#抵食高質半自助餐
對比起去放電⚡，QB明顯屬於享樂派🎉，更喜歡休休閒閒嘆美食☕，港女之育成，阿媽應該責無旁貸😂，因為由BB時代起就成日周圍帶佢食好野😋
今次返完娘家去揾食，黎到青衣城 Mr. Steak HK嘆 #半自助晚餐，依度座位夠濶落，環境休閒舒適，Semi Buffet有齊沙律、頭盤、餐湯、甜品，main course自選，價錢由$188起，好抵食👍。
🥬沙律菜夠新鮮爽脆，另外薯仔沙律🥔、青瓜蟹柳沙律🥒、螺絲粉、麻醬凍豆腐都好fresh好好味，沙律醬汁既選擇都好多，我最鐘意係意大利醋汁，酸酸甜甜夠開胃；阿囡就鐘意日式麻醬，一樣食得滋味😋。餐湯係濃稠既南瓜湯🎃，而餐飽仲係暖既🥖，細微位都兼顧到，認真細心❤️。
🍽️主菜我地點左2款，因為想食埋semi buffet所以extra點多個兒童餐比QB，有茄汁意粉🍝、餐湯同果汁🥤。
#聖海倫牧場安格斯西冷🥩
網燒西冷我地點左7成熟，煎得恰到好處，牛扒上放左一小圈香草牛油，隨熱力溶化滲透牛扒上，有提味作用✨。喜歡西冷嫩滑得黎仲保留左嚼勁，無渣唔韌肉味香濃，Mr. Steak既牛扒認真有水準🤩，伴碟仲有焗薯同薯角。
#三文魚柳芝士焗帶子黑松露野菌意大利飯
阿囡鐘意食三文魚柳🐟，專登點比佢食。原塊三文魚柳煎香加上白汁，鮮嫩香滑；芝士焗連殼帶子夠惹味🧀，配埋黏韌嘅意大利飯，野菌味突出🍄，好味又飽肚😍。
食完主菜已經好飽，但點都要留肚試埋甜品🍰，木桶豆腐花係我地至愛，其他仲有麵包布甸、抹茶紅豆卷、Brownies、草莓慕絲、芝士蛋糕等都好吸引🎉。小朋友至愛既仲有七彩啫喱糖🌈，真係好開心。飲品附送兩杯熱情果特飲，酸酸甜甜好fresh好開胃😍
食飽飽大家都好滿意，再行陣海傍消化下👨👩👧，吸收下海洋愉快因子🌊，微涼既周末🍂，咁過都好chill🥂
#MrSteak #MrSteakHouse #Semibuffet #Buffet #hkfoodie #美食推介
抵食高質半自助餐 在 #半自助餐 - Explore | Facebook 的推薦與評價
explore #半自助餐at Facebook. ... $130起抵食3小時半自助餐第二位半價，Semi-buffet 高質主菜牛扒，任食巴馬火腿及Pizza，西班牙格調餐廳室內及露天座位. ... <看更多>