“Io , accolgo te, come mio sposo.
Con la grazia di Cristo, prometto di esserti fedele sempre,nella gioia e nel dolore, nella salute e nella malattia, e di amarti e onorarti tutti i giorni della mia vita.”
揭開頭紗後，我手執戒指，喺神父面前許下呢個承諾：
我，願以你作為我的丈夫
藉著天主的恩典，我保證永遠忠於你
無論快樂或痛苦，健康或疾病
並且每天都愛你並尊重你。
我意大利文唔叻，第一次喺成教堂咁多人面前，講誓詞講到甩甩cut cut, 讀嘅時候緊緊捉住意佬對手，緊得手心都要出汗。
當刻我知道意佬感應到我誓詞背後嘅心底話：
「無論你去到天南地北，無論你要去行幾多崎嶇嘅路，我都會拉住個喼陪住你。」
「你去北京我陪你食北風，你去非洲我陪你去餵蚊。」
每一對踏入婚姻階段嘅情侶都會讀過誓詞，同甘共苦、海枯石爛嘅動人句子，我係深信每對情侶都用個心朗讀出來。然而，沒有紮根的感情，互相尊重地牢牢穩固相方努力種下嘅樹根；珍惜對方得以灌溉滋潤樹嘅一枝一節，誓言就只會成為枯葉，微風一吹，散落一地。
寫好最後一篇西文考試論文，我有感而發：
誓詞固然重要，學會如何經營一段婚姻豈不是更重要？
好不容易學會了半桶水西班牙文；
好不容易得到社區內鄰舍嘅認同；
此時此刻，嗯，冇錯，我哋要走了，我哋又一抽二lung地撤退了......
朋友問：「又走？唔攰咩？揾個舒適嘅地方落地生根唔寫意啲咩？」
結婚是一天，婚姻是一輩子。
要相方好好的長跑下去，一大大秘訣就是不要嘗試改變對方。既然意佬本來就係個東奔西跑嘅人，我應陪佢一齊跑，而唔係成為佢嘅絆腳石，咁樣先可一齊跑到老。
人哋話嫁到國外，要用三五年時間適應環境，融入當地生活。而我，的確從來都未能適應南美洲嘅生活模式，就算斷斷續續住咗半年有多，唔慣就係唔慣，依家執包袱走人都未嘗唔係一件壞事。
至於要去邊？仲有待確認。隨後浪跡唔同地方，又點只喺舌尖上嚐到的酸甜苦辣咁簡單。不過其實都冇所謂啦，反正嫁雞隨雞，最緊要有意佬陪住我，或佢話其實係我陪佢喎。
每次走佬都帶一點遺憾，每去到一個地方難得認識到僅有的知音人，而我哋一走唔會返轉頭的話，就真係此生唔知會唔會再可再見面🤧嗚嗚～
後會有期 ·阿根廷·
攝於 Puerto Madero, Buenos Aires
#同姓同齡失散多年的知音人
#嫁雞隨雞的背包客
#ByeByeArgentina
#SunsetOfPuertoMadero
#後會有期阿根廷
#布宜諾斯艾利斯實地報導
布宜諾斯艾利斯實地報導 在 【聚星幫電影館】一部深具人道精神的佳作《白象：無法之城》特映 ... 的推薦與評價
耗資一億五千萬台幣、於阿根廷實地實景拍攝的電影《白象：無法之城》，聚焦在兩名駐守在布宜諾斯艾利斯「白象」貧民區、為居民犧牲奉獻的神父。導演藉這部人道力作深刻 ... ... <看更多>