Search
有看Netflix《慾罷不能》（Too Hot to Handle）的請舉手🙋♂️
挺喜歡裡面雞仔聲、有點傻氣的英國健身教練David Birtwistle 。通常像他們以健身為主的大隻佬甚少長跑，David不例外，但他昨天完成了一次自發的馬拉松。
據他在IG報稱，完成時間是4:00:39。35K後體力急降，40K後裙拉褲甩，一如你我。跑完後最大的感想是：「向每位馬拉松完賽者加倍致敬，事情真的不容易！」
IG帖文:
https://www.instagram.com/p/CA0morlHG7a/?igshid=z6529azjpzjr
（咳，剛發現大衛先生fb 21xx likes，但IG係一。百。二。十。萬......fb已成護老院無誤😏）
我要新鮮感（上）
我嘗試用寬容嘅眼光，打量眼前呢個女人。
但，唔得就係唔得。
佢對眼太細、佢個鼻太大、佢膚色太黑……佢由頭到腳，都唔符合我對夢中情人嘅想像。
點解我會同呢個女人飲嘢呢？一時鬼掩眼掛。
但男人就要為自己嘅行為負責，我約咗佢飲嘢，總要開口。
「呃，你叫思思，個名……幾好聽。」
你睇吓，我完全搵唔到讚美佢嘅地方，只可以讚佢個名好聽。
思思望住我，從佢嘅眼神中，我感覺到，佢對我嘅外表都唔滿意。
我覺得自己幾靚仔丫，斯斯文文，佢唔滿意啲乜？
呢個時候，思思開口：「你平時鍾意做啲咩㗎？」
「睇吓書，睇吓電影咁。」我好敷衍地答。
思思繼續講：「有無諗過做吓Gym？如果男人有更Fit嘅身型，可以更好地面對未來。」
噢，我明啦，佢鍾意嘅係六舊腹肌大隻型，唔欣賞我呢種文青型。
我哋四目交投，心有靈犀，唔需要言語就得出共識：既然大家都唔滿意對方，呢場尷尬嘅約會應該儘快結束。
我哋找咗數，思思離開咖啡室。
呢個時候，我望到隔離枱有個靚女，一個人飲緊嘢。
佢深邃嘅大眼睛、長長嘅睫毛，一睇就係我杯茶。
我走埋去搭訕，靚女叫小美，果然人如其名。
小美對我好滿意，我哋好啱傾。
點解會啱傾？其實，咪又係傾個人興趣、過往經歷，邊有咁多幽默大師。
只不過，當我哋滿意對方嘅外表，傾計時自然會更熱情，更努力回應，一來一往咪顯得啱傾囉。
我同小美傾得咁開心，跟住就去咗睇戲，睇完戲，我順勢邀請佢去我屋企……睇Netflix。
我一個人住，最方便啦。
小美都對Netflix好有興趣，我哋就齊齊返去我屋企。
返到屋企，熱情逐漸升溫，我哋喺客廳開始接吻，我除低上衣……
突然間，我聽到一種奇怪嘅聲音，係鎖匙開門嘅聲。
咪住先，我一個人住㗎喎，邊個會有鎖匙？
正當我努力思索，門被打開，行入嚟嘅係思思。
喂，我同思思唔係好熟㗎咋喎，係今日約會咗一次，大家都唔滿意，跟住就分道揚鑣，點解佢會有鎖匙？
思思尖叫：「啊，你點解會喺度？有賊啊！」
佢眼神堅定，神情憤怒，令我都有一瞬間懷疑，係我入錯咗屋。
但我望一望周圍，的確係我屋企嘅傢俬同陳設。
思思惡人先告狀，指住半裸嘅我：「你係咪喺咖啡室，偷咗我條鎖匙嚟copy？做賊都算啦，仲想喺我屋企勾三搭四？」
小美快手著番件外套，狠狠推開我：「喂，你又話你一個人住？原來你做賊？」
場面已經好混亂，小美諗住離開呢間屋，點知未都行出門口，就見到一個好大隻嘅外籍男士，拎住支酒企喺門外。
「你係？係思思嘅室友？」外籍男士好疑惑咁問小美。
思思好尷尬，衝埋去講：「我有啲事要處理，下次再約。」
外籍男士繼續問：「你唔係一個人住？你話，喺你屋企嚟一場浪漫嘅Dating，我覺得我哋需要酒，啱啱仲特登去買……」
我瞬間把握到問題嘅關鍵，大聲問思思：「喂，你本來諗住同呢個大隻佬，喺我屋企做乜嘢？」
「呢度係我屋企！」思思強調。
我終於意識到，問題唔在於思思約大隻佬做乜嘢，或者我約小美做乜嘢，畢竟我哋咩關係都無，無理由干涉對方嘅私生活。
問題回到原點，呢度到底係邊個屋企？
下集：https://bit.ly/39Iaufc
將專頁設定為「搶先看」/ "See first"，最新故仔馬上睇！
我救咗條美人魚：https://goo.gl/QTCc6Y
間屋成日都火燭：http://bit.do/fkEX9
#短故 #短篇 #小說 #陳美濤 #廣東話 #粵語 #tomatochan #我要新鮮感
