#在日落前交換日記
星期一至五 5-6 叱咤903
阿檸 - 毒檸王國
8月21日
【再見我的死神】
滅卻師 檸：
終於終於，曾經同火影、one piece三國頂立，並列於漫畫界癲峰嘅一代皇道漫畫 bleach, 漂靈, 喺上星期畫上句號。又一個同我一齊成長嘅同伴黑崎一護退席，心入面真係萬般滋味有心頭。
漂靈，特色係畫風非常有型有氣勢，成日以完整一頁畫一格漫畫，人物同招式設定充滿創意而風格獨特，對白偏向少，可以話係以打鬥為主、劇情為次嘅少年漫畫。但係去到後期，劇情未免太太太次要啦！同火影一樣，雖然人人都話佢爛咗好耐，但我都睇落去，以單睇戰鬥畫面同人設佢依然係唔錯嘅消遣，我唯求佢爛咗咁耐，比番個好少少嘅結局我啫，打滅卻師打咗咁多年，至少比多少少心機畫個尾吖！有夢想嘅人真係太太太天真！都係同火影一樣，原來衰咗嘅嘢係點都唔會再變番好㗎啦！睇，你可以照睇，但千祈唔好比任何「可能個尾會好啲呢，可能會搞得掂所有伏線同人物呢」嘅假希望自己，由通靈王開始，伏已經中過太多次！
邊緣回望，呢套漂靈係我大學一年級時期狂煲嘅漫畫。當年我同roomate成日喺各自嘅床尾盤膝而坐，二十四小時不離床咁追住睇，眼瞓就將上半身降落床，雙膝依舊盤住，瞓完又拮起身睇過。唉，算啦，始終都帶過美好回憶比我，好頭好尾，同你講一句感性同感謝嘅再見。byebye啦，一護。
死神 Oscar
四代火影招式 在 [閒聊] 四代火影到底強不強ㄚ- 看板C_Chat - 批踢踢實業坊 的推薦與評價