華為喺 2021 年 5 月 19 日嘅發佈會上，就公佈咗新嘅無線耳機 Huawei FreeBuds 4，就等我今日同大家介紹下！
呢款 FreeBuds 4 延續咗上一代 FreeBuds 3 嘅圓形充電盒設計，喺耳機嘅外型上，華為都冇作出太大改動，維持一貫嘅型格簡約風。佢採用半入耳式設計，每邊耳機亦只重 4.1g，令用家長時間佩戴時都可以保持舒適。
FreeBuds 4 配備 14.3mm 特大動圈單元，配合獨立低音增強引擎，能夠為用家帶嚟強勁嘅低音效果。另外，FreeBuds 4 可以同時連線至兩款裝置，亦支援觸控操作，令用家喺聽歌同使用上都可以有好好嘅體驗。喺降噪功能上，FreeBuds 4 使用咗全新升級嘅半開放主動降噪 2.0 技術，加上雙收音咪混合降噪同人耳自適應降噪技術，可以為用家帶嚟高達 25dB 嘅主動降噪效果，認真唔錯。
FreeBuds 4 耳機滿電嘅話可以連續使用 4 個鐘，配合埋充電盒，續航力可以有 22 個鐘，絕對足夠日常使用。
呢款耳機喺中國大陸已經接受預訂，售價為RMB999，有陶瓷白、冰霜銀、同埋蜜語紅3款色。至於香港發售詳情，就要等待香港官方公佈。
華為耳機freebuds 4 在 Huawei Mobile, profile picture - Facebook 的推薦與評價
【HUAWEI FreeBuds 系列#真無線藍牙耳機】 都市繁忙生活喘不過氣， 或是只想享受一個人的寧靜時 HUAWEI FreeBuds 4 能為你量身打造專屬降噪環境讓你 ... ... <看更多>