關於 播道書院中學好唔好 ，我們在網路上蒐集到這些相關的討論、資訊與評價

#線上工作坊 嚟啦嚟啦～ 超多人問嘅工作坊嚟啦！幫我 Share 出去啦！

👶🏻不怕孩子問：幼兒性教育工作坊🧒🏻

初為人父母的你，有沒有遇過以下讓你手足無措的童言童語：
「我點樣嚟到呢個世界嫁？」
「男仔同男仔／女仔同女仔可唔可以結婚 ？」
「我想同爸爸／媽媽結婚！」

又或是令你臉紅耳赤的情況，例如：
撞見孩子撫摸自己的私處 ；
電視播著親密性愛場口，而孩子在旁；

遇到以上讓人尷尬的情況，新手爸媽們要怎樣應對？究竟性教育該如何教，幾時教，教幾多？今次的性教育工作坊，由 Vera Lui 親身指導分享，帶領家長善用不同主題的性教育繪本，輕鬆有趣地讓孩子認識身體，尊重身體。工作坊內容包括實用性教育講解、情境教學與Q&A環節。Vera 亦會在直播中經驗分享如何應對孩子提出的常見問題。

工作坊內容包括：
「認識身體」－包括認識男女身體及性器官。
「性別 / 性別特質」－明白男女各有所長，接納自己的性別，也要學習尊重別人。
「生命起源」－認識胎兒的成長與出生。
「身體界線」－了解自己的感覺及情緒，分辨好與壞的接觸，學習保護自己, 尊重別人的界線。
「身體自愛」－了解每個人的身體都有所不同，學習接納自己的身體。

日期：3月27日（星期六）
時間：下午 3 點-下午 4 點 30 分
對象：2 - 6 歲小孩的家長或照顧者
地點：Zoom
門票:HKD250 ｜二人優惠 HKD400

*每張門票均包括 HK$100 現金劵，將於工作坊完結後以電郵形式發放，可用於分店或網上購買任何書籍或繪本

*如未能如期出席，工作坊後將會上載影片讓參加者於兩星期內重溫。

報名連結：https://www.sallystoy.com/hk/p/6535

名額有限，直到繳交報名費後才會確認預留名額，根據繳費先後順序，先到先得，售完即止。

*工作坊將以廣東話進行。
____________
講者簡介：

Vera Lui 是認可的性教育工作者，以及一位育有四歲女兒的母親。

Vera 在 2012 年開設了一個 YouTube 頻道，開放正面地講性談性，內容由性歡愉、性健康、性迷思到性教育都一一包含。現在已經擁有約 10 萬訂閱人數以及逾 2000 萬的點擊率。

在過往十年，Vera 曾獲不同的 NGO 邀請做性教育講座； 亦不時遊走於不同的大專院校做客席講師，向年輕一代推廣性知識。她同時亦走入中學校園，為香港兆基創意書院的性教育課程教導導師。

Vera 於 2019 年完成了美國性教育與性治療師協會（AASECT）提供的性教育專業認可證書訓練，現正於港大修讀佛學輔導碩士課程。

育有一名四歲女兒小背包的Vera，定期於自己的Facebook 專頁 Vera Lui上分享與女兒丈夫的生活點滴。身為母親，亦為性教育工作者，Vera 盼望可貢獻更多於幼兒性教育，希望以自身經歷與知識幫助父母們打開性教育的話匣子。

我的屋邨童年。

初搬到馬頭圍邨是上世紀六十年代初，我仍未滿10歲，當時馬頭圍邨是新落成的屋邨，地址好像是寫作「馬頭圍新邨」的。馬頭圍邨位於啓德機場附近，其時真善美村、播道醫院等周邊地方仍是一大片爛地，而九巴1號巴士總站就在太子道和亞皆老街交界處，這亦是我小學乘搭巴士的路線。總站旁有一些兩三層的洋房，其中一間叫「影城洒店」，總有一些穿著大棉襖長著大胡子的外國人出入；而從1號巴士總站經過爛地回家，路邊會有一些女子站著，大人告訴我，她們是在「等客」，年紀仍小的我聽了是一知半解，長大後才知道他們就是在戰後寄居香港的白俄羅斯人。

