據早前報道，九龍倉置業（1997）正與旗下海港城的商舖租客「講數」，提供五月份租金折扣優惠，折扣額相當於當月四成租金，但租客要簽字承諾付清六月底前所有未償還租金和欠款，並要求延長租約期最少十八個月。據聞有一些租客，不太願意簽字承諾，目前仍在討價還價之中。
我持有多間企業的股份，非常明白經營者的心態，當公司出現資金緊缺的時候，老闆調配現金的先後次序是：（1）先用自己積蓄出糧給員工，因為每天都要面對面，唔出糧口黑面黑，做老闆頂唔到幾多日，拖夠七日後甚至告到勞工處；（2）供應商條數拖得就拖，但也不能拖太久，否則斷貨後就唔使做生意；（3）業主租金拖到最後，冇錢就暫時唔交租，就算有錢都拖住先，留些空間先處理其他問題。
其實進駐海港城的零售商，已經算是較大的品牌，對抗逆境的能力相對較強，很多個體戶的零售及飲食小店，已經出現屍橫遍野的情況，從去年六月連續蝕到今日，東主已經用盡積蓄給員工出糧，但最後都係頂唔落去，蝕哂所有棺材本再關門大吉。
上半年很多小商戶，只是拉閘停業而沒有執笠，主要是等埋政府的八萬元，但當他們收到錢後，就開始陸續關門，欠下業主起碼半年租金。在現實情況中，這些欠租多數唔可能收得番，業主也沒有太多辦法，因為租客都已經執笠，可以告甚麼呢？當業主收回這些舖位後，由於通街都是吉舖，加上目前的情況下，就算是如何勇猛的創業者，也未必夠膽在這個時候開新店，所以業主就算減租七至八成，都不一定有創業者願意承接。
我試過在銅鑼灣走一圈，粗略估計最少有一百間吉舖，最矚目是Victoria's Secret渣甸街的四層旗艦店巨舖，這個舖位本來月租700萬元，現在已經關門大吉；沿途再看SOGO後面的街道，以及波斯富街、駱克道、謝斐道、景隆街等一帶，每條街都起碼十間八間吉舖，情況非常慘烈。至於灣仔及油尖旺等地區，情況亦是差不多，基本上通街都是吉舖，特別是尖沙咀以前集中國內遊客的地區，不少國際品牌都相繼結業，有些業主就算減租八成，到目前仍未能成功找到新的租客。
近日飲食界的某位立法會議員，促請政府修例限制業主，在疫情下不得向停業或受影響租戶追收欠租及封舖。雖然聽起來好像很偉大，但肯定香港政府成功立法的機會率……絕對是零。就算是共產主義的地方，都不可能立法禁止業主唔準向租客追租，香港點可能成功訂立這條法例？現在很多政府有關係機構，例如港鐵、領展、機管局等的租金都唔係減太多，連他們都唔會聽政府支笛。這位建議立法的議員，難道覺得領展肯唔去追租？
所以我在過去一年，對街舖投資看法一直都是：就算劈價大平賣的商舖，唔好見到便宜四五成就以為好抵，因為明天可能會更平、更加抵買。
https://eastweek.my-magazine.me/main/97544
尖沙咀sogo結業 在 U Travel - 尖沙咀SOGO 將2月結業，即日起「Closing Sale」 的推薦與評價
尖沙咀SOGO 將2月結業，即日起「Closing Sale」～ ... 尖沙咀崇光百貨因不獲業主續租，將於今年2月中結束營業，由即日起更舉行「Closing Sale」閉店大割引。 ... <看更多>