有日一位先生嚟到診所。
佢一路傾住電話咁行埋嚟登記處，佢放低張身分證喺枱面，之後轉身行去坐低。
咁我就好自然登記啦，我登記完，佢都仲未講完電話。
我都循例向住佢方向講聲：「登記咗啦先生，你可以拎返身分證啦」
不過佢冇反應，咁我就將佢嘅身分證擺埋一邊先，打算等佢講完電話再俾返佢。
隔咗陣，我聽到佢講『你等等先，個姑娘唔知喺度搞咩』
佢行埋嚟問我：「你有冇同我登記呀？」
我：「登記咗啦，我見你講緊電話，所以廢…」
佢打斷我對白：「我張身分證呢？」
我擺返佢張身分證喺枱面：「喺度呀」
佢：「你KEEP住我張身分證做咩呀？喺枱底J呀？」
J都唔駛J你身分證張相啦下話？你當我盲定有眼疾呀？
我：「我頭先有嗌你嚟拎返身分證嘅，不過你可能講緊電話聽唔到」
佢好緊張咁拎返張身分證：「你唔識拎埋嚟俾我嘅咩？你坐輪椅㗎？」
我真係好鬼死鍾意你呢啲有病得嚟仲咁好精神嘅人～
我：「你袋返好身分證就坐低等嗌名啦，登記咗㗎啦，等吓啦」
佢行緊返埋位途中，有個同樣等緊睇醫生嘅姨姨『噓噓噓』先生。
先生望向阿姨方向問：「咩事呀你」
姨姨細細聲但我都聽到，佢同先生講：「我見過個姑娘㗎，佢唔係坐輪椅㗎，對腳好勁㗎」佢仲好貼心咁做埋個手勢示意有幾粗。
先生冇理佢照行去坐低。
姨姨再講：「佢一腳踢得死你㗎」
先生望住我，姨姨迴避我眼神。咦，我有兩隻腳喎，可以一人醒一腳，唔駛爭啦～
我真係好鬼死鍾意 在 [吹水] 定期用廣東話打文章[1] - 看板HKMCantonese 的推薦與評價
大家好...我係土生土長既香港人
本身好鍾意上JTV, 聽講PTT係台灣係一個好出名既forum
上到黎..真係大開眼界..哈哈
尤其是係hate版....sosad
上下上下, 發現呢度竟然有個專係for學廣東話既版
所以我就諗住得閒發下吹水po
等大家可以學多D香港人常用既用字/表達方式..哈哈
老實講, 見到有咁多台灣人想學廣東話,
我真係覺得你地好勁!!XD
始終國語同埋廣東話既分別真係太大
果然大家都係神人XD
或者等我自我介紹一下啦...
大家可以叫我做馬騮(即係猴子咁解)
真名梗係唔講得啦XD
我係仔黎既, 不過真名好鬼似女仔sosad
生埋日就二十歲LU~
而家讀緊香港科技大學既土木工程
year one...
btw讀工程真係中晒伏...sosad
忙又忙到痴線....出路又冇hea讀既商科好
好鬼死後悔...
不過冇計啦...鬼叫自己對商科冇興趣咩...
唯有頂硬上....
我住係東涌, 即係好出名既東薈城果個地區
都好近機場, 搭十幾分鐘車已經去到機場
所以大家黎香港玩既話都可以黎搵我架 haha
當然請我食餐晏仔就少不免架啦HAHA
好啦...今次就講住咁多先~
希望同大家做個朋友啦^V^
拜拜~~
--
※ 發信站: 批踢踢實業坊(ptt.cc)
◆ From: 119.247.65.134
※ 編輯: asdsasd123 來自: 119.247.65.134 (11/06 20:58)
... <看更多>