搬到馬頭圍邨，對我來說猶如上了「天堂」，因為一家人終於有了自己的私人空間，不像以前住板間房時一層內好幾伙人，廚房、廁所、天井、走廊都一概公用。但令我最難過的，是政府屋邨不准養貓狗，媽媽唯有把我家的黑貓送給別人，為此我還哭了好幾個晚上。

我入住時，馬頭圍村只建好了幾座，我住的是水仙樓，有一條長長的走廊貫通旁邊的玫瑰樓和夜合樓，就像其他在屋邨長大的孩子，這條走廊和中間的空地就是我們遊玩的地方。捉迷藏、兵捉賊、十字介豆腐、一二三紅綠燈、老鼠偷油、掉手巾、糖黐豆、跳飛機、跳橡筋繩、中秋玩燈籠⋯說不完的玩意，交不盡的玩伴。

1964年奧林匹克火炬路經香港，由七名運動員從啓德機場接力傳遞到中環，我們一衆小孩便異常興奮，用蠟燭在長長的走廊玩起「聖火接力」。當時不明白的是，為什麼大人一面跑火炬仍能保持火光熊熊，而我們的洋燭卻一起步就熄滅。結果還是有人想到，不如把報紙捲起插在漏斗上，雖然沒有火，但更形似。

那時的屋邨，生氣勃勃，兒童比大人多，也記不起隔離鄰舍有多少老人家。對面是新會鄉里趙師奶，隔離是專替人改衫的上海徐師母，再過是做雜貨的潮州關生，而大家都鄉音無改，共冶一爐。當電視機這個「新興物體」出現在李師奶家中時，每晚都有一大堆小孩子在鐵閘外排排坐等開場。作為回報，我們會在劇集中段的廣告時間，替李師奶去雜貨店買豉油，當然是以九秒九的速度，電梯也不搭，飛奔上下10層樓梯。

當時我們的早餐是屋邨對出盛德街的小販，車仔麵也有分廣東麵和上海麵兩檔，我姐姐喜歡吃上海油麵加上雪𥚃紅，但上海麵比廣東麵貴，要兩毫子起跳。我和爸爸則喜歡幫襯樓下的新華茶餐廳，或是旁邊的菲士文麵包店。

我家住的水仙樓單位，正對著壘球山，這個小山丘也是小朋友玩耍的地方，不過後來有小朋友用紙皮滑草在山坡掉下受傷，大人便不准我們再去。壘球山的真正入口其實是另一邊的天光道，馬頭圍村這邊的山坡下，有單丁一座只一層的建築物，外面有個圓形的溜冰場，我便是在這裏學懂了「踩雪屐」。建築物是一個小型會堂，起初是出租給邨民結婚慶誌擺酒之用，後來也有人租來做臨時工場，更有一次是包裝糖果，工錢多少我已不記得了，但最吸引的，是一面工作可以「任食唔嬲」。

有一次不知媽媽從哪裡接來一大批拉鍊包裝，分發給街坊鄰里加工，然後就不時有街坊做加工批發。也有不少人在家工作，從塑膠花到穿珠仔到鈎假髮都有。而因為要取貨交貨，我們認識的街坊就擴闊到其他樓層。

到了中學時期，我的活動範圍也擴闊了不少。我喜歡幽靜的農圃道，郵政局就在路口，對面是新亞書院，再上是鄧鏡波學校，然後沿天光道走到英皇佐治五世學校旁怪的「鬼仔山」。我會把「鬼仔山」的嶙峋怪石，比作當時一部台灣電影中的野柳「情人石」.....

今日不少人懷念舊式公共屋邨，除了建築空間，更令人珍惜的可能是昔日這種自由開闊的生活，以及跟鄰里社區的密切關係。

#公屋 #馬頭圍邨 #童年 #龍先生講故 #就係香港編輯部

［DSE仆街點算好］考得好嘅，就梗係去外國，或者在香港讀醫。撈兵拿。但考得唔好架呢？

TLDR：真的，DSE仆咗街嘅，等同你半場輸咗0-2。係死唔晒架，係可以奇蹟反勝架，但你可以望下走地盤賠率點睇你。除咗好老土嘅，下半場努力啲。其實最緊要係，面對現實，檢討。十居其九，一係你懶，一係你屎，一係你柒（留意三者唔一樣，但唔少人三者集於一身）。一日仲係賴唔好彩嘅，一日你都唔會有進步。

