值得一看，值得深思。
【擘大眼睇真啲，原來世界好恐怖】
韓國最近爆咗單「崔順實干政」大新聞，搞到萬人上街。就咁睇，你會覺得係政治事件。
「我知～你想話香港人就無咁團結嘛～又講政治！好煩囉！」
咁不如今次換個有趣少少嘅角度，同大家講一個故事，我保證唔會關政治事！
今次要講嘅係…現今韓國總統，背後有一個邪教控制住！邪教，全部都係邪教！
先簡單幾句講吓發生咩事，被告「崔順實」（下稱崔女人）係一個無官職嘅女人，佢個寶貝女就以「馬術專才生」成功入讀梨花女子大學，但搞笑嘅係，梨花大學根本無馬術呢一科。
當有網民呢件事，寶貝女就喺網上串班低等賤民：「吹啊？我屋企有錢啊！有錢就是實力！」
於是寶貝女就惹起民憤，一眾網民展開起底行動。傳媒亦喺崔女人（唔係總統）丟棄嘅舊電腦搵到，佢同韓國總統「朴槿惠」（下稱朴總統）有多次秘密會面，仲有權力幫總統修改演講講稿，於是就爆出咗呢單風波。（詳細唔多講，唔係重點）
點解呢個無官職嘅女人咁恐怖嘅？！
其實最恐怖嘅，係佢老豆…
崔女人個老豆，叫「崔太敏」（下稱崔父），係韓國邪教「永生教」嘅教主。崔太敏已經係佢第７個名，之前做過軍人、佛教僧侶、基督教牧師、邪教教主。點解佢要換七個名？睇落去大家就明…
1974年，朴總統仲未做總統，佢老母喺嗰年死咗，朴總統傷心欲絕。崔父就話自己可以發夢同佢老母溝通，借機接近佢。喺朴總統好早期嘅演講，崔父仲以精神導師身份陪伴左右。
崔父並唔係一般鳩流流，「呃蝦條」嘅邪教教主。2007年，朴總統曾經親口講「崔父係愛國者！我感激佢喺困難時期嘅幫助！」
同年，維基解密公開咗一份美國駐韓大使館嘅文件，有謠言稱崔父已經完全控制咗朴總統嘅身體同靈魂，崔一家子女因此獲得巨大財富，亦有傳言，崔父同未婚嘅朴總統偷偷育有一個兒子。（呢個傳聞中嘅兒子，一陣會再出場）
2016年睇返崔女人嘅權力同佢寶貝女嘅炫富，中喎～
，邪教教主當然唔止咁簡單啦，繼續回帶，大家記唔記得2014年韓國發生咗次「世越號」沉船事件，事件造成超過300人死亡。有人懷疑，呢次沉船事件，係一個邪教嘅「活祭」事件！
崔女人想以活人祭，復活喺1994年死咗嘅老豆崔父教主。
當然啦，「活祭論」只係猜測，但沉船事件的確有好多解釋唔到嘅疑點，令人覺得今次意外係人為。
疑點：
１）事故前一日，南韓突然修改相關法律，容許一等航海士代理船長職務，仲可以由總統直接指定。 而世越號出事當日，正好被臨時強制換咗船長。
２）出事當天，港口出發嘅其餘十艏航班，全部因大霧而取消出航，只有世越號一隻船強行出港。
３）撞船之後，船長下達命令，要求學生全體留喺原地，但船長條友仔自己扮係乘客第一個跳上救生艇。
４）更恐怖嘅係，事發前一日，學生原本計畫乘坐嘅船，被換成世越號…
５）朴總統、崔女人、崔女人前夫三人曾於世越號沉没之後秘密會面七小時。
６）事發當日，年僅２７歲嘅洪嘉惠，係一名職業潛水員，當時佢去緊濟州島旅行，聽見發生沉船意外，立即趕到現場增援。點知…
佢只係見到海警同警察，企晒喺岸邊同巡邏艇上，完全無打算去救人。有喺岸邊嘅家屬喊住懇求佢哋落水救人，但係海警唔批准任何人落水。
當時，潛水員洪嘉惠用live報導當時情況，質疑海警做法，結果係點？韓國政府親口否認，更加將佢監禁長達102天。期間，佢不斷被各媒體報導成判亂分子。
