Search
自三月起，港台已有多個節目被抽起或作調動，昨晚亦傳出港台皇牌清談節目《五夜講場》將要面臨消失的命運，不同主持也確認了節目已停止製作，連同被叫停的《視點31》，以及同日突遭撤換的主持區家麟，在短短一星期內，傳媒業界再逢大變。
全文：https://bit.ly/3h2yMaX
#香港電台 #五夜講場 #清談節目
◤
想閱讀更新更多「虛詞」內容，歡迎先讚好專頁，再將專頁揀選為「搶先看」！
◤ ◤
《無形》於各獨立書店有售，包括（港島）艺鵠ACO、見山書店、銅鑼灣樂文書店、銅鑼灣Desk-one溫室、glue咕嚕館、PMQ Humming Books；（九龍）序言書室、油麻地Kubrick、旺角樂文書店、合舍、貳叄書房、旺角Desk-one溫室、榆林書店、博勢力書店（尖沙咀）、夕拾x閒社（觀塘）；（新界）神話書店、荃灣Desk-one溫室；（澳門）邊度有書，售價港幣20元正。
◤ ◤ ◤
「書有價，有無價」專題徵稿，6月30日截稿。《無形》及「虛詞」歡迎自由題投稿，稿例：http://www.p-articles.com/contribution
【《視點31》盧覓雪VS朱庭萱 】
MeWe版本：https://bit.ly/2QW2RP8
自ViuTV節目《ERROR自肥企画》於月中播出後，將兩台電視大戰和本地追星熱潮的討論度推向高峰。就此，港台電視部公共事務組製作的《視點31》，周二（25/5）邀請資深傳媒人兼電台節目主持盧覓雪（Michelle）以及曾經在網上笑指MIRROR「呢啲樣旺角大把」的朱庭萱（玻璃朱）同場討論，主題為「娛樂為甚麼？」讓二人就本港電視台以「造星」名義發掘新人和綜藝節目製作策略及宗旨發表意見。節目原定直播出街，惟製作團隊周一（24/5）臨時收到管理層通知，指辯論會改為錄播，並僅於今晚播出的《視點31》裏播出7分鐘剪輯版，盧覓雪完成錄影後，於電視大廈外接受訪問時坦言，對於港台今次的處理手法有點不滿。「尋晚先至通知（直播）呢件事唔得，對我同埋對港台員工嚟講，都有欠一個公道。」
完成《視點31》錄影後，盧覓雪與朱庭萱於大約下午四時許步出廣播道電視大廈，對於節目的討論，雙方都認為彼此在理性基礎下討論，並不如外界想像般會出現「二人在錄影廠內互扯頭髮」的畫面，「頭先嘅（討論）內容，係圍繞而家多咗人談論電視節目，好似有個Trend（潮流）出咗嚟，其實都係MIRROR同ERROR效應啫，因為有一班人好鍾意追捧呢班𡃁仔，就係咁啫，我覺得同TVB根本完全冇關係。」
不過盧覓雪指，錄影去到最後部份，跟朱庭萱的分歧較大，討論亦較激烈，未知道節目播出的7分鐘版本會含其中。「其實如果理性討論，有啲嘢大家都有個共識嘅，爭拗都係喺某一啲位上面。當然Bonnie嘅角度係，佢想講佢啲藝人朋友因為（政治）黃藍嘅問題喺網絡有好多欺凌，但呢一點，我同佢就有一個比較大嘅分歧，嗰度（討論）相對會比較激烈啲，而嗰一段其實喺個尾嗰度（出現），頭個7分鐘係未問到呢個部份。」
《視點31》團隊原本安排盧覓雪和朱庭萱於今午三時半開始討論，並透過節目的fb專頁直播出街，旨在引起更多網民留意和參與，不過及至晚上7時半，盧覓雪收到節目團隊通知，指管理層臨時要求將討論環節改為錄播，她對此頗為不滿。「佢哋通知我，話今日冇得做Live，會改為播7分鐘（剪輯版），喺嗰個Moment其實我可以拒絕出席，因為你約我嘅時候係做Live，我對做Live有興趣，首先佢哋呢啲節目已經要事先上報，攞批文，話我哋要做呢個題目，有啲咩嘉賓，會傾啲乜，即係點會去到尋晚先至通知我哋呢件事唔得呢？對我同埋港台員工都有欠公道，喺呢個港台需要更多支持嘅時候，我更加要支持，所以喺咁多無理嘅情況下，我都決定繼續出席。」朱庭萱周一（24/5）也在自己的fb專頁表示，對突如其來的新安排感到不滿：「唔做live會唔會又俾人剪頭剪尾。大家睇唔到最公平嘅一面。」
回到討論部份，開始時，主持彭德章先着雙方就「娛樂節目的社會責任」發表意見。盧覓雪認為娛樂節目的主要目的就是「娛樂」，硬加「社會責任」實在多餘。「可能有啲人會覺得低俗，我係睇《歡樂今宵》嗰一代大嘅，咁嗰時都會有：『嗱，呢啲危險動作家庭觀眾就唔好學喇，佢哋經過長期訓練㗎！』呢類家長式嘅警告已經做咗，甚至有啲節目嘅播映時間特登放喺夜啲嘅時段，叫做寬鬆少少嘅時間區域，本身嗰啲（節目）已經做晒體檢囉喎，做晒體檢都話唔得？咁我就覺得過份苛刻囉！」朱庭萱亦認同娛樂與社會責任兩者沒有關係，但內容若有危險動作，亦會觀觀眾帶來負面影響，不能沒有底綫。「有些事情危險和過了底線，我們就應該守住。」
