關於 慳的意思 ，我們在網路上蒐集到這些相關的討論、資訊與評價

【不吐不快】網紅級CAFE 中伏體驗 - Dazzling Cafe 蜜糖吐司 Dazzling Cafe 蜜糖吐司專賣店 Hong Kong

話說我去台灣都食過一次，所以同朋友係香港算第一次食。
餐廳環境OK，食物都唔算好差，但職員服務態度真心同茶記有得FIGHT, 你好唔好意思收人加一服務費????

START :
首先排隊等都無所謂，朋友生日想食陪佢排。
排到我地，門口個帶位女店員，毫無笑容，黑口黑面，語氣敷衍，我嘅感覺係，我入錯左佢屋企咁，佢對個個都係咁，西口西面無水洗面咁，講野連尾音都無。
如果佢係生理期所以身體不適，我會體諒，不過佢點睇都唔係果隻。

唔好比佢影響我地心情，唔緊要，繼續點餐食野，開開心心食生日飯。

我地每人點左一杯飲品。

西柚茶賣相同餐牌一樣，好靚，打卡影相真係唔錯。
不過極甜，我溝左兩次水先入到口，可能我唔受得甜啦，其實少女可能好OK，味道係唔差嘅。

非常之網紅級的爆谷奶昔? 唔記得左咩名了，甜到嘔，不過我朋友覺得好好飲，OK啦，又唔係我飲，係幾靚嘅，女仔最岩。

之後點左個帶子魷魚圈意粉，個意粉少到一個地步係，我3淡就可以成碟食哂。
唔知以為我食緊法國菜，but anyway，網紅CAFE係咁架啦，女仔食用架嘛，所以係貴夾唔飽架啦。

味道係甜豉油炒意粉味，還OK啦，唔覺得好食，只屬合格。

好啦，跟住點左佢地個招牌豬扒三文治，但由於店員話無左薯條，問可唔可以換沙律，其實就唔想架啦，不過佢想食豬扒包就換啦。
黎到，個所謂沙律，少到一個點!!!!!!
好似人地墊底嘅菜咁，數埋我諗得「一片菜」切碎左就算。
嘩，大佬你都好慳皮唧，個薯條已經無左，你換D菜比我都疊高D丫，佢係完全平面，連少少高度都無，真係墊底菜咁然後話你知佢就係個沙律啦。
由於真係接受唔到D菜少到咁，同店員講問佢可唔可以比返多少少菜，講真都唔係要求好多，疊返多一層都好丫，佢話無，平時都係咁多。
我反問: 平時你地唔係用薯條架咩?
佢都係話無，係咁多，跟住我就直接講，我要求加返多少少菜丫唔該，幫我問下。
佢幫我問完，經理再出黎覆我，話廚房唔肯加菜，一係幫我取消左佢啦。
但我朋友又好想食個豬扒包，所以就算，唔加就唔加啦，但我依然係覺得佢地呃秤，無薯條求其攝幾片菜落去HEA D客。

講返個豬扒包，份量都算多，可以話幾乎係兩份三文治份量，夠2個人SHARE食的。
望落都好似好JUICY咁，但咬落去塊豬扒個心好硬，好鞋，完全唔軟滑，好似係未解凍就囉去炸咁，所有肉類大家如果食到外軟內硬，佢一定就係未解凍得哂然後就囉去炸，完全唔好食，成個包都好DRY好乾，如果夾返少少菜片同蕃茄平衡返真係會好好多，不過原本係配薯條，所以一定乾上加乾。

豬扒都算足料夠大塊，但可惜係唔好食。

呢餐咁就食左三百幾蚊，真心非常唔值，成舊水一碟迷你下午茶份量意粉，大把地方好食又大份過佢。
如果係為左食野，呢度真心唔OK；飲品CP值反而可以接受，真係靚同好飲，都夠大杯。

最後埋單，碌卡，又係果個黑口黑面女職員負責，簽完單就咁比返我，"多謝哂"呢3隻字都慳返，黑口黑面直接擺低就行左去。
其實佢收我加一服務費係FOR乜野? 佢連水都無REFILL過比我，我真係唔明邊度有好服務過我，只可以話佢係一間靚包裝的茶記。
全店最有禮貌已經係男經理。

#中伏 #DazzlingCafe #hkfoodie #foodie #toast #hkfood #tstfood #tst #尖沙咀 #尖沙咀美食 #尖沙咀食店

