Search
【九龍酒店自助晚餐 7 折優惠，折後 $486，而家父親節自助晚餐仲訂到呀，每位 HK$535】
父親節就到喇！如果想同屋企人食自助晚餐，九龍酒店倚窗閣性價比超高，小編岩岩試過系統暫時 6 月 19 、20 日都仲訂到，自助晚餐「和牛·燕窩·生蠔·海鮮」主題可以任食生蠔、蟹腳、燕窩、岩鹽烤鹿兒島和牛、燕窩蟹肉蒸蛋白、石鹽焗原條三文魚、開心果仁保雲酥焗蠔、即切烤肉等，仲有多款以朱古力為主題嘅甜品。前排親身食過，俾大家睇下當日食物質素既相啦。優惠詳情和 7 折預訂方法可參考：https://www.runhotel.hk/kowloonhotel-buffet
【飲食攻略】性價比極高自助餐
#豪食3轉碳燒和牛 #燕窩入饌菜色任食 #無限暢飲啤酒汽水果汁
今個團年飯我地選擇左去 The Kowloon Hotel 九龍酒店 Window Café倚窗閣食自助餐，咁多間平過佢點解我地會揀呢間呢❓
1⃣環境夠闊落，我地book位時講明有小朋友，佢地就幫我地安排係一個近buffet line但又鬆動嘅位置，仲一早已經安排好bb櫈同餐具俾阿桃
2⃣場內超過100款美食，凍盤海鮮沙律壽司熱葷中式西式甜品雪糕，樣樣都有，令你目不暇給，食指大動
3⃣服務夠細心，食自助餐最怕成枱碟冇人收，但呢度嘅侍應快手又有禮，收碟都會問多句口唔可以收，仲好主動幫我地refill飲品添
最重要當然係今期嘅主題食品喇😋😋
留意番侍應嘅叮叮聲🔔提醒大家出去領取「限量食品」
其中包括我手上呢碟 #岩鹽烤和牛，以鹿兒島和牛配上日本岩鹽燒製，肉質質軟腍細膩，入口慢慢滲出油脂，再化開🤤我地就食足三轉喇，唔知你會唔會破記錄呢？
桃爸手上嘅係 #香芒燕窩龍蝦沙律，鮮甜芒果粒配上啖啖龍蝦肉，清新又開胃，上面再鋪排上珍貴嘅燕窩🤗
仲有 #石鹽焗原條三文魚 ，配上蒜油，咸香味表露無遺，仲冇魚骨，岩哂我呢種懶人😂
#燕窩鮮蝦咯嗲伴燕麥藍莓乳酪 #燕窩麵醬烤蝦伴糙米 #火炙和牛壽 全部任拎任食，無限量供應
提提大家 #水晶燕窩生滾粥 要攞籌架，揀好配料等5-8分鐘就可以番去拎，甜甜地幾好味😚
仲有 #即切肉扒 同 #即燒鵝肝，真係食過翻尋味😆😆
最令人期待嘅緊係甜品喇😋
貴價雪糕牌子Movenpick🍦Haagen-Dazs🍨Dreyer's雪糕雪條任食，要杯女筒任君選擇
阿桃🍑誠意推薦 #即製朱古力熱香餅，食完一大堆食物嘅佢，都忍唔到口食左大半個，因為佢係厚身熱香餅，外脆內軟，同某快餐店嘅真係冇得比🤭
限量甜品嘅代表係 #火焰雪山，以雪糕及蛋糕製成嘅雪山，淋上帶有火焰嘅冧酒，睇住糖片慢慢咁俾火焰溶化，睇得又食得😆
宜家只要透過 eShop 網上商店訂購自助晚餐，只需要以 HK$482.8^ (包括加一服務費) 起，即可享用過百款美食及任食生蠔、無限暢飲指定飲品(本地啤酒、樽裝汽水、冰凍果汁)。
了解更多👉http://eshop.harbour-plaza.com/kowloonhotel
#九龍酒店倚窗閣
地址：香港尖沙咀彌敦道 19-21 號九龍酒店 2 樓倚窗閣
#和牛燕窩主題自助餐 #太美妙啦
靜雞雞話俾大家聽，
我細細個第一次去酒店食自助餐，
就係去九龍酒店倚窗閣！
個時好記得係嫲嫲帶我去，
任食蛋糕🍰同雪糕🍦對於個時嘅我黎講，
個度簡直就係天堂🤗
最近，我帶埋老公同埋卡樂B同我一齊回味下兒時回憶！
今次主題和牛盛「燕」，
有好多款以鹿兒島和牛及燕窩入饌嘅菜式！超吸引呢～～～
