【黃世柒之亂：黃之鋒痛擊KOL歪風有理／之鋒反被世柒水泥隊圍剿反映香港已無得救】
由黃世柒（及其連登分身「下亞厘畢道」）拍片「分析」美國招攬羅冠聰係因為睇中佢電競出身，係軍事人材，將來可以指揮無人機，比黃之鋒拍片批評之後，老實講我對之後嘅事件發展其實都幾失望，甚至再一次覺得，香港真係唔撚再值得去拯救：
1. 好多人都將呢件事睇得好輕，覺得只係「兩個小朋友鬧交」，完全無視咗黃世柒長期以黎多番發放錯誤評論同訊息，破壞「黃營」公信力呢個問題；
2. 好多黃世柒聽眾聲稱自己有自行判斷對錯能力，又話黃世柒「Seriously unserious」，好認真講啲毋須認真看待嘅嘢，反指黃之鋒小事化大，破壞團結；
首先，今次呢單嘢，黃世柒好明顯就係柒撚咗：羅冠聰只係電競評論員而唔係電競選手，就正如足球評論員唔等如係球員一樣，根本佢自己響節目就係吹大咗，成件事錯哂；
其次，黃世柒如果係聰明嘅，佢當然係應該講句「大家咁認真做咩啫，我都係玩膠之嘛，Why so serious？」，問題卻係佢響之後回應黃之鋒嘅問題上面，仍然係煞有介事引述多個網站，「證明」電競選手真係特別適合駕駛無人機（不過條友可能英文麻麻，篇Journal個作者響後面都講到明仍未有足夠證據電玩玩家特別適合飛行任務，而且佢搵嘅亦只係一般Gamer而唔係Pro-Gamer）；
即係佢係真心相信自己嘅論點係正確嘅，並唔係咩講笑，唔存在乜嘢「Seriously unserious」；
再者，黃之鋒對於黃世柒嘅批評，最多只可以話係建基於事實上面嘅訕笑，但響黃世柒反駁黃之鋒嘅過程入面，卻包括咗對黃之鋒學歷、人格在內嘅人身攻擊，我係完全唔明點解呢班世柒水泥隊可以雙重標成咁
雖然我過去亦多對黃之鋒有所批評，但今次我卻完全明白點解黃之鋒要特別提起黃世柒亂噏羅冠聰電競身份被美軍睇起呢單嘢，因為：
一、過去共產黨就係借住黃之鋒曾接受CIA受訓呢啲荒謬絕倫嘅故事對佢進行全面抹黑，結果好多弱智藍屍就拎住呢樣嘢話佢係美國訓練嘅特工，然後作為攻擊佢嘅理由；今時今日黃世柒亂作呢個故仔，客觀效果同共產黨所做嘅其實係無分別，當然係有澄清呢堆瘋言瘋語嘅必要；
二、黃之鋒已講得好清楚，成件事個重點唔係黃世柒講嘅嘢有幾七，而係而家好多「黃營」KOL為咗爭收視，不停嘩眾取寵亂作假新聞、提供錯資料，而可悲嘅係竟然有一班嘅民主派支持者走去睇呢啲同TVB無分別嘅思想垃圾。如果容許呢種KOL歪風繼續存在，咁成日聲稱自己有獨立思考嘅黃絲同佢地口中果班藍屍又有何分別？
喂，而家係講緊有幾萬View、幾千人Like嘅程度喎，仲要有人因為信咗佢買口罩而被騙喎，想像一下有日你走去笑人睇李梓敬同何君堯時，比藍屍反唇相稽串番句：「挑，你班黃屍夠蠢撚到走去睇黃世柒啦！」，你話情何以堪？
三、黃世柒亂噏都唔係第一次，而且每一次亂噏都係出於佢知識嘅貧乏：除咗今次電競選手=無人機機師，佢仲狗噏過渾水協助共產黨收購黎智英擁有七成股權嘅壹傳媒、狗嗡警察攻入中大已控制伍何曼原樓（其實差佬一直攻唔入中大），仲話控制碧秋樓就可以全港封網、又話遼寧號噴黑煙代表佢係廢鐵，全部都係「識嘅就嚇死，唔識嘅就笑死」嘅垃圾。
四、不過最大問題都係，基本上所有曾經批評過佢、嘲笑過佢嘅，全部都會被佢當成敵人，然後就將對方打成收共產黨錢、中共臥底等各種抹黑，黃之鋒被抹黑成「具獨裁者人格」，其實都係當中例子之一。講分化，呢條垃撚圾就係分化源頭，比佢坐大，從泛民角度黎講，亦唔係好事。
只可惜，以黃之鋒今時今日響泛民、甚至響香港貢獻嘅地位，開金口直必腸有理有據講到明黃世柒嘅禍害，但仍然有班蠢撚黃屍對呢位口罩騙徒不離不棄，仲要屌番黃之鋒轉頭，不過呢樣都未係最可悲。
不過呢樣嘢都未係最可悲。相比起真心膠講得黃世柒講嘢好有道理，我更痛心嘅係有班明明知道條友講嘢有問題，仍然堅持「我自己識得判斷」、「得閒當消遣聽下無壞」嘅自以為清醒人士：
當然，每個人都有選擇聽乜同睇乜嘅自由，但如果你真係識得判斷就好應該明白，當一條友錯完一次又一次，不停用莫須有誹謗他人，你唔出聲批評就係走去助長呢啲歪論節目嘅收視，鼓勵更多人被佢誤導；由你「覺得聽下當消遣無壞」一刻開始，你就係呢股愚民思潮嘅幫兇。
而當咁撚多支持民主嘅人，都樂於加入愚民思潮，咁我當然好自然要問：呢班香港人，仲有無拯救嘅價值？
李梓敬假學歷 在 李梓敬Dominic Lee - 有人轉發俾我，有個黃絲facebook... 的推薦與評價
有人轉發俾我，有個黃絲facebook page，亂噏抹黑我假學歷，唔係法律博士。 又話我會考唔掂，入唔返男拔萃，所以求其要俾錢入間叫李寶椿嘅國際學校 ... ... <看更多>