《命硬》

♂：早晨

♀：早晨

♂：今日Lunch？

♀：【連結】1點鐘你拎定位等我啦

♂：我依家過緊去喇

♀：喂，你咁特登過一過黎，會唔會覺得好無謂

♂：熱戀期為左見十分鐘而用兩個鐘都係好正常既事

♀：咁你覺得呢個熱戀期可以維持到幾耐？

♂：我記得你講過，做唔到既野就唔好比承諾

♀：係，所以你答案呢？

♂：我可以保證到呢個月都會係咁

♀：咁下個月呢？

♂：要睇下你到期時續唔續費喇，我係每月訂閱制既

♀：唔知蔣生你收費幾錢呢？

♂：最低計劃係8蚊美金一個月

♀：咁都幾抵喎

♂：抵還抵，當你覺得值800蚊一個月都會比，當你覺得唔值，就連8蚊都可以慳返

♀：如果你個package係優秀既，好多人都覺得8蚊係抵俾既，咁咪可以一直比落去囉

♂：今日你覺得優秀，難保有日你覺得好無聊好乏味

♀：你知唔知點解我會鍾意你？

♂：因為我比到唔同既感覺你？

♀：我都想直接同你講，講條件比你好既大有人在，我對上個段感情，就係只淨低感情，用兩個鐘去見十分鐘，大家都會諗，成日都見，呢兩個鐘會唔會有更好既選擇呢？

♂：你好似無同我講點解個時要分手

♀：個陣我知道再同佢一齊，我隨時都可以嫁，只要我開聲，就會籌備，然後每年去幾次旅行，過時過節食餐好既，收昂貴既禮物，外人睇係好好

♂：咁你覺得好唔好？

♀：我都覺得好好啊，其實咁，有乜唔好？

♂：的確無乜唔好

♀：我一直都會諗，會唔會有人可以永遠比到愛情既感覺我

♂：所以……我係你既實驗品？

♀：你可以咁覺得，但同時我都係實驗品之一

♂：尋日半個搵我傾計，我同佢講我地好似，睇黎我無講錯

♀：你同佢講乜？

♂：我話我好努力咁去維持熱戀，佢話咁有意思咩？

♀：佢唔會明，你點解釋佢都會覺得你好無謂，或者呢種先係正常人既想法

♂：問題係我好想證明比佢睇，我地先係啱！

♀：你知唔知人類用左幾多年時間去證明地球係圓，再用幾多時間去證明地球唔係宇宙中心而係圍住地球轉，有幾多人因為想去證明而被處死？

♂：咁你又知唔知人類承認地球唔係宇宙中心既思想代表左咩？係唔再覺得自己係中心

♀：的確，要放低自己先可以搵出真理

♂：但亦可能我地先係邪端異說，係其他人眼中，我地係支持地平說既人

♀：其實地平說既人好幸福，佢地真心相信係真事

♂：只要我地信念強，開心既只會係我地！

♀：愈講我地就愈似係邪教，點解會咁嫁！

♂：天使會為全世界而犧牲一個人，惡魔會為一個人而犧牲全世界，為左你我願意同全世界為敵！

♀：唔……你睇返你打既野有冇想笑既感覺

♂：無，只要我唔尷尬！尷尬既就係其他人！

♀：係……我比你搞到好尷尬

♂：聽日繼續努力令其他人尷尬？

♀：好，我地係尷尬二人組！

♂：我好掛住你，晚安

♀：我都掛住你，晚安

#長傾不見 #蔣薇 #小說 #故事 #好久不見

未睇過既重頭睇：
https://www.patreon.com/maydreaming/posts?filters[tag]=長傾不見&sort=published_at

【龔成問答信箱】（Q22421-Q22440）

Q22421：

龔成老師:澳門現時情況一般般，疫情遙遙無期，很難重拾過往輝煌，加上賭牌及中國監管，請問金沙$31蚊買入)還值得持有嗎?還是優質股嗎？

身邊朋友依靠程式買幣，炒細價股，都有十分不錯的回報，只有我每月出糧以部份資金儲貨，分別是:

823 $74 20%
1038 $45 15%
66 $44 15%
1398 $4.55 15%
1928 $31 20%
3067 $17 15%

看似投資有質素的股票, 結果還是蝕了不少，長遠真的是可以財富增值嗎?

龔成老師︰

好多事情，唔好只睇表面，你要了解事情本身存在風險，和其長線發展的情況。正如2003年香港樓，大部分人都認為無得玩，死得。買左樓的大部分人都後悔，但中短期過後，人人都話「如果我當年在沙士價買到就好了」，這就是散戶思維，我希望你不是這樣。

以往我做證券行，只過唔少人短炒有時會賺到錢，但最終絕大部都係倒輸，只有長線投資一群才嬴。

其實你想變有錢人，你就應該睇下真正有錢人的做法。你見巴菲特靠投資致富，但佢從來都唔短炒，只會長線持有一些優質股，就令財富累積起來。

所以，長線持有優質股，永遠都係最好做法。

你要記住，投資係一個長線計劃，所以不用太理會短期的股價，以及企業的短期問題。你所選的都是有長期投資價值的股票，照持有就可以。

但要留意一點，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

部分股略超左標，但由於超標不多，你可以用未來資金，慢慢去修正翻佢個比例就可以。

------------------------------------------------

Q22422：

龔sir 你好，我上年財務自由辭了職。雖衣食無憂但感到十分迷惘和失去方向，覺得自己已經停滯不前，每天只是家務運動看書看新聞沒有什麼突破；

另一方面感到非常不安，我的投資真的穩健嗎？股災來臨我能應付嗎？萬一血本無歸後我還能工作嗎？

早前更因為處理壓力不當沉迷打機煲劇，雖然暫時控制了惡習，但我覺得我需要尋求協助了。想請教龔sir，財務自由後應該如何生活，可以分享一下你的經驗嗎？

你是如何維持拼勁和熱情的？你的一天又是如何過呢？懇請指教

龔成老師︰

我講下自己。

雖然我可以財務自由，但我依然熱愛現時工作，所以我生活還很充實，除了工作教班、寫書、覆INBOX、出FB文章等。有時間，我會睇書增進知識，或者睇年報，去分析企業，同埋會做下運動。

我開心，同時認為對社會有貢獻。加上我仍有不同的目標。

其實你從全職變成退休狀態，係要時間適應。過去可能你係為工作而活，現在可以為自己而活，你可以諗下一些未實現的事情。

例如，一些係你以往想學想做，現在就可以實行。另外，你有更多時間做運動，可以為自己定下鍛鍊計劃，提升身體水平。

再有時間，你可以找一些義務工作，去回饋社會。

其實財務自由後，有好多事情都可以做，最重要係找到你所想做的事情，拼勁和熱情就自然會來。

------------------------------------------------

Q22423：

你好呀sir，本人近30歲，未婚，無物業，有計劃黎緊一兩年結婚/置業。

現月入$29000（已扣MPF），可供衡常投資金額約$11000，還有其它投資標的，如月供美股，以及每月保留現金（$5000）用於聯名戶口作緊急基金或將來結婚/置業支出。