🍴岩鹽烤和牛🍴呢個真係必食，油花比例烚到好處，肉質好鮮嫩，每一啖都夠哂Juicy~~自助餐有和牛食，真心正呀😄
自己幾時都咁鐘意食燕窩，🍴香芒燕窩龍蝦沙律🍴又係必食～啖啖龍蝦肉，爽口彈牙，加埋芒果粒及燕窩，口感非常豐富！
🍴燕窩鮮蝦咯嗲伴燕麥藍莓乳酪🍴呢個組合又係好有驚喜～乳酪酸甜味，再配埋蝦同埋燕窩，真心好夾❤️
場內冷盤海鮮多選擇🍴凍蟹腳🍴藍青口🍴紐西蘭青口🍴新鮮海蝦齊晒～
生蠔都有三款選擇🍴法國紛迪加蠔🍴美國太平洋蠔🍴紐西蘭太平洋蠔🍴真心滿足～
🍴石鹽焗原條三文魚🍴超級特別，睇住師傅將外面嘅石鹽整走，再慢慢起肉，真係超新奇！三文魚採用慢烤方式，所以入口好嫩滑，保留到原汁原味😁
#放左影片於留言處
甜品方面，卡樂B 同我基本上都食到停唔到口，因為實在有太多選擇！招牌嘅🍴火焰雪山🍴芒果拿破崙🍴必食～🍴 朱古力心太軟🍴 採用85%純黑朱古力，味道更香濃可口～🍴朱古力噴泉🍴更係卡樂B最愛，食到成口都係朱古力😍
餐廳內仲有超多款雪糕，Movenpick、Haagen-Dazs！我最後忍唔到食左3大杯😂😂😂
#獨家優惠
透過 eShop 網上商店訂購自助晚餐，客戶只需以 HK$482.8^ (包括加一服務費) 起，即可享用過百款美食及任食生蠔、無限暢飲指定 飲品(本地啤酒、樽裝汽水、冰凍果汁)。
詳情請瀏覽 http://eshop.harbour-plaza.com/kowloonhotel
👉🏻不適用於 2020 年 2 月 14 日
————————
九龍酒店倚窗閣
和牛盛「燕」二重奏自助晚餐
地址：香港尖沙咀彌敦道 19-21 號九龍酒店 2 樓倚窗閣
📞(852) 2734 3803
00:00 我是誰
00:20 繼太古城、樂富之後的第三間分店, 元朗新開UNY生活創庫
00:50 香港日式百貨越開越多, 最新戰況
01:37 第一必買
02:43 赤目張
03:35 第二必買
04:14 第三必買 ，氣炸鍋食品
05:52 Ourhome韓國蜜糖牛油多士
06:10 第三必買
06:35 全港首個免費乾式熟成牛肉服務
06:55 熟成牛肉要keep多少天
07:09 免費乾式熟成牛肉服務, 最低消費
07:23 服務詳情
07:43 在家最佳煮熟成牛肉方法
港島中西區, 勁抵食熟成牛肉餐廳, Pier Bar and Restaurant
德輔道西215號地下(近正街), 西營盤地鐵站B3出囗3分鐘
08:22 第四必買
08:49 第五必買
09:40 第六必買
10:03 第七必買
10:22 第八必買
10:38 第九必買
10:47 第十必買
11:27 元朗又新街
11:29 中環去元朗UNY交通
11:37 又新街手信
12:02 下集預告
#UNY #日式百貨 #元朗美食 #生活創庫 #日式超市 #十大必買 #性價比
#日本旅行 #香港好去處 #豐洲市場 #魚蛋醬汁
UNY日式超市日式百貨元朗美食生活創庫, 性價比高超十大必買
Hello大家好 ，我叫阿Tsar,
原本想在今集上載全香港最平的生活雜貨公司
但跟幾位朋友傾過，原來大家都愛看香港的日式百貨
一於順下民意, 今日帶大家到元朗新開的UNY生活創庫
繼太古城、樂富之後的第三間分店
位於元朗千色匯地庫一層，店舖面積約18,000平方呎
簡約時尚，結合北歐現代簡潔風格及日式美學元素，
相當闊落。裝修好高級，不過經我的精明格價眼
