關於 特別鳴謝expedia ，我們在網路上蒐集到這些相關的討論、資訊與評價

成班中同來東京一聚，想揾四至八人房，即4至8張單人床。MIMARU美滿如家在東京一連開了好幾間家庭/友達式大套房，所以第一時間就想起了MIMARU (因為上年中同之旅住赤坂MIMARU的經驗不錯)。東京上野北店(North)2018年2月開幕，之後2018年8月就開了東京上野東店(East)，今次選的就是較新的東京上野東店(East)。想知4人或8人房價錢，即睇👉🏻 https://bit.ly/2WCXYva

MIMARU是屬似服務式住宅的酒店，入住期間無人執房，不過會換毛巾，放心。除了房內4張單人床，房內空間運用活動性都十分強，小廳平時可作食飯酒聚的大餐桌。建議大家可找超市買生果買餸，因為間房有埋開放式廚房! 幾個好友煮好和牛在房間內的小廳一邊飲酒一邊吃和牛、生果，最高!

提提大家，牙膏牙刷、拖鞋、個人護理日用品不在房中，但可以在前檯附近隨便拿取，還有茶包、咖啡等。一些基本廚房用品已經齊全，如果大家Like官方fb並發表評價，仲有得免費借用一些高級用品，小型投影機、Balmuda型格焗爐、Balmuda電飯煲、Table Grill、製冰機、即影即有相機....等日本人氣小家電。

了解更多酒店的不同房價、不同房間、照片、餐廳、設施﹕
https://bit.ly/2WCXYva


特別鳴謝﹕Expedia
#Expedia #ExpediaHK



美滿如家飯店 東京上野EAST
東京都台東区東上野4-26-3

去年9月開幕的新酒店SHIBUYA STREAM EXCEL HOTEL TOKYU ，上次試住渋谷METS酒店時經過見到，已經好想試住，今次終於住到! 等Check-in時已經感到服務好好，不單禮貌好，安排又有彈性，大堂又型又靚。地點方面，無得輸，就在涉谷站，16B出口直達。下面SHIBUYA STREAM(渋谷ストリーム)是目前東京人餐飲的人氣蒲點，搶眼的摩天大樓頓時成為渋谷新地標。這棟與渋谷HIKARIE同高的大樓內有辦公室、飯店、餐飲設施、運動中心和表演空間。叫做「STREAM」係因為大樓背面，緊貼住一條「渋谷川」小河。🉐（價錢Click: https://bit.ly/2wzYLOP)

房間超正，夠大，設計Modern又靚得來，間隔分明實用，坐在梳化位置工作，望住落地大玻璃，舒服到呢。另外一樣好正嘅係，每層有個功能層，一層係洗衫、一層飲品、一層運動(雖然得幾部健身單車及YOGA BALL)、一層係煮食層! 最正當然係頂樓的「煮食層」，有焗爐、微波爐、電磁爐及煎PAN等基本入廚用具，買塊和牛西冷上去煎/焗，正呀!

SHIBUYA STREAM(渋谷ストリーム)大量食店，又有高級超市 (precce premium)，入住酒店後咩時段想醫肚都十分方便。Luke's lobster burger都有，不用排隊食到龍蝦包(其實個人覺得而家龍蝦包冇咁好食，不過蟹肉包仲係咁好食)。


了解更多酒店的房價、照片、不同房間、餐廳、設施﹕
https://bit.ly/2wzYLOP


特別鳴謝﹕Expedia
#Expedia #ExpediaHK


東急渋谷流卓越酒店
SHIBUYA STREAM EXCEL HOTEL TOKYU
東京都渋谷区渋谷3-21-3

《有3張床的雙床房》住新宿住得多，今次住東、西新宿就較少。今次入住的新酒店BESPOKE HOTEL 位於東新宿，個位其實超正! 現在行去東新宿Metro站只係3分鐘，從東宿站坐副都心線到池袋、涉谷都好方便﹔另外，大江戶線也是東京旅遊會常用到的地鐵路線，去六本木、麻布十番、築地市場、上野御徒町...都可以。最正當然係，行去對面街就係24小時超市MARUETSUZ又只係3分鐘，幾夜都可以行去買生果、飲品、和牛回酒店超方便(好似去便利店咁方便)。🉐（價錢Click: https://bit.ly/2KoX8LT）

2018年12月才開幕的BESPOKE HOTEL酒店，走工業風時尚設計酒店，由前檯到房間，都好有型。今次特別揀「豪華雙床房」，因為呢隻Room Type其實有3張單人床，啱晒一家三口! 中間仲有張大茶几，宵夜開餐一流! 房間內空間運用得相當唔錯，mini-bar的位置放有免費的茶包及濾掛式咖啡包，最有型係茶壺竟然用上BALMUDA的手沖壺，好有質感，酷!

酒店不提供自助早餐，不過可以在前檯對出的有個好Chill的共享空間，有付費的咖啡、茶飲、小吃作早餐。其實時間亦可以在這裡休息，飲返杯，同來自各國的朋友傾下計。

了解更多酒店的房價、照片、不同房間、餐廳、設施﹕
https://bit.ly/2KoX8LT


特別鳴謝﹕Expedia
#Expedia #ExpediaHK

Bespoke Hotel shinjuku
東京都新宿区歌舞伎町2-2-17