有關港股月供股票想請教下，唔該呀sir

以下是我本人的月供股票組合

整個股票投資組合金額：$11000

快速增長 - 潛力股（$2000）

醫藥股 藥明生物（2269）$1000
汽車股 比亞迪（1211）$1000

平穩發展 - 增長股（$4000）

科網股 阿里（9988）$1000/小米（1810）$1000/騰訊（700）$1000
內險股 中國平安（2318）$1000

收息資產 - 收息股（$5000）

地產股 新鴻基地產（016）$500/長實集團（1113）$500/領展（823）$500
金融股 港交所（388）$1000/友邦保險（1299）$500
指數基金 盈富基金（2800）$500
內銀股 建設銀行（939）$500
澳門博彩股 銀河娛樂（027）$500
公用股 中華煤氣（003）$500

1. 有感以上月供組合過於分散，可否建議刪減邊隻股票，或更改那些月供港股？

2. 有感港股的市況不明朗，會否現時選擇暫停月供港股，保留現金作月供ETF/備用？

3. 如以7:3（潛力增長股：收息股）分配月供股票，請問有沒有好建議？

謝謝呀sir無私的解答

龔成老師︰

1) 你選股數量太多，最多5-10隻左右好了。一來會較易定期管理，二來你可以減低左個股月供費用成本比例。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你30歲，應以增值為主，建議你用「平穏增長股」(2318,0016,1113,0823,1299,0027,0003) + 「潛力股」(2269,1211,9988,1810,0700,0388)作組合，去創造一個增值平台。

「收息股」(0939)你就暫時唔好供住，因為佢地增長力好弱，只係用來收下息，唔適合你年紀。

我建議你，最好每個行業，選擇一間。另外，我幫你調整左個月供金額，你可以作為參考，每月餘下儲蓄就等大跌市，才動用。

「潛力股」
醫藥股 藥明生物（2269）- 這股不確定性高，不宜月供。可以考慮用中生(1177)代替 - $1000
汽車股 比亞迪（1211)，現時價格偏貴，要回到$180左右，才可以月共。你可以用ＧＸ中國電車ETF（2845）去作替代 - $1000
科網股 阿里（9988）$1000/小米（1810）$1000/騰訊（700），選其中一隻或用安碩恒生科技(3067)/代替 - $1000
金融股 港交所（388）- $1000

「平穏增長股」
保險股 中國平安（2318）/友邦保險（1299）選其中一隻 - $1000
地產股 新鴻基地產（016）$500/長實集團（1113）$500/領展（823）選其中一隻- $1000
指數基金 盈富基金（2800）$3000
澳門博彩股 銀河娛樂（027）$1000
公用股 中華煤氣（003）$1000

2) 我地投資係唔會"估"走勢，我地只會用平貴，去定入市策略。現時大市在合理水平，我地係無需要去停止月供。

因為月供係一個長線計劃，透過平均格價買入法，去拉平衡你個成本。如果你隨意去變動，好易破壞左個效果，影響長線回報。

如果你係初學者，未識定平貴，我建議你一直不理價格照供。除非你自問有充足投資經驗，你才可以考慮在大市明顯貴時，調整供款，甚至停供。

以現時市況，你每月保留$5000作備用，如果出現大跌市，你可以考慮用這部份資金入市掃平貨。

3) 以你年紀，大約「平穏增長股」和「潛力股」各一半，但若你投資經驗較弱，「潛力股」比重可以下調少少。

------------------------------------------------

Q22424：

老師，您好。我系由朋友極力推介之下開始睇你著作及fb專業的。

我做咗全職主婦10多年，育有一對仔女，全家收入盡在爸爸一人負責，眼見當下經濟負擔非常吃力，很渴望能有機會脱貧，望老師指點！衷心感謝。

爸爸月入2萬多，一家四口已啱啱夠糊口，儲蓄已經不用多說。

請教一下，我結婚時有些金器，如果賣哂套現投資股票(估計有3幾萬而已)，不知這想法可行嗎？望能指點，謝謝感激！！

龔成老師︰

首先，你要明白我地做財富增值，就係透過持有一些優質資產(如物業、優質股等)，讓其自然成長，去達至財富增值目的，所以成件事一定係長線。

你唔好預投資，可以為你短期財務造成任何改變。但只要持之以恆，長線一定會累積到一筆唔錯回報。

黃金是貴金屬，有「終極貨幣」之稱，是人類自古以來的貨幣，因此，有持有價值，而現時我地的現金，一定長期貶值，所以黃金長期會向上。

不過，黃金沒有現金流，持有無法創造出經濟價值，其主要作用是對沖黑天鵝事件。

所以，你可以持有黃金，但不用佔財富比例太多(<3%)，而且持有的應該為實金。但由於你那些是結婚金器，有紀念價值，所以不必跟我3%標準，可以自行衡量是否保留。

其實3幾萬，對你長線投資幫助係有，但唔算好大。反而你要想辦法，在生活上盡量開源節流。如果開支無法減少，你就要睇下點增加收入。

例如開網店、做兼職等，目的係希望每月都可以儲到一定資金，去定停進行財富增值。

當你能做到每月空出一定資金，就可以用月供模式，去累積優質股。

月供目標以增值為主，建議你用「平穏增長股」 + 「潛力股」作組合，去創造一個增值平台。若你偏年青，2者佔比大約一半。若你較近中年，就要進一步下調潛力股比例，因為佢風險較大。

你每月先用5成儲蓄做月供。其餘先儲起，用一邊月供一邊儲蓄的策略。

若你每月可用資金不多，可以先集中係指數基金，以免個股月供費用成本，佔比太重。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