一定會推介最抵食、性價比最高的貨品給大家
看完影片，你就知道一般大眾都負擔得起的價錢
店裏售賣各式各樣日式食品、水果蔬菜、海鮮、
肉類、熟食、零食、生活雜貨等，應有盡有。
香港日式百貨越開越多，現在驚安中環和將軍澳裝修中
昨又宣佈將在小西灣藍灣半島再開一間驚安
AEON、激安之殿堂、一田、無印良品我都拍過影片
你若未看就快去看了, 可以格下價才決定去哪間
這條影片下面，我做了結連，大家容易方便看到
最重要，即使大家現在去不到旅行,
假日都不用煩跟另一半去哪裏拍拖嘛
難道餐餐都食熊貓咩？(Food Panda)放假都要出街行吓
今日我為大家介紹UNI生活創庫的十大必買, are u ready?
第一必買, 自選海鮮丼專區隆重登場，
可自選多款魚生配日本米砌成丼飯，師傅即場製作
共有五款定食, 最平78hkd, 最貴138hkd
每日由日本直送海鮮，現在還可享有九折優惠,
你們應看我在北海道幾個魚市場食的海鮮丼，
這裏UNY還要平些，所有海鮮丼定食，
都配有信州味噌湯，信州味噌淡色辛口味,
食起來清爽、豆香清新，
這裏我目測有差不多廿幾三十款海鮮給大家選擇
價錢由7hkd去到廿幾hkd一件，豐儉由人
除此之外 ，亦有壽司手捲 、一些已經包好的新鮮壽司，
價錢更加大眾化, 但質素是非常優質
你看壽司的油脂和光澤， 這裏28件4人份量218蚊
平均7.8hkd一件, 以這個價錢, 簡直是物超所值，
如果嫌平時壽司太普通，
可以試試這個豐洲水產直送的赤目張
赤目張是一種日本九州較為稀有的名貴魚類。
日本飛機直送，原條做刺生，魚味濃郁鮮甜，口感彈牙。
特選鰻魚飯加冷麵定食68hkd, 大大包醬汁，好大的份量
普通女仔未必一個人吃得完，三文魚子，超大粒新鮮
晶瑩通透， 亦可撈沙律，加在意粉
青瓜海蜇wasabi送飯，顏色鮮豔，又有營養，
加在食物上更可増潻美感和食欲！
新鮮的特選紅蝦，又大又甜又脆的味道，蝦肉有彈性
四大隻55hkd, 一盒櫻花蝦20hkd, 炒菜炒飯或跟拉麵食
何只是平價美食 ，簡直令人垂涎欲滴,
第二必買， 各款日本魚扒，日本香魚每片38hkd
一般日本人的食法係用來鹽烤
日本餐廳大廚，將香魚灑上鹽在木炭上烤，
香氣撲鼻，令人食指大動
一包三片星斑柳44.1hkd, 這個處理更容易
蒸好的魚， 自製蒸魚豉油,
豉油：老抽：糖：水的比例是2：1：1：1。
還要加油煮滾，魚蒸好後放上葱，
然後把煮滾的蒸魚豉油灒上，
連葱灒油，魚味特別鮮香滑溜。
第三必買 ，氣炸鍋食品
不知是否因為UNI今年6月尾開放
採購部應該做了好多市場調查，順應潮流
整大個雪櫃都是氣炸鍋食品，
還要好多韓國超人氣氣炸鍋品牌
Olbaan 韓式超脆雞柳條, 出面賣 $88, 現79.9hkd
用燕麥、糙米、黑米等穀物製成卜卜脆的表層，
超正口感，氣炸鍋先預熱 180度3分鐘，
再放入去加熱9-10分鐘
三重芝士炸雞塊 , 嚴選韓國產雞肉 ，加入五種穀物
樂天芝士麻糬波波球, 芝味濃郁，
粒粒外脆內軟，煙煙韌韌
芝士選用純天然mozzarella cheese和cheddar cheese
除了氣炸焗之外還可以使用平底鍋半煎炸或焗爐一樣好味
Ourhome韓式脆脆無骨炸雞, 選用多汁香嫩上等無骨雞脾肉
外層薄脆肉嫩，香口惹味的無骨炸雞，大人細路都鍾意
氣炸鍋 : 10分鐘 , 煎 : 4分鐘，兩面金黃便可
清淨園韓國風味小炒香辣無骨雞腳
以大火烤製而成的韓式風味無骨雞腳，口感煙韌，