1. 拿，其實我係可以五點半放工返屋企玩勞蘇的。但因為我有使命感，先寫埋呢篇文先放工

2. 講真的，DSE真係唔關我事。冇教書好耐，我啲學生仔都生埋。我又冇小朋友，我朋友啲小朋友又未去到咁大。而雖然本專頁嘅讀者其實多數後生過我，但相信都冇幾多個係考DSE嘅。仔女考DSE？讀者又好似冇咁老。不過可能些上些會去到啲考生，或家長度？是但

3. 上次開考時寫過一次（https://fbook.cc/3CiD），反應好好。未睇嘅，可以快手睇多次。

4. 如果你係考得好嘅，恭喜你。你應該做嘅嘢，係去外國讀書，或者在香港讀醫。撈冰拿。遲下再解。但真係唔使用腦。你唯一要擔心嘅，就係諗下點打發蘋果記者問你國安法。真的，啲人話小時了了，但我好似冇乜見高考學霸第日會仆街。況且，DSE仲小時？（但如果你成績好，但怕血又手震嘅，咁你就會end up 好似我咁嘅下場）

5. 咁所以，篇文，係畀啲考得唔好嘅人睇嘅。嚟啦喎

6. 上篇文都講，邊個話公開試唔緊要嘅，一巴星佢啦。咁大家都知道埃汾鍾意迫人面對殘酷嘅現實。所以呢，你DSE失利。恭喜你，你嘅人生已經輸咗一截，中咗一下超必咁，睇圖，你就係中咗拳嘅小麥奇

7. DSE仆咗街嘅，就等於踢波，半場你輸緊 0-2咁咯！如果屋企冇錢嘅，就等於再趕咗件出場咁上下。

8. 就係咁，有幾難明？係咪有人話唔重要？

9. 點解唔係0-1？以前有會考有高考嘛，而家一劑過，咪0-2。咁點解唔係0-3？又未咁絶望嘅，十幾歲仔。但都話，落後緊0-2咯。相當凶險架啦

10. 我唔明，啲人講「唔係世界末日」，「唔緊要」，係咩邏輯。係架，梗唔係世界末日，你咪畀我打兩巴咯，都唔係世界末日架。你咪試下聽日冇左隻手咯，唔係世界末日架，楊過都做大俠啦。

11. 真的，Everybody has a plan until they get punched in the mouth。圖上面嘅泰臣講嘅。你畀人上枱打幾槌重拳，然後睇下仲係咪「仲有機會反勝」。當自己睇Rocky？應該變阿波羅嘅機會大啲。

12. 即係，寫文鳩up呃like唔緊要，但如果真係畀意見嘅，啲邏輯就唔好咁亂嚟。係呀，邊個邊個名人會考仆街後來係博士嘛（但更多名人會考唔仆街之後係博士），鄧小平係煙鏟都好長命嘛（但更多人唔係煙鏟都好長命），李斯特城唔係好有錢都拎英超冠軍嘛（但更多年更多聯賽都係錢多終勝）。係呀，有人中六合彩添。使乜考 DSE？

13. 我唔明點解咁多人，可以將特例當係道理。除非你證明到畀我睇，原來真係冇乜正相關，甚至係負相關。唔好講causation，根本correlation都未有

14. 咁明嘅，講嘅，可能出於好心啫。但你知我唔玩呢套，又唔係同你有親。但好處係我畀個真相你。即係你末期肺癌咁（放心，DSE仆街未去到咁嚴重嘅，「一期啦」），你親友梗係安慰你，呀邊個邊個都末期肺癌，之後忽然消失（癌細胞，唔係個人消失），出於好意，唔通話我地已經幫你搵定位咩。當然更多係啲借機呃你錢嘅偏方氣功撚。但醫生就會話你知，不如有乜心願做埋佢啦。梗有奇蹟，但醫生話到你知，有幾多機會。