------------------------------------------------

Q22425：

龔成 你好呀 我搭入30歲，近期先留意到你既分享 對你既投資心得，好有興趣 想問下你既意見

我做緊一份有4XXXX人工既工作，不過大約有1XXXX會俾屋企人

平時都會自己記錄洗左幾多錢，己經紀錄左好幾年，設定左每月最少會儲$10000，計算下平均每個月都可以$12000-15000既儲蓄

依加我有大約60萬港幣現金，另外仲大約2XXXX既澳幣現金。澳幣係做左好多年定期 慢慢累積番黎。因為以前黎講做定期 息口仲好D 一直都keep住做

依加息口好低 暫時放左係銀行 未有計劃有咩投資。

我既計劃 其實想係香港置業 自己同屋企人一齊住港島，最理想係可以係番港島置業 希望可以買到大約400尺既單位。

依加平均尺價都要10000-20000 即係大約400-800萬。不過我既資金增長 應該唔能夠追得上樓價 有咩方法。可以係5年之內 做到我既目標？

有咩書/野 可以建議我睇 增長下基本知識

龔成老師︰

以你情況，可以投資一些有增長力優質股，去累積置業資金。

定期這類定息產品，無增長力，只係純收息，不太適合。而外幣，除非你有實際用途，否則你換回港元去投資，咁會較好。

投資增值方面，你可以選擇一些「平穩增值股」+「潛力股」，比例大約各一半。如果你投資經驗較淺，潛力股要再調低少少。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄(大約$7500)，另一半就先儲起架策略。

現時大市只是合理區，你現有60萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

我假設投資回報有10%（連股息再投資），你每月投資$15000 + 現金60萬，5年後大約會增值至200萬，相信對你置業有一定幫助。

但想提多你一點，係我地配置財富組合時，除了質素外，平衡性都好重要。

所以，你係置業同時，最好都留有一定優質股係手，以免成個組合偏重左係物業類，而造成過度集中性風險。

------------------------------------------------

Q22426：

hello老師。我係您既學生。請問下點解之前股市跌成咁。您如何睇是否係入市時機？謝謝

龔成老師︰

由於中央出了不少新政策，當中包括大型企業、科技、教育、醫藥等範疇，令不少企業營運風險高左。

而且，中國擬對在美上市中國企業加強監管，都令市場氣氛進一步轉差。

但我地做財富增值，只會用企業長線質素作考慮，只要這些政策對企業長線本質，無造成明顯負面影響。你要小心分析，政策對該企業，3年後是否仍影響，還是只是一些表面因素？

這種跌市，反而造就我會入市機會。

------------------------------------------------

Q22427：

Hello 龔成，over over，第一次pm 你，因為有啲驚驚

應該點部署？尤其是2100 loss咗一半

百奧家庭互動2100 $2.3入 78000股 on 16Apr2021 Now 1.07

大唐發電991 $1.22入 76000股 on 16Mar2021 Now. 1.13

另外：中銀3988 5.2入 42000股 on Sep2015 $2.89出32000股 on 17 Mar 2021，之後轉左［2100:百奧家庭互動］，Now 仲有10000股中銀.

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

百奧家庭互動（2100）是中國兒童網頁遊戲開發商，透過旗下門戶網站１００ｂｔ﹒ｃｏｍ開發與運作的虛擬世界為用戶提供在線互動娛樂和學習。

佢收入主要來自出售遊戲相關的虛擬物品及服務、為用戶提供高級功能的會員訂購費、廣告收入，及授權使用集團的專屬卡通形象所得的收入。

騰訊入股會提高發展力，長遠正面的。但你買入價有點高。你預佢有機會上落較大，若你佔你組很大比重，最好將部份換碼至其他優質股，去平衡風險。

大唐發電(0991)質素較一般，盈利都幾波動，而且賺錢能力唔強，同樣只宜小注。若持有較多，最好將部份換碼。

中行（3988）有投資價值，由於內地經濟無過往年代咁強，股價無過往咁好，由中美貿易戰開始，中國的經濟動力已有所減少，加上最近的疫情，都是影響經濟的因素。不過，初步已好轉，但不是高增長型。

這股主要係收息，但就唔好對股價有太大期望。若你係中年至退休人士，這股可以。但如果你係偏年青，就應該投資一些增長力較好股票，中行這類收息股，未必太適合。

------------------------------------------------

Q22428：

你好，龔sir

1.想問下手揸3690，但已蝕左三分一價錢。應唔應該止蝕？但我見佢其實係優質股，係咪應該等佢沉澱左大陸既政策先，再等佢慢慢上？主要係睇佢中長線

2.想問下1024快手算唔算係優質股？有2手係$193買左，想知應唔應該止蝕？因為1024既對手係抖音，相對之下會唔會輸蝕？定我應該等到佢2022年業務穩定先？

本身係短炒，點知係高位買入！

3.已經將儲蓄既3分2投放左係股票市場，所以比較擔心以上既股票

感謝回答

龔成老師︰

1) 當你已持有一隻股票，買入價已經唔係一個重點考慮因素。你應該分析佢企業本質，係唔係值得長線持有。

美團點評（3690）有潛力的，過往一直虧損，到近一年，開始有正現金流，這是一個實質的利好因素，因為之前一直在燒銀紙，現時初步見到成效，不過，估值的方法好虛無，因為現時的市盈率仍過百倍。

如果有利好消息，佢可以上好多，但如果估值修正，股價可大跌。

只可以話，此股潛力是有，但不確定性都大，故一定不能大注。若佢佔你組合比例不高，可以守。

2) 你先要明白一點，我地投資股票，其實等同投資一間企業。希望透過其自然增長，以達至財富增值的目的。

所以，我地投資一定係長線，而唔係短期炒賣，去賺差價。

快手（1024）係全球數一數二大的直播平台，絕對是一隻優質股，有獨特性，有客戶群，有潛力，長遠的發展力正面。這股有長線投資價值。

快手與業務夥伴合作提供了一系列產品和服務，於滿足平台上自然產生的多種需求。快手提供的產品和服務包括娛樂、線上營銷服務、電商、網絡遊戲、在線知識共享等。

快手科技已建立了穩定的用戶，在全球已佔據了重要的位置，企業有一定的優勢，以及獨特地位。加上用戶仍在快速增長，以及增長趨勢仍持續，預期有一定的發展。

雖然這刻盈利不多，甚至因加強發展業務而出現虧損，但這類股的分析特點是將來，等之後的收成期。

由於已擁有一定的優勢，以及仍增長中，企業要將用戶化成現金並不困難，只是時間問題，以及多少問題，預期2022年盈利模式已穩定，同時有一定的盈利。

雖然市場有不少競爭者，如抖音等。但此企業有質素，相信長線發展都係正面。除非2手佔你組合好大比重，否則長線持有，就可以。

3) 現時大市在合理區，你股票和現金比例，係可以。你只要確定持股，係有長線投資價值，中短期波動可以唔洗理。

持股當中，有無一些股票，係佔組合比重過高(特別係一些不確定性高的股票)，就要調整。個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