再加入韓國辣椒醬、大蒜及洋蔥調味，更添風味,
不需再調味，還可配上飯或烏冬，
只需用微波爐翻熱3分鐘或落鑊炒3-5分鐘，
就能輕鬆吃到一頓豐富的韓國菜！감사합니다
Ourhome韓國蜜糖牛油多士toast,
是韓國著名Café必點的招牌蜂蜜牛油吐司
韓國cafe地道風味, 氣炸鍋 : 12分鐘, 19.9hkd
好多超市都有CP這個牌子的氣炸鍋食品，這裏超多選擇
第三必買 ，熟成牛肉你聽得多 ，其實早幾年前已好流行
但近這一兩年，價錢更加大眾化
熟成過程可以令牛肉更軟熟，更有肉味，
尤其乾式熟成，需要嚴格控制溫度、濕度同風向，
除非你家廚房可以大到放熟成雪櫃，
基本上你好難自家製作熟成的。
這間提供全港首個免費乾式熟成牛肉服務。
店鋪提供每星期由澳洲空運到港的連骨肉眼、
牛柳及西冷等，客人只要揀好自己心水部位，
然後再由專業屠宰師根據口味要求，
設定熟成日子，一般由21天起至45天。
毎間分店都有來自意大利嘅熟成雪櫃，
牛肉熟成完畢後，客人就可到店內拿回自己熟成靚扒自己煮，
要留意，你是要買一rack份量的肉才可有這種服務，
一rack大概有6至7支骨, 大概3500一rack(要視乎部位)
可以供15-20人食用, 當你付了錢
可以不用一次過拿掉，即刻只拿部份rack
每次想食幾多就叫職員給你想要的份量回家，
塊肉可以keep在店裏專業熟成雪櫃內
這樣可確保每次帶回家煮的肉以最佳狀態，
回家用Rosemary、牛油、香蒜煎來吃
煎熟成牛肉，記得三四成已經夠，Medium rare
切開後則是櫻桃紅，再往中心則變成磚紅和血紅色，
牛肉中心50%範圍呈現血紅色, 就最靚仔、最好味
千萬別多過六成熟， 你會把舊熟成牛肉變得太乾呵
這些店買一rack, 價錢會抵過你買一塊,
如果跟朋友夾份，就會抵食好多啦
遲些我會介紹一間食熟成牛扒又平又正的餐廳
如果你們想快些看，記得留言給我
第四必買，店裏面亦有其他扒類選擇
像這個紐西蘭西冷、肉眼扒，平日要百幾hkd
週末69.9 hkd, 美國牛肋條38.4hkd, 用燒烤醬醃製
放入氣炸鍋，出面食這個份量冇一百hkd不行
墨西哥辣椒chedder cheese豬肉腸49.9hkd,
加個Scrambled egg和toast, 加杯鮮橙汁
一個完美的英國早餐
第五必買，石窯工房ピザPizza
18年連續銷量No.1 , 特級豬肉腸Pizza,
出面賣54hd, 這裏賣42.9hkd
使用意大利成熟蕃茄製作蕃茄醬，
再配上芝士、豬肉腸製成。
烹調方法：焗爐： 首先預熱，然後放入Pizza，
以250度烘烤5-7分鐘。
氣炸鍋：(預熱效果會更香脆) 以190度，炸6-8分鐘。
微波爐：高火，7-8分鐘。
當披Pizza變成啡色，芝士呈金黃至啡色即可
熟成生地 ，照燒雞肉pizza, 又一極品
好多香港人去日本旅行，臨上機前, 都去超市入貨㗎
第六必買 ，全新無包裝優質食品
日式精選雜貨專區「沢屋」，
售賣多款穀類食物，例如野米、奇亞籽及燕麥等等，
亦有多款日本米。近排我去每間日式百貨，
都有多款日本米，證明市場嘅需求非常大，
我們作為消費者當然受歡迎啦，因為多選擇嘛
第七必買， Italian Tomato甜品
香港人對甜品的要求愈來愈高，要好味又要有特色，
還要賣相吸引。一定會聽過這個品牌，
它在日本被譽為甜品界的藝術品
除了因為好味之外，打卡是非常instagrammable, like?