15. 至於「焉知非福」「激發鬥志」論更加係戇鳩。係，可能係真。但，請參考泰臣嘅名句。好人好姐做乜要畀人打幾槌先激發鬥志？你啲鬥志都幾唔聽使喎。

16. 其實用足球比喻幾好，係呀，的確好多隊，落後兩球，下半場都可以反勝—不過更多隊係兩球優勢玩到你完場，甚至炒多你幾球。特別係你屋企冇錢，打少個的話。

17. 市場就最好，因為最現實。我當你係利物浦對橡樹之心（＊）都好，你一開波輸兩球兼打少個，你自己睇下，走地賠率會點。你唔係話畀我知會「激發鬥志」，所以更熱下話？咁不如下次開波自己擺兩球老烏「激發鬥志」咪仲好？（呢招係乜？星矢，足球小將，定芥川龍之介地獄變？）

18. 當然你係利物浦嘅，梗係可能反勝，你係橡樹之心都可能架。梗有可能。但，marginally, incrementally, ceteris paribus-ly，半場輸兩球打少件，點會唔係問題？

19. 好啦，其實冇事的。古語都有云啦，唔好放棄治療。但你認清事實先。你末期肺癌都話自己冇事嘅，點幫你？

20. 接受咗自己輸緊0-2嘅，咪好咯。從懺悔到贖罪嘛，你知道輸緊0-2同唔知，鬥志未必好有分別，但踢法都唔同啦。望下分牌先

21. 剩返嘅，就梗係好老土，踢好佢。但真係廢話，唔通耶穌（話時話，耶穌踢波的，在香港）咁，人地入你兩粒，你自己擺多兩粒老烏咩，老虎盃呀？

22. 你見啲人舉嗰啲例外，十居其十都係之後努力咗好多，先追得返。邊有咁多唔好彩。佢地照上半場咁踢嘅，就下半場輸多幾粒啦。但點解發奮咁難？就係我上篇文講嘅嘢：你DSE考得唔好嘅，打後好多時就係同啲廢柴一齊（不一定所以考得唔好嘅都係廢柴，但廢柴多數考得唔好，明冇？），你唔廢都變廢，有鬥志都變鬥志。就日日圍爐上網打飛機講讀書邊有用，李澤楷都冇學位，Steve Jobs同Mark Zuckerberg都中學未畢業。

23. 我想講，除咗「踢好剩返嘅半場」「好好享受足球」外（嘻，本質上呢句嘢，同你同末期肺癌講「有乜想做做埋佢」差不多，頂多係時間耐啲）外，我仲想講樣嘢。

24. 就係，檢討下啦！

25. 真的，遲下我會寫篇講投資嘅。但同一道理。首先，錯過之前升浪嘅，低位打晒靶嘅，本質上一樣。第一係接受自己失敗，錯咗。然後，諗下，點解會錯！亦即係你諗下點解你考成咁。點解你半場輸兩球。記住，誠實呀。你發現埃汾強調嘅核心價值，除咗高質，就係誠實。面對他人都仲可以唔誠實，面對自己都唔誠實嘅，好難救（但話說回頭，好似對自己誠實仲難）

26. 點解衰咗？一般人最常賴嘅嘢，就係運氣啦。挑，個市同實體經濟都脫節嘅。扯，球證偏幫，人地符碌。鬼咩，佢印漏條清代中央政制畀我喎（＊＊）

27. 十居其九，自己失敗都係唔好彩，人地成功就人地好彩，人之常情。我知真係好多時有運氣成份，但，就算有，都唔好養成乜都賴運氣，聯儲局，北水，大戶之類嘅習慣，否則你永遠唔會進步。講白啲，唔好彩都唔可以話自己唔好彩！而除非你真係考嗰日畀車撞到入咗廠之類，否則，唔好彩唔係一個理由。讀書係，投資更加係，你嘅人生更更更加係。你一事無成，總有原因。

28. 比較有得搞嘅，就係你用錯策略，或者低估對手，高估自己。即係你柒。懶廢柒之中，柒係比較易搞嘅。多數係有得救嘅。咁就靠你下半場踢好佢。但唔好忘記，其實你都真係冇乜真係巴閉，因為你稍為犯錯，就已經輸咗兩球。高手嘅嘢，犯錯都仲係領先你幾球。

29. 當然，仲有一個可能，十分殘酷，但好多時係事實—咪就係，你技不如人咯。有幾難明？你係利物浦對橡樹之心，你半場輸兩球，可能球證黑哨，唔好彩，輕敵。但你係橡樹之心嘅，唏，簡單啦，你半場輸兩球，咪就係因為你屎波咯！有幾難明？再殘忍啲都有呀：以你咁質地，先輸兩球咪好彩咯！