之後，一直長線持有就可以。

------------------------------------------------

Q22429：

老師，阿里健康$18.5和平安好醫生$110各兩手，可以長持三年以上嗎？還是止蝕離場會較好

因為看這兩隻股票最近一個月跌幅比較大，唔知道應該繼續持有定係點好，謝謝

龔成老師：

其實這兩股，長遠業務有發展。但要注意幾個風險，第一，難估值，這令到佢由高位回落不少，就是之前貴。第二，業務變化大，投資這類股，要預左大上大落，因此，不宜持有太多，如果你太集中在這行業，會在一定的風險。第三，政策相關風險。

如果你持貨，要減。但如果不多，可守，但要預佢會較波動，要耐心先守得到。

阿里健康（0241）這是潛力股，佢營運醫藥電商、互聯網醫療等業務。

「醫藥電商業務」，這業務主要有兩種業務模式，由自營電商和天貓代運營，涉及非處方藥品、醫療器械、計生用品等。

另外，就是「互聯網醫療業務」，阿里健康與國內多家二三級醫院建立合作關係，患者可以通過阿裡健康、支付寶等平台，做到線上掛號、問診、諮詢用藥等等的服務。

阿里健康利用醫療AI系統「DoctorYou」去進行營運，該系統包括臨床醫學科研診斷平臺、醫療輔助檢測引擎、醫師能力培訓系統等，輔助醫生睇病。

業務上，有好大的潛力，不過，本質波動，股價上落大，消息多，市場炒作多，這類股風險都不少。最大問題是無人能正確估值，市場現時只是估估下，推將唔到佢將來的價值。

這類股只建議小注持有，但你預佢股價上落大。

平安好醫生（1833）長遠有發展力。

佢係中國領先的一站式醫療健康系統平台，透過「移動醫療+AI」，為每個家庭提供一位家庭醫生，為每個人提供一份電子健康檔案、一個健康管理計畫。

平安好醫生係中國互聯網醫療健康市場的先行者，以平均月活躍客戶，以及在線諮詢量計，是中國最大規模的互聯網醫療健康平台。

企業的業務有潛力，本身有優勢，大環境的配合，都成了這企業的機遇，前景正面，不過財務數據未算好理想。

雖然長遠的企業價值向上，但股價在中短期，可以十分波動，因為市場以「前景」作估值，故此變化必然很大。好難得出平貴的準確數，只能估估下，作參考。

因此，低風險者未必適合投資，若投資者考慮這股，亦不能大注投資，買入後就耐心長線持有，等待這企業改變整個行業的情況，現價算合理區中間至上部。

------------------------------------------------

Q22430：

龔Sir早晨，銀行向我sell一種產品，係向銀行借9成，例如270萬，利息係P-3，即現在係2厘，而自己攞30萬出嚟，合共300萬，每年保證有3.3厘收益，五年期滿，即是賺息差，係向太平保險買的。請問這類產品買得過嗎？謝謝老師

龔成老師：

風險度為中等，都可考慮，但要記住，不是無風險的，第一，如果外圍加息，P增加，你有可能息差變負數，你會得不償失。第二，如果你中途要賣出，可能要有損失。

------------------------------------------------

Q22431：

老師，我想問2878晶門半導體前景，是否為潛力股？上升空間如何？

2878是否比中芯國際更有值博率？

龔成老師：

中芯國際（0981）以平貴度來說，比晶門半導體（2878）貴，不過，中芯國際始終質素較好，應該先考慮這間。

先講晶門半導體，係一間無晶圓廠半導體公司，主要從事設計、開發及銷售專有集成電路晶片產品及系統解決方案業務。

佢的產品及方案可供應用於智能手機、平板電腦、電視╱顯示器、筆記本電腦以及其他智能產品。

雖然都有一定的生意，但多年來都出現虧損，到近年才算好轉。行業需求對佢是利好的。

這企業質素未算好高，因為技術未算好強，加上近期股價上升了不少，值博率只是一般。但如果可承受風險，這類股不是不能小注，但如果是穩健型，就不應投資這股。

中芯國際（0981）業務有增長力，但未必能稱為好優質的股。

睇翻佢過往的業務情況，雖然仍每年的生意都有增長，但盈利就有波動，反映雖然大環境的市場在增長中，但佢的成本與售價，就未必在佢掌握的範圍，最後造成盈利波動的結果。

雖然這股都有前景，但以佢面對的情況，但好難將佢定義為最優質的股票。

加上此股近年升了不少，就算有所回落都唔算平，加上之前熱炒過，股價大上大落，投資要注意風險。這股唔建議大注，回翻D較合理。

------------------------------------------------

Q22432：

老師。1）中通快遞暫時唔好再加注我知道呀，上次問你時你都有提醒，咁需唔需要賣出呢？選其他股票更好？

2）明白，之後現金充裕或大跌市出現，平均買入水桶1和2的股票

3）明白3718現價可以加小小注，另外3067值博率算較高

另外，老師請問一下，我有渣打銀行股票戶口，之前問過職員不可做月供股票，但其實我係咪可以自己手動月供？

因為在買股票時，可選購入股數/金額，我自己入金額果欄，$2000/$3000就可以，就會自動買入碎股，然後我每月固定日子，自己買一次，就做到月供？

龔成老師︰

1) 中通快遞(2057)現貨照長線持有，不用沽出。

2) 無錯，緊記成個組合，唔好只理增長，我都都要照顧埋個平衡性。

3) 正確

至於月供，簡單來說，月供股票就是你每月將現金，買入某一隻或多隻股票，慢慢咁樣儲貨。

月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣，去減低價格波動的風險。

其實一手手買都可以做到以上效果，你現金只要平均地慢慢投入股市(如保持住每月定額買一手)就可以。2個方法都可以，一手手買更節省了銀行月供收費，但你必需確保自已可以有自律性地進行。

