為咗大家好放生啦! 根本睇唔到有任何將來 ,樣樣都話唔想父母有遺憾一係就搬出其他藉口!
當時我去唔到佢阿公喪禮都有幾個人 比說話我聽，但我父母嗰度你連禮數都冇做足， 呢樣真係太過份， 雖然當時係佢以我名義幫我比帛金， 但我始終個心都仲有條刺，點解可以咁對我？ 要你屋企人又要我對你啲親戚點點點。。。。 估唔到提一提結婚就已經衍生咁多問題， 完!
多謝睇曬所有 post嘅各位。
＃我的極品四大長老
喪禮 慰問卡 在 瑞士不簡單（二版）: 從社會、文化、教育面向，走進瑞士緩慢的生活哲學 的推薦與評價
在婚禮、喪禮和生日派對等活動收到賓客的卡片後,抱持禮尚往來的精神, ... 在他的告別式上, A 和家人收到上百張慰問卡,他們他們花了好幾個月才寫完全部的謝卡。 ... <看更多>
相關內容