30. 咁，屎波可以點？我都唔知。除咗好廢嘅「努力啲」，或者「踢茅啲」（＊＊＊），都冇乜可以點。你應該要明白呢，冠軍就得一個。你努力，唔通人地唔努力？梗有人輸的。個個都5**，咪即係個個都唔係5**咯。考試又係一個咩遊戲呢，又？

31. 固然，轉個跑道，亦係得嘅。即係我踢波贏唔到你，打籃球咪贏你咯。「但我肯定C朗打羽毛球都贏你」。真的，有機會再講，但勁人呢，係真係可以做好多瓣都勁嘅。廢人亦係。呢個夠晒殘忍。但事實好似真係咁。「咁我打倉頡應該快過C朗嘅」

32. 所以講到尾，大家都知，總係唔會個個都成功。盡咗力，都真係冇計—雖然講呢句嘅十居其九都未盡力。而又其實，咪接受自己嘅位置咯。的確絶大多數人，都係唔會拎到金球獎的。但唔通全部死晒佢咩。生命仲有好多美好嘅東西嘅，例如一年去幾次日本啦，食返幾次米芝蓮兩星啦，睇下埃汾啲文咁咯。

33. 預告：我嚟緊想寫一篇，「如何決定聽乜人嘅意見」。夠晒high level，但真係一百億嘅問題。網友話打疫苗會自閉，醫生話唔係，咁我應該信邊個？但專家係咪一定啱？埃汾話買股票，但有人話核爆，咁信邊個好？呢個係一個意見多過屁眼嘅年代，人人都有個，人人都覺得其他人臭。咁你信邊個好？

34. 另一預告：其實文中都提過，嚟緊寫篇文，講檢閱你嘅投資成績。贏輸當然重要，但更重要係點解。

35. 補多句：其實而家應該冇人寫日記。但投資又好，做人又好，其實寫低自己諗過嘅嘢，都係十分好的。投資就係trade log，做人咪……林過雲日記。真的，例如你今日決定揀去讀精算，然後十年後一事無成（好似我咁），咁你至少睇返，自己當時點諗。係有嘢漏諗？定根本係自食其果？好重要。

36. 呀，筆鋒一轉，賣個廣告。絶對冇任何利益，亦唔係佢叫我出，雖然我估佢會請我食飯。但介紹返， 培正專業書院 Pui Ching Academy （雖然我唔知有幾專業），我朋友 Simon Sai-hau Ho檔嘢（雖然我唔算同佢好熟，我都唔記得對上一次叫佢我我屋企飲咖啡係幾時）。愁出路嘅，可以諗下。講明，我一無所知。但我信佢。就係咁簡單。其他問題，就梗係你問佢。我不背書佢檔嘢，佢亦不背書我篇文。唔好問我「檔嘢好唔好」，咁大個人，為自己嘅決定盡返責任。我唯一可以答你嘅就係，我信佢。拿，呢三隻字幾咁有重量，重過佢同我加埋（目測佢應該重過我）

（＊）有幾多人唔Google都知係一隊波？

（＊＊）呢句係向律勤（假名）致敬的。踢波落後嘅嘢，佢好有經驗。聽聞考中史嗰日佢發現派漏條清代中央政制畀佢，佢想舉手問，但結果冇。考完就去咗踢波。所以佢篇文叫《踢球者》。佢家下都冇穿冇爛，不過家庭觀眾唔好學。鄧小平咯。

（＊＊＊）但的確係有用的。廣義嚟講，DSE你就焗考，但如果明知玩呢樣唔夠人玩嘅，第時就同人比較其他嘢啦。我最唔明就係有啲人，擺明唔係讀書材料，但又堅持幾廿歲人都玩呢啲遊戲，嘥錢嘥時間。但人就係咁，冇嗰樣整嗰樣，靚女想你讚佢好獨立唔係靠樣，大波想你讚佢好演技，賣才華想你讚佢靚仔（好似我咁），有錢仔就要搞埋啲start up 證明自己。巧拿煩的。

