【❤️可能係讀者俾我最長嘅書評，好感動❤️】
按圖放大，或去作者 林平誌 專頁閱讀。
呢兩年嚟，好多讀者都會同我分享返讀後感，都有好多同我寫過書評，但係長到咁、寫得咁認真，佢應該係第一個。自己評得戲多，俾人評返感受係幾興奮。其實，曾經有唔少導演都inbox過我，討論返我對佢套戲嘅感受，解釋返點解會咁剪、背後又有冇咩辛酸，易地而處，我完全明白種感受。
點解章節會咁樣剪、點解人物會咁樣鋪排、點解結局會咁樣，邊Part同現實有改動過、每個角色真人又係咩料，大家都好有興趣。
讀者嘅讀後感其實都幾明顯，男讀者九無論係單身有另一半結咗婚甚至有埋小朋友，都會對條感情線有共鳴，我執筆果吓，隨心而寫，冇諗過會令人喊到癲咗；女讀者未必對條感情線有共鳴，反而就係睇得比男讀者緊張，多數可以會緊張到一日睇完。
男讀者好睇重條愛情線，女讀者反而好奇當中嘅種族歧視、種種意外、人性鬥爭現實係點樣。講真，現實變成一本書，點都會有加加減減，原本出版社話我個故事性足夠出三部曲，如果我堅詳細咁寫，寫到哈利波特都得，但無謂啦，我都好enjoy同大家講返現實詳細情況。
呢位讀者朋友係後期好少有交收嘅人，睇完順帶都同我吹水吹咗成晚，話佢以前都有相似經歷，最後依家都結埋婚有埋仔，勉勵我唔會對愛情絕望。佢不斷同我重申，無論如何千祈唔好記恨，都唔好有條刺。講真，我唔會恨唔恨，都從來冇恨過，只不過愛一個上一課，驀然回首，狠狠哭過痛過傷過，冇話對女人有條刺、冇話從此不相信愛情，只不過適時更識得好好保護自己。當日你會以為係傷得呼天搶地，其實低處未算低。
當然，都有女讀者會對感情線有共鳴，但果種共鳴似乎又唔係男讀者種共鳴，就正如睇《那些年》、《心跳500天》、《我們都是這樣長大的》，男人會喊到停唔到，女人唔明你做乜咁癡線。
男又好女又好，想愛就愛，唔得就退，幾廿歲人，唔好再兵來兵去喇。
都係果句，大家買咗未睇好睇喇，讚好彈好，隨時歡迎大家同我傾讀後感。
🙏感謝各位支持，小弟執筆之原創小說私人貨存已全部售罄，有意者繼續可到此文章內的連結購買：https://bit.ly/3dRuUWu
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei
【IG請follow】www.instagram.com/travelerwithmovie
