讀者投稿《涼薄奶奶篇》
我爸爸本身有癌症，估唔到因為咁而見識到老爺奶奶可以涼薄到一個點（佢地表面上扮到無野好關心我，以下所有野都係佢地係我背後做）。。。
(1) 因為我爺爺嫲嫲都有癌症，奶奶係咁同個仔查家宅，要知道我爺爺嫲嫲爸爸有幾嚴重，荒死我都會遺傳到，拖累佢個仔 （係都無辦法架，生死有命）
(2) 明知我爸爸有事，都要迫我係爸爸同我生日果個月去奶奶親戚嘅喪禮 （最後我堅持就算反枱都唔去，又被冠上唔聽話新抱仔之名）
(3) 我爸爸病危，當時我同佢個仔去左旅行，要馬上返香港，奶奶仍然可以質疑係咪有咁趕 （我唔會搵呢啲野講笑吧）
(4) 我爸爸過左身，我同佢個仔講想返娘家住幾日，陪下媽咪，老爺就鬧個仔做咩比個老婆返娘家住，因為我已經嫁左入佢門，返娘家令佢好無面 （呢啲時候照顧下媽咪好正常吧，嫁左咁耐都係第一次返娘家住）
(5) 奶奶知道我爸爸過左身，即刻同個仔講，千祈唔好比錢我貼外家 （我地從來都無諗過借/要佢地一個仙）
(6) 回應第二點，我生日都要迫我去鞠躬，但到我爸爸做白事，千叮萬囑個仔要避開舊曆同新曆生日 （雙重標準咪就係咁囉）
(7)爸爸喪禮時，當追思儀式完左，司儀宣佈如果要告辭既可以出黎鞠躬，老爺奶奶即刻**衝**出黎鞠躬 （係堅衝囉，咁唔想留係度既可以唔黎囉）
(8)大殮時瞻仰遺容之後獻花，奶奶竟然拍拍我爸爸遺體心口（雖然我唔識啲意頭或習俗野，但佢呢個舉動令我感覺好唔舒服 ）
稍為有人性嘅人都唔會做得出呢啲野吧，好在佢地個仔都鬧到佢地翻艇，我祝佢地身體健康，我真係想像唔到如果主角係佢地，我會點反應。
#退一步海闊天高
#我的極品四大長老
#希望投稿者爸爸安息
⬇設計圖片
希望投稿者爸爸安息 在 希望投稿者爸爸安息- Jelajah 的推薦與評價
我爸爸本身有癌症，估唔到因為咁而見識到老爺奶奶可以涼薄到一個點（佢地表面上扮到無野好關心我，以下所有野都係佢地係我背後做）。 ... <看更多>