-------------------------------------------------------------------------
香港聯匯何去何從？新收費片已出，講足一個鐘，單次買200
想睇簡介嘅，呢度。亦有埋以前嘅片，有興趣可訂：https://bit.ly/3iYMD0F
報名嘅，呢度。今次課程編號填 CC005。唔想填信用卡亦可以FPS： https://bit.ly/3j0r9QZ　
Log in 呢度：https://bit.ly/3gYXu9e
已付費嘅，log in後按最頂「按此觀看」就得。再唔係返呢度睇：https://bit.ly/3fyKbw0
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:「聯繫匯率會否脫勾？散戶應如何應對？」
影片/課程編號：CC005
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC005]
2/利用信用卡網上付款
3/及後有登入資料可以立即收看
查詢：whatsapp 63832145

「老頭子，你最光榮的時刻是何時？全日本的時代嗎？而我，只有現在啊！」《男兒當入樽》的故事中，櫻木花道面對全國霸主山王，賭上自己的人生。這部在90年代掀起籃球熱潮的熱血漫畫，深深影響了一代人。主角們帶着各自的故事與滿腔熱血，站上高中生最光輝的舞台—全國大賽。

二十幾年後的今天，在這支球隊上看到了同樣的堅持、同樣的熱血、同樣「只有現在」而拼上一切的中學生涯。由學界D2經歷數次敗仗、出局，慢慢升上D1組。對上沙西區勁旅，一度落後20分下逆轉奪冠。三年裏由精英賽十二強、八強，到今年四強，成功踏上籃球員夢寐以求的舞台—伊利沙伯體育館，這就是林大輝中學男籃奮鬥的故事。

籃球就是中學生涯的一切

「我好似無時無刻都同籃球一齊，朋友、兄弟、自信嗰啲都係籃球畀我嘅。」已經中六的球隊主力陳仲顯，回想起自己的中學生涯。籃球彷彿就是他六年裏的全部，無論是午休還是放學，或是放假，似乎只要一有空閒，他就會在籃球場上奔跑。教練、隊友、兄弟，陳仲顯在籃球上找到了自己的故事，在球場上打出了自己的信心與價值。

同樣是中六，擔任球隊隊長的張峰碩，也在不斷進步的球隊中看到了自己的目標，並帶領着球隊一步步向目標進發。對他來說，籃球就是他中學生涯中的唯一色彩。「籃球就係呢幅黑白畫上面嘅色彩，嗰啲色彩就係籃球嘅回憶同埋成就。」張峰碩看着手中的籃球笑道。

見證球隊成長的伯樂

球隊打出歷來最好的成績，開心的除了球員外，還有一個陪着球隊訓練、見證球員長大的老師陸志成。「最初林大輝中學係一個籃球嘅『魚腩部隊』，我哋唔係一隊好強嘅隊伍，所以我哋每一場比賽都一定要好努力，先有機會贏。」陸Sir神采飛揚地說起球隊的努力和成績，一時忘記了自己身上的傷。在運動中傷到四條肋骨的他，負着傷觀看學生在這屆精英賽八強的賽事，在球隊擊敗傳統勁旅英華書院的那刻，興奮地衝上前和球員相擁，肋骨的傷也好像不痛了。的確，沒有甚麼事情能夠比得上，去見證自己的學生踏上香港籃球員的「聖地」。

本身也是籃球員的陸Sir，很欣慰能夠帶領學生走進伊利沙伯體育館的賽場。「新伊館呢個地方，係一個籃球員嘅朝聖之地，能夠去射上幾球，人生係無憾嘅。」

「黃金三角」的教育方針

身為老師的陸Sir，看到學生在球場上證明自己的努力，固然開心。不過他更關心的是學生在品格、學業上的發展。他知道球員生涯的艱辛和短暫，只有在籃球、品格、學業三方面平衡發展，日後才會有更好的前途。畢竟不少學生因為傷病、學業、或工作而放棄了熱愛的籃球。

曾因成績差而留級的隊長張峰碩就十分認同陸Sir的說法，「要堅持讀書，如果唔係就可能無大專呢個舞台。」視運動為一種教育的陸Sir，希望透過體育去影響、去磨練學生。他認為打籃球的過程需要刻苦的練習，亦會面對不同的挫敗，而人生就是這樣，需要刻苦與挫敗的磨練，才有機會成功。

