2021年8月15日 低醣增肌減脂計劃 day 14
.
cheat day 完左，又因為打完疫苗休息咗一個星期冇做運動，我琴日決定猛虎出閘去做返運動💪但係唔好講笑, 我感覺體力大不如前就去咗GYM Room做咗幾set已經有啲力不從心, 打完疫苗真係要慢慢復原😢
.
不過飲食方面我都係按返我嘅增肌需要，高蛋白低醣餐，所以因為我每日有我嘅蛋白質目標要達到，所以你哋唔好跟我嘅餐嘅份量，最緊要你哋要按返自己嘅需要去煮啊，如果你按返我咁樣去吸收咁多蛋白質但係有冇做運動會肥死呀🤪上星期我冇做運動，所以你見到我嘅份量都會少番啲，其實減肥同keep fit都係不斷去調節。
.
早餐🥣所以食咗兩隻雞蛋一個紫薯同埋奇異果🥝加一杯無糖豆奶。
去做gym之前飲咗一包蛋白粉呢款蛋白粉，係之前同同事們一齊夾而買嘅，台灣製造有唔同嘅口味，呢個係奶茶味我覺得都幾好味😋通常我做gym先至會飲，因為佢嘅蛋白質同埋糖分都幾高
.
午餐🥘天氣好熱突然間好想食豆腐泡菜鍋，就用薯仔蕃茄雜菜加豆腐泡菜煮咗一大煲雜菜版嘅泡菜豆腐鍋，調味當然落少少鹽同埋黑胡椒已經好夠，一大煲分兩餐食都得，我仲加咗兩隻蛋落去，另外我呢個食肉獸冇肉食唔得，我就買咗隻雞髀，見到我呢餐嘅蛋白質非常之豐富，有豆腐雞蛋同埋雞髀分別都會提供到蛋白質，淨係呢一餐已經幫我提供到運動日需要蛋白質嘅一半。
.
晚餐🥙因為阿哥返嚟食飯所以我就去買咗條新鮮嘅鯰魚，臉魚最好嘅做法就係用薑蒜豉汁蒸，但係一定要用上豉油同埋糖，低醣期間呢啲盡量唔掂咁點算好？呢個時候我哋可以選擇較低嘅版本去取代，因為我屋企係用零卡羅漢果糖同埋低納嘅生抽，我發覺就算用羅漢果糖和低納生抽整個豉汁都好好味😋所以平時大家都可以買定一啲低卡低鈉嘅醬同調味料，間唔中轉換下口味食得開心，減得都開心啲㗎😆
.
永遠記得低醣餐中每一餐蔬菜嘅比例一定要佔一半或以上，所以雪櫃長期買定唔同嘅蔬菜一定冇死，因為下晝煲咗一大煲蕃茄薯仔泡菜豆腐雜菜湯，再炒多個雞柳炒雜菜連埋個碟豉汁蒸鯰魚，晚餐就食得豐富又有營養啦☺️
減肥 豆腐鍋 在 韓式泡菜蛤蠣豆腐鍋 - Facebook 的推薦與評價
年前先來 減肥 ！！>> 韓式泡菜蛤蠣 豆腐鍋 。簡單，美味，低熱量。 https://youtu.be/FOoaBveCcZ8 年關將近，還沒過年就先胖，做了一些年菜還有甜點料理 ... ... <看更多>