第八必買 ，香港製造食品，真地道醬汁魚蛋王
經過幾十年街頭秘方醬汁, 醬汁濃郁,
魚蛋爽口彈牙,一打開加熱就食得 ，一包有16粒
還有這個純. 和牛丸, 粒粒Q彈, 煮麵食至高享受
第九必買 ，多款OMN!新素食
食齋的朋友，或不想食多肉的朋友有好多選擇
零殘忍，不需殺生
第十必買，拉麵
五木熊本赤辛超辣拉麵,日本熊本拉麵的特色之一，
選用上等的小麥粉，加上日本傳統工藝，
使麵條吃口更彈性有勁道。精選優質材料做成麵條，
光滑度和硬度都適中。並附上調味辣油、
豆瓣醬、辣椒、雞肉、豬肉的美味熬製辣湯，
可依據自己的喜好添加材料，可製作鍋炒、乾炒麵等，
配合秘製配方調製上等香料，跟勁道的麵條完美融合，
美味爽辣，一食停不到口啊
五木博多猪骨豚骨白湯拉面，濃厚口感
元朗有60萬人口居住, 我自己非住在元朗
由中環搭968巴士，一個鐘頭落車行十分鐘就到UNY
臨走去了又新街，見到好多懷舊小食
真的可以多逗留，買些手信回家
叮叮糖、齋雞粒、香辣薑糖，
超多吃買玩，行大半日都得呀，
我都不再想何時才可去旅行，
其實香港有好多地方有待我們去發掘
等我下次再和大家行街街啦, 多謝你們的陪伴
記得幫我將影片分享到whatsapp和facebook
留個表情符號支持, 下集會介紹全港最平的生活百貨
你們究竟喜歡嗎? 又或只想我講日本吃買購呀?
留言告訴我啦, 拜拜!
成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join
請用片右下角調4K睇片。
Bistro on the Mile 日式風情自助晚餐 龍蝦生蠔蟹腳任食！日式前菜沙律 壽司 刺身 天婦羅 自選拉麵 海鮮粥 豐富甜品 Haagen Dazs 炒雪糕 BUFFET 金域假日酒店 Holiday Inn Golden Mile
對上次到訪假日酒店自助餐已經有2年
今期推廣原來是日本美食主題
比起上次來,菜式更豐富
龍蝦/蟹腳,大蝦,青口任食
最回本當然是龍蝦,食到最後一分鐘仲有剩
最高記錄見過有朋友食十隻
單計龍蝦已回本賺突
質素亦好
龍蝦肉厚飽滿
另一冷盤海鮮主力,蟹腳
場內放置了具日式風情既裝飾
前菜冷盤類
西班牙腸/泡菜/煙三文魚/燒鴨胸肉配黑醋
日式沙律小吃
青瓜蝦沙律/韓式銀芽沙律/土佐豆腐
八爪魚沙律/大根甘筍沙律/燒牛肉冬菇露筍
蝦沙律,蝦肉彈牙
土佐豆腐,比較少見既小吃
包上木魚碎既豆腐,再炸香,豆腐仍然嫩滑
壽司盤種類也非常多
有卷物,八爪魚,鰻魚,蟹柳 燒三文魚,牛舌
前後大約十款左右
另外仲有一款係甜蛋切片
生蠔無限供應
刺身有數款供應
即開生蠔,蠔味濃郁
八爪魚/吞拿魚/鯛魚/帶子/三文魚/甜蝦/仿鮑片
紅薑片,冷麵烏冬,芥末,日式漬物
蕎麥麵,天婦羅
自助配搭
天婦羅種類也豐富
炸得夠脆口
自助沙律吧
新鮮沙律菜大約十數款配料
有5款沙律醬汁任配
粉絲蒸扇貝
西蘭花
海鮮粥
煎海鮮
海鮮粥配料豐富,粥底夠滑,值得試試
煎三文魚扒,大蝦串燒,烤蔬菜(三色椒)
清蒸石班魚,好搶手,返左第3條先食到!
