人地外國啲和理非係咁做嘢：你勇武唔起，咪響前線做吟遊詩人鼓舞士氣囉
而唔撚係懶正義走去捉鬼呀
#永遠記得612蕭若元劉細良見倒有執起舊磚就話人係鬼
#第一代捉鬼天屍
直接封你為 【琴之呼吸:吟遊詩人】 很OK吧
#好迷喔
#全體Bf
第一代捉鬼天屍 在 無神論者的巴別塔 Facebook 的精選貼文
第一代捉鬼天屍 在 無神論者的巴別塔 Facebook 的最佳解答
//支持本Page請Click入內文比Clap，已為Medium收費會員請直接Click入內文閱讀，謝謝！//
好記得四年前嘅年初一凌晨，其實本身並無特別打算去旺角掃街、亦唔係特別走去要聲援小販，只不過因為約咗人睇戲臨時甩底，所以機緣巧合下逗留咗響旺角，然後又好「湊巧」地出現響朗豪坊戲院對出位置，結果親身見證咗梁天琦、黃台仰臨時舉行嘅「 助選集會」，然後再演變成開創香港勇武抗爭史上嘅第一頁：一場因篤魚蛋而掀起嘅「魚蛋革命」。
本民前宣傳團隊同防暴前線開始衝擊之後立刻被捕果刻，我就企響佢地隔離，往後嘅事基本上已完全同佢地無關；所以好清楚往後法庭判佢地暴動罪根本係老屈。
當晚我後腦亦被磚頭擲中過，但我唔會怪責擲磚嘅人；警察向天開槍一刻，我身邊嘅人仲話「放心啦，橡膠子彈黎，唔駛驚，繼續圍！」。然後仲有一個我已講過無數次嘅故仔：當我將個口罩遞比一位擲磚義士，叫佢至少遮遮自己個樣，免得日後比人拘捕，佢同我講：「唔撚駛！因為我已無嘢好輸！」
然後去到第二日事件稍有平息，我仲記得自己係充滿興奮嘅心情，因為覺得香港人終於覺醒，終於徹底擺見佔中果種和理非和稀泥枷鎖。但係比呢個特區政府更快出手、出手更狠要撲熄呢場抗爭之火嘅，亦係延伸自佔中以來嘅飯民大台政棍：當日呼籲群眾前往旺角聲援嘅劉小麗率先割席，隨之以來一眾飯民政棍齊齊譴責暴力。
但要數到同樣與街頭勇武抗爭並存嘅，卻係以陶君行、劉細良為首嘅第一代捉鬼天屍中計黨。就係由果時開始，呢班黃屍KOL開始諗倒一個方法抹黑勇武派，就係話勇武抗爭之所以咁成功，一定係共產黨設下嘅局：佢地會用毫無根據嘅陰謀論，講到中共為咗打擊楊岳橋嘅選情，所以故意放軟手腳執法，等民意倒向建制一方，甚至痴線到老屈黃台仰同梁天琦收共產黨錢，然後當佢兩個一個坐監、一個流亡，就改口話佢地係被共產黨操縱，總之「我話係鬼就係鬼，完全唔需要證據。
然後響法官同律政司合謀之下，多名響魚蛋革命只係出現響現場、甚至無確實證據證明佢響現場嘅義士，全部被以年計嘅刑罰，飯民政棍中嘅政棍仲要話「判刑合適」，香港抗爭運動自此沈寂三年半，直至2019年6月……
老實講，自從魚蛋革命後，我唔會再覺得新年有咩值得慶祝，就算響某啲場合因為需要而講幾句恭賀說話，但內心其實並無任何祝福之情──魚蛋革命污名一日都未洗清，談何新年快樂？
無論如何而家魚蛋革命經已渡過4年，重要嘅係，究竟前人有無吸收到經驗、避免重覆嘅錯誤？
對政府黎講，係無。佢地係吸收咗魚蛋革命嘅錯誤教訓，以為強力鎮暴、拉哂啲人重判，抗爭運動就會因此平息，但結果卻係成功攬炒、天怒人怨；
對警察黎講，係有。因為佢地已觸摸得到特區政府甚至中共政府只能依靠佢地嘅暴力先能夠維持管治權威，所以抗爭一開始已要脅政府，唔能夠有任何一個濫用暴力嘅警察被送上法庭。再加上國安部門經已明目張膽安插公安於警隊各層指揮系統之中，基本上佢地已唔會再擔心七警同朱經緯事件重演。
基於呢種綁架理論之下，根本直頭係連小販管理隊都唔駛，話知你新正頭，總之一見人多就亂射TG驅散人群，街邊小食檔立刻變有毒食物，
對於飯民主派黎講，有啲係有，例如鄺俊宇許智峰係長期企響前線，知道咁先得到民心；但有啲表面上話自己係撐抗爭者，實則上卻係死抱住「和理非原教旨主義」，成日借啲意抽勇武抗爭後腿，無時無刻想重建大台，例如陶君行劉細良蕭若元之流，仲係死抱爛抱佔中時期嘅經驗作幻想，當然就係死不悔改果隻無。
對於香港人黎講，亦都只係有同無之間。有人係終於覺醒咗只有勇武先係出路，累積咗魚革嘅經驗，響6月9日夜晚靜靜起革命，將香港抗爭帶到前所未有嘅新層次；有人發明咗和勇不分、不割席不分化不篤灰，Justify咗和理非對勇武支援掩護嘅合理性同正當性﹖
但亦有一班黃屍狗，仍然係拎住「共產黨設局，一衝就中計」、「所有我唔鍾意嘅事都一定係鬼做」、「勇武派入面好多鬼，有捉錯無放過，咁場抗爭先可以順利發展」呢啲當日搞散佔中兼搞散魚蛋革命嘅陰謀論，響3年半後再複製一次。所以五大訴求有無辦法堅持落去、呢場抗爭會唔會潰散，就要睇覺醒者vs黃屍狗；勇武派vs飯民政棍呢兩場對決，最終邊個可以得勝。