【經常易攰乏力無精神 你可能缺少呢3種營養】
天氣涼涼地，係咪好匿喺暖暖被窩唔出街？留响被窩時間愈耐，個人愈覺無精神，總係好攰，唔想郁。出現咁情況，除咗天氣因素外，可能因為你缺乏3種營養。
1 蛋白質
蛋白質主要作用係促進人體生長發育和修補身體組織。當人體攝取嘅能量不足，蛋白質會分解，以釋放能量供應身體所需，因而可能引致身體缺乏蛋白質。一般人每日蛋白質攝取量為所需能量嘅10%至15%，以成人每日需2000千卡能量，即蛋白質攝取量為200千卡。1克蛋白質提供4千卡的能量，換言之，一般成人每日要進食約50克蛋白質。咁即係食幾多肉呢？方便計算方法係以手掌作單位，每餐食最少攝取約一掌手嘅唔帶骨肉塊已足夠。蛋白質攝取來源除咗肉類外，豆類、魚類、海鮮、蛋等都可。
2 維他命B雜
維他命B雜共有8個成員，即B1、B2、B3、B5、B5、B7、B9、B12，係身體需要嘅輔助品，主要負責人體各項代謝及神經系統維持正常運作，同時有助製造紅血球。若身體缺乏維他命B雜，會有易倦、抽筋、失眼等不適。日常飲食中，建議從五穀如麥皮、藜麥、糙米、紅米等攝取維他命B雜，另可以南瓜、番薯等取代白米當主食，同時可攝取食纖維。
3 碘
碘係人體必需嘅微量營養素，能維持正常甲狀腺功能及促進人體發育。若攝入碘不足，甲狀腺可能無法合成足夠嘅甲狀腺激素導致甲狀腺功能減退，甚至令發育中腦部受損。世衞建議成人每日碘攝取量係150微克，但曾有報告指港人每日碘攝取量平均為44微克，逾9成人嘅碘攝入量低於世衞建。含豐富碘質嘅食物包括海藻類食物、介貝類水產及海魚，以及奶類製品。一般而言，通過均衡飲食都能攝取足夠嘅碘量。另外，碘喺烹煮過程會溶於水中。為盡量保存食物中嘅碘，建議採用蒸或以少油炒嘅方法烹調食物，並原隻烹煮乾淨嘅甲殼類動物。
=====================⠀⠀⠀⠀
【每日送上優質生活Tips】http://www.likemagazine.com.hk/
【Follow IG】http://instagr.am/likemagazinehk