薑蔥炒龍蝦鉗
印度烤餅
魚油甘香,肉質細緻
配以薑蔥豉油已經好鮮味
薑蔥龍蝦鉗
鉗身夠大肉夠多,薑蔥爆香,中式食法
正宗印度咖哩
配薄荷醬,芒果醬
咖哩蔬菜,羊肉咖哩
偏辣,配烤餅或白飯幾好食
照燒魷魚筒
日式蟹肉蒸蛋
鹽燒鯖魚,雞肉串燒
煎羊架,烤焗蔬菜
日式咖哩,串燒
羊架肉質厚身肉味濃
日式甜咖哩配飯或麵包唔錯
串燒做得最好,雞肉夠入味又烤得香口
招牌乳豬,加乳豬醬可以食十片!
日式鰻魚飯(有蛋絲配蔥),鰻魚汁再多一點就更好食
燒牛肉,中間仍然呈粉紅,牛肉味濃郁
肉柔軟肉汁豐 肉質細膩不柴
沾點鹽就能引出甘甜肉味
燒火腿就非常入味,肉質好軟
自選拉麵
2種湯底
有滷蛋,叉燒,海帶,蟹柳
有2款麵底選
出奇地出色,由其隻滷蛋,仍然係流心!
甜品好多選擇
接近20款
包括JELLY杯,牛奶布甸,抹茶奶凍,朱古力蛋糕
綠茶歌劇蛋糕,慕絲杯,芒果椰子蛋糕
芒果西米,美式芝士蛋糕,檸檬牛油蛋糕
熱帶水果芝士蛋糕 芝麻紅豆卷 藍莓忌廉芝士
法式果撻,紅棗茶,豆腐花
紅豆芝士撻,葡撻(一口SIZE)
甜品做得幾好
選擇多,口味豐富又夠特色
芒果西米,法式蘋果最好食
H牌雪糕4種口味任食
另有限定炒雪糕
自選配料再即時炒製
大蝦串燒,夠大隻,肉彈爽甜
中西湯各一款
每天一款燉湯
茶咖啡任飲,新鮮水果切片
環境舒適,服務態度好,換碟收碟好快手
登記會員仲好有著數,詳細查詢店員就得了
有生日優惠,有送蛋糕
燒牛肉出色
生蠔飽滿鮮味
每位另上一隻冰鎮鮑魚
自選拉麵
如果太飽可以走麵
淨送都值得試
滷得流心,滷得入味,拍得住專業拉麵店出品
厚切刺身
炒雪糕
刺身任食
炒雪糕,自選配料即時炒
尖沙咀彌敦道50號金域假日酒店1樓
1/F, Holiday Inn Golden Mile, 50 Nathan Road, Tsim Sha Tsui
https://www.higoldenmile.com/zho/dining/Bistro-on-the-Mile
營業時間: 上午6時30分至凌晨12點
聯絡電話: +852 2315 1118
主打海鮮自助餐，為客人搜羅最時令海鮮食材，結合亞洲料理的元素和西方的烹調手法，呈獻令人目不暇給、食指大動的國際佳餚。
自助早餐 : 上午6時30分 – 上午10時30分
自助午餐 (逄星期一至日) : 中午12時 – 下午2時30分
自助下午茶餐 (逄星期六﹑日及公眾假期) : 下午3時 – 下午5時
自助晚餐 : 下午6時 – 下午9時15分
自助宵夜 : 下午9時30分 - 下午11點30分
自選菜單 : 上午6時 – 凌晨12點 (最後點餐時間: 下午11時00分)
#BUFFET
#自助餐
#放題