但如果跟你計劃，自行儲碎股有2個問題。首先，好多時係銀行買賣碎股，都會跟買賣1手正股，收一樣收費。計翻埋，其實你這個方法的費用成本佔投資金額比例+好重。

第二，部份銀行買賣碎股，唔係可以好似平時1手手咁係網上買賣，可能要找專人處理，比較麻煩。

其實你可以唔每個月做買賣，拉長少少，每3個先入完整1手，咁都可以做到平均價格風險的效果。

------------------------------------------------

Q22433：

龔sir你好啊 想請問01255同01919是否應該繼續持有

01255 12.78買入
01919 14.7買入

最近都跌了不少，合理價錢應該是多少 感謝你～

龔成老師︰

任何股票，都會出現中短期波動。只要佢當中核心質素無變，依然係有質素，我地就可以照持有。

ＴＡＴＡ健康(1255)從事銷售鞋類產品；提供金融服務，包括證券的顧問服務，投資管理服務和企業融資的顧問服務；銷售保健品及奶粉；以及線上醫療服務。

現時收入，絕大部份來自銷售鞋類分部。集團所銷售的鞋類產品品牌包括Ｃｌａｒｋｓ、Ｊｏｓｅｆ　Ｓｅｉｂｅｌ、Ｔｈｅ　Ｆｌｅｘｘ和Ｐｅｔｉｔｅ　Ｊｏｌｉｅ。

此股多年出現虧損，睇唔到明顯的投資價值，沽出較好。

中遠海控（1919）主要從事提供集裝箱航運、集裝箱碼頭管理與經營服務。

整體的質素算是不過不失，雖然在行業有一定的規模與優勢，但行業整體的賺錢能力無過往咁強。

經濟好轉會對佢有利，因為始終是對經濟較敏感的行業，現時的股價已反映相關利好因素。股價大升後，其後之後較難有高增長，因為已反映了利好因素，反而預佢之後轉為平穩增長。

現價略貴，回1成左右，會合理翻d。持股都有投資價值，可持巿。

------------------------------------------------

Q22434：

多謝之前回覆。持貨比例我古應該都是幾個%左右。。。本身我都只有500股恆汽。我倉比較重既都係 1810，9988，3067，5，11這些穩重既股票941，916 ，823就大概十零個％左右

恆汽，還有些聽人講無潛力既股（後悔當時未接觸龔老師）都只是倉比例2至5%。恆大系當中，恆汽好似比較易反彈

老師，你簡直係我恩人，响危急關頭你咁快覆我，好感動

龔成老師︰

唔好客氣!

如果恆大汽車(0708)只係佔你組合2-5%，勉強可以守。但你要記住，佢而家係一架車都未生產過，所有市值都係建基於"前景"2個字。

所以，你預佢一定會好波動。佢升架時候，可以升好多。但大市氣氛較弱，或者有壞消息，都可以跌得好勁，你要明白這股很高風險。

至於其他恆大系，好似恒大物業（6666）其實都有質素，有長線投資價值。

但受母企3333影響，風險高左，現價合理，但要控制注碼。

而母企恆大(3333)本身，負債很重，加上近期很多大利因素。無貨的話，就唔建議投資住。

另外，以你年紀匯控(0005)和恆生(0011)、中移動(0941)這類收息股，唔需要有太多，應較集中在增長股上。

但由於你已經有不少潛力股(1810, 9988, 3067)，未來方向，可以加大平穏增長股數量，去令組合更平衡。

平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

------------------------------------------------

Q22435：

呀sir 我之前同你講過有呢隻股(0698通達集團)

我平均$1有兩手，但而家咁樣我唔知點算好，一直想等返家鄉就走。但而家供股我唔識唔明，係未要再比錢？定係我d錢到扣？我係未止蝕走左好啲？

唔該呀sir幫幫我

龔成老師︰

正如之前所講，通達集團（0698）唔係劣質股，但整體質素只算是不過不失。

佢主要從事電器產品（包括手機、手提電腦及其他電器產品）零部件生產；為電子產品及電器提供金屬外殼及其他五金部件；及提供塑膠機頂盒及生產體育產品。

現價回落不少，已經算係偏平水平。但由於質素唔係咁高，只宜小注。

佢現時宣布2供1，意思係每持有2股的股東，就有權用作價$0.232，去供1股。如果你供的話，以你2手計，就要比$4640，之後你就會由20000股，變左有30000股。