至於藝人和電視台的政治取向，二人見解亦不同。朱庭萱：「自從反修例風波開始，就扣咗TVB係藍喇，ViuTV就係黃嘅，點解呢？有人覺得TVB就一定係親中嘅，而ViuTV就係香港人嘅，其實點解會扣呢啲咁嘅帽子，我當一啲TVB藝人，佢哋冇表態，冇顏色甚至冇立場嘅，佢只係想做好自己份工，但一句『你係TVB，不了，我要打壓你！』甚至搵TVB落廣告，網上有一啲欺凌『嗱，大家記住喇，呢個牌子我哋去畀嬲嬲啦，跟住我哋就去投訴喇，例如食肆我哋去報食環我哋去杯葛！』不斷喺度鬧鬧鬧，結果我聽返TVB廣告部啲同事講，每一次落廣告，個個之後唔敢返轉頭，因為不斷收到呢啲騷擾。」故她不建議藝人表態，因為立場如何都注定會失去了另一邊觀眾。她又解釋為何撐警。「點解我要表態？嗰個環境點解我要撐警或者叫做藍啦，因為驚人太少喇，覺得唔出嚟撐佢哋就好可憐！」
惟盧覓雪認為是觀點角度問題。「你講打壓呢，其實雙方面都承受緊嘅，所謂黃同藍，學佢（朱庭萱）話齋，你都唔知佢係黃定藍，不過有人話佢係黃，有人話佢係藍，呢個世界其實可以返轉頭去諗嘅，唔落廣告，唔支持你我要嬲嬲豬你，黃嘅其實一樣係受到打壓嘛！」她認為除《大公報》和《文匯報》外，應以中性角度看所有媒體。「TVB點解被指藍？因為有一大班玻璃朱嘅藝人朋友撐警，仲唔係藍？加上無綫新聞取向、台風同高層言論，咪會有黃藍分別囉！」
觀眾何時才可以看到足本版討論？據了解，《視點31》團隊將會按既有程序，先讓管理層審視足本版的錄製內容，獲批准後會隨即在節目官方YouTube頻道及facebook專頁上架，需時兩天左右。去到周三晚大約22:45，足本版已在《視點31》fb專頁上架。（https://bit.ly/3uudQx2）
《視點31》（2021年5月25日）YouTube重溫：https://bit.ly/3fJBJes
延伸閱讀 ──
利君雅不獲續約五月底離職：https://bit.ly/3teUDPh
（26052021）
#游大東影視筆記 #游大東 #港台電視31 #香港電台 #視點31 #盧覓雪 #朱庭萱 #蕭翠蓮 #彭德章 #error自肥企画 #MIRROR #ERROR #TVB #viutv #反修例 香港電台視點31 港台電視部－公共事務組 RTHK 香港電台 盧覓雪 Michelle Loo 潘小濤 叱咤903 在晴朗的一天出發 葉一知 William on the way 做乜膠睇電視 我睇咗啲乜嘢 Pazu 薯伯伯 gregory wong 王宗堯 抵制tvb戰線 - 鍵盤救港
今早替港台電視部節目《鏗鏘説》拍攝做主持。受訪嘉賓是吳敏倫教授，由他70年代提倡性教育談到現在....過程順利愉快！感謝電視部的邀請，也特別要感謝我的化妝整頭師@Daphne 的用心，還要兼任義務攝影師🥰🙏#鏗鏘說 #性教育 #吳敏倫 #劉倩怡
香港本土力量 Hong Kong Localism Power
Facebook : http://www.facebook.com/HongKongLocalismPower
香港本土力量 Hong Kong Localism Power
Facebook : http://www.facebook.com/HongKongLocalismPower
香港本土力量 Hong Kong Localism Power
Facebook : http://www.facebook.com/HongKongLocalismPower
RTHK is a Hong Kong public broadcast service. Wikipedia ... ... <看更多>
港台電視部 在 港台電視部－公共事務組- Home - Facebook 的推薦與評價
港台電視部 －公共事務組. 104740 likes · 11 talking about this. RTHK 香港電台電視部公共事務組. ... <看更多>