【賽後分析】
花左一個朝早睇番曼聯對車路士哩場波 原先諗住睇埋對利物浦果場先夾埋一次過做分析 不過怕miss out左哩場波既記憶 所以都係打左先
.
陣式上源用番季前熱身賽既4231陣式 喺韋利安、簡迪兩位主力都尚未能夠正選上陣既情況下 林伯特喺哩場大戰安排艾巴咸、蒙特兩位新晉小將以正選出場 而巴克利被安排放喺左翼位置 而上半場哩個前場組合表現出黎既效果的確唔差
.
林伯特喺戰術打法上較為著重於邊路推進 好多時兩閘需要同翼鋒配合overlap上前場 亦因為咁艾馬臣喺左邊路都出現左兩次黃金機會 戰術上同時會做好多快速既小組傳球將個波運上去 而過程中並無拖泥帶水 參與既球員只需要企岩位置就做到一腳波傳上去 效果上什至比起「沙利波」節奏更明快
.
但係今場波既缺點亦都相當明顯 前場同後場既連接好似斷開左兩邊咁 好多時前場不失就好快比對手推進到自己既後半場 佐真奴同高華錫被安排擔任蒙特身後既兩位中場球員 前者位置上逗得較為深啲 主要負責控制節奏同校炮 同時亦要保護後場禁區頂既區域 但無奈球員既跑動覆蓋面實在太細 亦唔係佢既強項 所以難以為防線前提供足夠既保護
.
至於另一中場拍檔高華錫 喺哩個位置上既發揮亦都較為遜色 唔能夠展現到佢強大既推進力 只係做博腳居多 至於中堅方面 基斯甸臣同蘇馬兩者都需要一個「老大哥」壓場做指揮 相信魯迪加復出會強化番佢地既表現 而蘇馬果球十二碼 只能夠講球員喺靈活性方面自重傷後實在下降左唔少 感覺上腳頭好重同笨重
.
總結 今場波睇得到簡迪缺陣同無左夏薩特、雷斯既重要性 前場久攻不下 中場有如中空 後場一打就穿 而且喺林伯特既戰術之下 對於閘位球員既消耗什至會比起沙利時期更大 同時間薩柏哥斯達有機會被賣走 占士尚未復出 而左邊既馬高斯阿朗素速度上實在不及艾馬臣 對於後者同艾斯派古達兩者能唔能夠每場都維持到足夠既輸出 哩邊實在存在陰霾
.
稍後時間將會睇埋車路士對利特浦哩場超級盃賽事 暫定聽日會出哩場波既賽後分析
.
圖片來源 : Football365
-------------------------------
同場加映《車路士祖雲達斯雙雙放棄 從來我都是多餘的一人 – 希古恩》
https://bit.ly/2NCXCBl
#Chelsea #車路士 #林伯特 #曼聯
蘇 迪 曼 盃賽 制 在 【2023 BWF】蘇迪曼盃小組賽第三輪台灣vs 馬來西亞李佳馨 ... 的推薦與評價
... 蘇迪曼盃 C組小組賽最終輪 #台灣０：１ 馬來西亞 ➀ 混雙：葉宏蔚/李佳馨VS 陳堂傑/杜頤溈➁ 男單：周天成VS 李梓嘉➂ 女單：戴資穎VS 吳堇溦 ... ... <看更多>