當然，你有權唔去供，咁就唔需要額外出錢，照維持現有20000股。但由於市場在供股後，總發行股數多左，令每股可佔盈利下跌。

對不供股的股東，係不利。所以，你成日會聽到人講，供股供又死，唔供又死，就係這個意思。

此股畢竟質素較弱，我比較唔建議你再供，將供股權賣出，雖然會比人攤薄左將來利潤，但都無法子。現貨方面，你照持有就可以。

------------------------------------------------

Q22436：

你好，我都想報你的課程，但因為我住澳門，現在不能過香港。

希望你能過嚟澳門，我的兒子在香港，他報了你的課程，我每天都看你的Facebook

是的，你說得對，我的問題真是很大，心理質素好差。10幾年前投資港股輸了很多錢(幾百萬），從此不敢沾手，幾個月前開始看你Facebook，才敢買返。

No.1177$7.65是合理價嗎
多謝龔sir

龔成老師︰

其實我之前都有開過澳門班的，不過現時疫情，所以暫時停左，之後會再開翻的。

你或者可以預早留位，只要whatsapp 852-55457212我同事講，打「留位澳門班」就得。我地有具體資料就會 whatsapp你。

因為現時已有好多澳門人留左位。

在你全力重新投資前，你要先了解清楚，過往失敗的原因。

雖然而家你上唔到我堂，但你可以買《80後百萬富翁》、《財務自由行》和《股票勝經》睇住先。

這幾本書，我通常用來推介比初學者。希望我這幾本書內容，可以幫你找到過往投資失利的答案。

中生(1177)現價算合理區上部，近期受大市氣氛和中央政策影響，令佢有較大回調。但長線質素依然存在，現貨可持有，但你預佢中短期都會較波動。

我強烈建議你，在找到過往投資失利原因和學好正確投資方法前，唔好投資住。就算好想入貨，都係好小小注好了，這對你會較好。

------------------------------------------------

Q22437：

其實快手真的那麼差，我186有貨，是否已到入貨時機。

老師，如果李寧96入左，係唔係好大鑊，有無機會返家鄉其實我在李寧賺了好少，

只係果日見中國玻璃賺了三干，便以為轉去李寧穩陣，結果一直跌下去

龔成老師︰

快手(1024)不是劣質，但最大問題是貴，所以向下，加上近期大市氣氛和中央政策風險，令股價較為波動。若你持貨不多，係可以守。

現價只算係合理區頂，加上此股都有一定風險度，若你持貨已佔組合一定比例(大約可佔組合5-10%)，就算再平，都暫時不要加注。

李寧（2331）有質素，佢係中國領先的體育品牌企業之一，擁有品牌行銷、研發、設計、製造、經銷及零售能力。

產品主要包括運動及休閒鞋類、服裝、配件和器材系列。主要採用外包生產和特許分銷商模式，已於中國建立龐大的供應鏈管理體系以及分銷和零售網絡

亦自行經營李寧牌零售店，李寧牌產品的主要銷售渠道為特許經銷，亦通過直接經營之零售店舖進行銷售。

增長力不差，這股可長線。不過現價好貴，如果本身持有無問題，但要回到你買入價，你預當成個大環境和經濟，明顯轉好，或者佢賺錢能力大升，才有機會。

中國玻璃（3300）未到好高質，盈利有點不穩。從質素上分析，你換至李寧係正確做法。

記住，我地投資重點係"優質股"、"長線持有"、"定平貴，在合理價時，分注入貨"。只要你做到這幾點，長線回報唔會太差。

------------------------------------------------

Q22438：

老師你好，我好想做有錢人，所以我今天一直忍，一直管好理財，一直慳，我想將來過得比人舒服。好想聽你意見，你的意見一定是最平實穩重，聽你的點評會令我更有動力。

27歲，每月草20000。

1）現在的股票和現金比例好不好：
285@38
823@70
1177@7
1211$45
1810@23
2013@11
2800@26
2823@13

2）從未賣出過股票，但我想知這些股票的買入價好不好，在將來的值博率高不高。

3）在財務上，我有沒有地方可以做得更好，分配得更好，想累積更大財富，想聽你意見。

追蹤你4年，你幫左我好多，多謝你

龔成老師︰

多謝你一直支持!

1) 現時大市在合理區，你現金和股票比例，好理想。

2) 你這些持股，都係有質素，同時都適合你年紀。買入價都在合理區，都有一定值博率，你照長線持有，就可以。

比例上，你潛力股(0285, 1211, 2823, 1810, 1177, 2013)稍稍多於平穏增長股(0823, 2800)，由於你年青，所以無問題。

但將來再有新投資，就要留意，唔好再出潛力股比重上升，否則風險度就會偏高。

3) 除了以上持股，你可以用每月儲的2萬蚊，進行月供股票，去提升你財富增值能力。

策略上，你可以投資「平穏增長股」和「潛力股」。你每月5成儲蓄，即是用$10000做月供。其餘先儲起，用一邊月供一邊儲蓄的策略。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

餘下的另一半現金，就連同現有現金去等機會。當大市出現較大回調，就加大力度掃貨，然後作長線投資。

------------------------------------------------

Q22439：

老師，阿里巴巴點睇丫？我2百蚊入左，應唔應該再加柱大手買入呢？我覺得佢應該唔止呢個價。佢估價值幾多錢呢？

龔成老師︰

我唔會定個將來目標價，只要佢優質度不變，我就會一直持有。

阿里巴巴(9988)近期回落不少，算係合理區中，未算好平，不宜大手入貨。

但若果你係無貨，或者持貨不多，現價加注或入首注，係可以。

佢有質素，中短期一般，但長遠仍有增長力，之前貴，現價去翻合理區。

係業務層面，擁有相當的優勢，不少業務處於壟斷狀態，同時增長理想。加上正不斷發展延伸業務，這都會成為企業增長的潛力，預期增長會持續，這是阿里最大的賣點。

以企業的長期發展計，這股的確優質，但股價都有一定的波動，現價算是合理翻D，但都不是大手時候。

始終將面對內地監管可能收緊，因此風險度增加左，不過，我相信佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。

對於這類優質、有發展，但現價未算特別平的股票，是較好的方法，算是平衡了風險與增長的考慮。這股可以長線投資的。預佢現價約合理區中間。

------------------------------------------------

Q22440：

龔成老師， 請問3918用呢五年嘅數據黎計 合理區大概5.6到11.2左右正確嗎？

老師請問本益比算唔算係計平貴嘅其中一個方法@.@

老師用市帳率計更正是5.6-8.0 求證

龔成老師︰

金界控股(3918)你個估值闊左少少，你現價合理區中下部至底。

至於本益比(即市盈率)和市帳率，都係其中一些較常用的估值方法。

但唔係每種企業，都適用。你要睇翻企業和行業本身特性，才決定用邊種，或者邊幾種估值方法，去進行估值。

如果有上過我堂的同學，都會掌握到這些技巧。如果你唔係太理解，我唔建議你亂用，因為用錯方法估算出來價值，可以會有很大落差。

在未掌握好估值前，若想投資，可以用分注或月供模式，去平衡買貴風險，咁會較安全。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