若然唔係政府身有屎，何必咁緊張？
可能你會話「痴線咩！有冇咁大權力啊！媒體同警察都控制到！」
容許我再回一回帶，加啲更大膽推測。
唔知大家又記唔記得，2015年facebook瘋傳過一段影片，影片入面有三個戴帽、戴黑超、戴口罩嘅人，係一個母親同兩個兒子，報稱自己二十年嚟被逼賣淫。
簡單講吓咩事～
大約廿年前，母親被一個權力好大嘅男人強姦，事後母親被屋企人逼佢同個男人結婚。結婚之後母親搬咗去美國住，對於佢嚟講，呢段日子真係慘過每日食屎。
因為佢幾乎每日都被瘋狂強姦，被自己丈夫，亦有一啲唔認識嘅男人。結婚三年後，母親生咗個仔，但係估唔到，個仔都無好日子過，五歲就被丈夫雞姦，亦有不停接客，服侍啲有變態戀童癖嘅客人。
七年後，母親生咗第二個，當然呢個細仔都逃唔過被姦嘅命運，丈夫會舉辦一啲畀有錢佬權貴參加嘅雜交派對，母親同兩個仔就每日不斷接客。
期間，母親會被注射鎮靜劑，而兩個仔就會注射興奮劑服侍客人。平日無生意，兩個仔都會被父親雞姦。（已有讀者查證當年崔父已死，thx～ ）
『兩個仔會被（父親）雞姦。』
上文提及：崔父與朴總統育有（一子）。
而呢位母親亦喺影片中提及，丈夫嘅父親，係一個有權有勢有財嘅牧師。
上文提及：崔父曾經做過僧侶、牧師、教主…
好慘？未算，當呢個母親陪丈夫返到韓國，佢先發現…點解當年屋企人要逼佢同個男人結婚？原來，屋企人同佢丈夫係生意伙伴。
一直過住廿年悲慘生活，去到2015年，終於有一次機會逃脫，母親即刻去報警求助，警察叫佢返屋企等消息…然後，完全無回音。
於是，母親轉移搵媒體，媒體接受訪問之後，幾日都無播出相關新聞，相反，當佢拍片放上youtube向各界求助，佢屋企人就即時跑出嚟，話佢有精神病、妄想症…有傳媒仲搵到一個相傳係母親既「真丈夫」，「真丈夫」話：「嗚嗚～係啊佢真係痴線㗎～佢兩個仔都痴線㗎～大家唔好信佢！我先係受害者！」
其後，媒體再查出呢個女人係被另一邪教嘅女巫師指使佢咁做…但媒體係咪真係可信呢？因為女巫師咁做，對佢可謂毫無益處可言...
即使未必真係關崔子嘅事，但可想而知，邪教喺韓國有幾大影響力！亦有傳美國政府，背後同樣被一個「影子政府」控制。（已修，謝讀者提供資料）
以上所有事都可以喺wiki搵到，我只係將佢哋聯想埋一齊，若果大家唔信，亦可以當係我創作嘅故事。
但呢個「故事」，都可以畀大家對呢個世界，多少少思考空間。（我講嘅未必係真，但不論真假大家都要有獨立思考，不能盡信媒體、政客。名稱劇情如有雷同，實屬巧合）
媒體係咪可信？政客係咪可信？仲有好似個母親咁，屋企人係咪真係可信呢？或者我哋應該要學識，睇嘢唔好咁單一化，換轉現時嘅香港亦都係一樣。
第２集：【點解有人咁蠢會信邪教？】
http://bit.ly/2eibkCB
＝＝＝＝＝
專頁：http://www.facebook.com/BlueGodZi
ig：blueGodZi
崔咪維基 在 乳癌教會我的事美妝YouTuber 崔咪：給別 - 親子天下 的推薦與評價
從部落格起家、經營服飾與彩妝品牌，將「愛美」當成職業的百萬美妝部落客崔咪，卻在2017年，迎來乳癌三期的打擊。抗癌過程中，從不輕易示弱的她了解， ... ... <看更多>