衝進新伊館　四強迎戰強敵男拔

東網「睇體」屆時會現場直播「2018-2019年度NIKE全港學界精英籃球比賽」四強(26/1)及決賽賽事(27/1)，而林大輝中學在四強將碰上拔萃男書院。「希望可以喺球場上發揮到自己，做到最好。呢件事咁難得，可能一生只有一次。」陳仲顯難掩心中的興奮。

大戰前夕，今集《港。故》先用5分鐘，帶大家走進林大輝中學這個「魚腩」翻身的熱血男籃故事。

------------
《港。故》：東網每周專題習作，講故事、講香港人的故事。
FB：http://bit.ly/oncckonggu_FB
IG：http://bit.ly/oncckonggu_IG
Youtube：http://bit.ly/oncckonggu_Youtube

連起跑的槍聲都聽不到，試問又怎能夠不輸在起跑線？

無論近視、遠視、散光，戴上眼鏡後都可以回復清晰視力，又可以繼續正常生活。但聾人便沒有那麼幸運，他們即使裝上人工耳蝸，聽力也不能回復「正常」：「戴咗機可以聽到你哋講嘢，正常嘅聲都可以聽到，但譬如高音嘅聲就聽唔到，譬如『sa……te……』嘅聲就會聽唔清楚。」聾生芷瑩說。

為了提供一個平等的學習機會給聾生，中文大學的「手語及聾人研究中心」早在2006年便找學校合作，在學校內增設手語老師，使聾人不用再因聽漏而跟不上學習進度。

政府支援不足　聾生退學率高

五年前，中大與第一間中學「聖母院書院」合作，在主流學校加入共融班，更聘請手語老師替聾生翻譯。可是，他們的資金來源並不是來自政府，而是透過民間資助，皆因教育局未確認手語是一個語言。

其中一名手語雙語老師Chloe指，政府一直說手語不是唯一的學習方法，可以透過視像和其他體驗方式學習，但聾生沒有手語等於沒有一種學習的語言，不能把資訊有效通達：「你無端端播新陳代謝Metabolism，佢睇住唔會知道點解，尤其聾生語文基楚唔係太好嘅時候，唔係你播咗出嚟佢就會睇得明。」

正因聾生在主流學校不被重視，Chloe表示，他們難跟上學習進度，而更甚的是，他們大多會放棄升學：「我識嘅本地學士畢業嘅聾人只有幾個，IVE嗰啲都會有，但我聽到更多嘅就係佢哋會退學。」

外國聾人可成為專業人士

而聖母院書院其中一位聾生陳芷瑩，亦曾因沒有手語老師，上課跟不上進度，萌生過放棄做獸醫的夢想。幸好，今年來了一位教授化學的手語老師，使芷瑩的成績進步了不少：「本來考試或者測驗，通常都只有廿分或者十幾分，今年有手語老師之後就開始追到個課程，而家就合格邊緣。」

香港聾人多從事低收入工作，但有了手語教學，聾生的吸收便可與健聽生看齊，他們的未來亦更有盼望。相比外國，Chloe指不少聾人都可以從事專業工作，例如教授、律師、聽力學家等，全因他們從小便有平等的學習機會：「我自己喺美國讀聾人教育嘅時候，我教授係聾人嚟，都係用手語教我，碩士課程都可以用手語教。」

聾童愈早學手語愈有利

Chloe表示，香港大多數的聾童，父母都是健聽人士，他們可能會怕孩子學會手語後，就不願意說話，但其實聾童愈早學手語，有了一個溝通語言，反而更容易掌握口語。以芷瑩為例，雖然天生雙耳失聰，但由於得到父母支持學習手語，Chloe指她的說話能力發展得相對較好。

有見及此，除了與一所幼稚園、兩所小學和一所中學合作，讓聾生可以一條聾升讀，中大更與五間保護兒童會的幼兒園合作，使聾童可以及早適應用手語學習，改寫聾人必定從事低收入行業這個命運。

今集《港。故》就帶大家看看，在一間真正做到「融合教學」的學校，一個聾生和一個手語老師，以鬥志戰勝天命，即使聽不到亦可走得遠的故事。

-------------
《港。故》：東網每周專題習作，講故事、講香港人的故事，請關注《港。故》fb：https://goo.gl/YJXtcw