｜電車新手｜一片睇清耗電電費充電 慳錢一換一計劃 牌費唔使二千蚊
雖然電動車跟傳統汽油車都是有四個車輪的交通工具，不過在各方各面都有着不一樣的原理，以下就是為大家準備的電車入門新手包。先從基本單位說起，Ampere （安培）是相當於電流單位，而Voltage（伏特）就相當於電壓單位，而功率單位－Watt（瓦特）就是1W=1A x 1V。當打好基礎後，我們就可以更深入認識電動車各個符號。當中最為常見的單位就有kWh（kilowatt hour），即一度電的意思，以及Wh/km（watt hour per km）即每公里所消耗的電量。

所謂慢速充電就是代表13A，即我們家中常用的三腳插頭。充電有多慢？13A插頭每小時可充電2.86 kWh，以一部現代Kona Electric細電版為例，由0%充滿它39.2kWh的電池（39.2÷2.86=13.7）就需要13.7小時。不過這個時間也只是理論時間，事關當電池充到80%的時候往往有電池保護機制，所以實際時間可能更長。

https://hk.appledaily.com/lifestyle/20210528/HYZSJJCOONEPHPZM6H2JUDN6AM/

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#Tesla #電動車 #汽油車 #牌費 #現代
#果籽 #StayHome #WithMe #跟我一樣 #宅在家

#何浩文 （Dominic）從小對 #小型犬 沒興趣，但自從兩年前從女友手中接養了松鼠狗（Teddy）後，一養就愛上了，今年六歲的Teddy更被他封為「全宇宙最可愛的 #松鼠狗」，兩人一起生活了兩年，令他對小型犬改觀，「我相信牠自己都知道這稱號，因為我花了一年時間不停在牠耳邊洗腦，根本上每日都告訴牠，你好靚仔及你是全宇宙最可愛的松鼠狗，坦白講，我以前從來都不會喜歡細狗，其實牠原本是由我女朋友養的，但因為某些原因，兩年前就跟了我，以前覺得松鼠狗或芝娃娃這一類細狗很嘈很煩，相當討厭，完全不知道牠們在想什麼？但Teddy則相反，牠很乖，相處之後發覺牠是全宇宙我唯一可以接受得到的松鼠狗，因平時瞓覺我不喜歡身邊有東西郁動，但牠上為牀瞓完全無問題，即使有時候我因為工作，到早上才瞓，牠八點半食完早餐後再上牀，會躺在我心口或者用手摑醒我，我又沒問題喎，完全沒有想殺牠的意思。而且牠跟我是同月同日生日，我們可以一個生日兩份慶祝，慳錢，慳時間，這就是一種緣份。」
全文︰https://bit.ly/3hDTuOK

-----------------------------------------------------------------------------------------
立即訂閱《明周》電子版：
https://bit.ly/3t1Jmmx

明周娛樂 Web/ https://www.mpweekly.com/entertainment/
Instagram/ https://www.instagram.com/entertainment.mpw
Mewe / https://bit.ly/39s8vgS
明周文化 https://www.mpweekly.com/culture/
想食明周 https://www.facebook.com/foodiempw/
INNER https://www.facebook.com/innermpw/
https://www.instagram.com/in__ner

「Pecorino？很多人一聽到就聯想起羊奶芝士。」酒評家Wilson Kwok說，「但其實它也是一種葡萄，在意大利很普及。」要知道在意大利，Pecorino就解作「綿羊的」意思。那麼，綿羊與葡萄有甚麼淵源呢？原來昔日牧羊人帶着羊群放牧，由意大利北部一直南下至Puglia，其間經過Abruzzo等地，羊群吃草之餘，亦會吃當地的葡萄，那些葡萄就因而稱為Pecorino。

MyiCellar
地址：鰂魚涌華蘭路20號華蘭中心907室
電話：3169 0258
營業時間：星期一至五10am-6pm，星期六10am-2pm，星期日休息
網址：https://bit.ly/394d969
註：Cantina Zaccagnini Pecorino Yamada DOC 2015 $200


足本訪問： https://bit.ly/3pCwsZf




===================================

? 8折全年睇《蘋果》即慳$121！
現有日費訂戶亦可轉訂? http://bit.ly/2YwE3Ma ?
訂閱《飲食男女》YouTube： http://bit.ly/2Md5V2k
Facebook： http://bit.ly/2MJejcp
Instagram： http://bit.ly/2EA3qpR

推薦影片:
49蚊防疫黑蒜湯 中醫師把關鰂魚涌靚湯全女班開店賣 幫客訂口罩不果反被安慰：令我更想哭(飲食男女 Apple Daily) (https://youtu.be/O-bX3DEJ1OQ)
【鰂魚涌堅果奶茶】33歲前甲組足球員轉行 投資七位數賣堅果奶茶：唔行出第一步唔會知結果 (飲食男女 Apple Daily) (https://youtu.be/IciSOgw-ze0)
【鰂魚涌川菜】前廣告公司高層花30萬賣川菜 洗碗通渠一腳踢 必食水煮魚＋椒麻雞 「乜都做先有飯開」(飲食男女 Apple Daily) (https://youtu.be/n-yyFKr7Vg8)
【假如沒有天價租】「福食」三老　唔靠綜援靠自己 (果籽 Apple Daily) (https://youtu.be/aUE2oQIDoV0)
【籽想旅行】直擊東南亞首個人妖騷後台　變性舞台一姐的日與夜 (果籽 Apple Daily) (https://youtu.be/CBBq_D0-Lsg)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 AppleDaily) (https://youtu.be/e3agbTOdfoY)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)

#白酒 #品酒 #Pecorino白酒 #羊奶芝士 #意大利白酒
#飲食男女 #StayHome #WithMe #跟我一樣 #宅在家

飲食男女 打卡大街小巷搵食地圖
https://hk.adai.ly/e/gPF0DIjsB9

《蘋果》每日為你增值 立即訂閱
https://hk.adai.ly/e/kbo0wDsxB9