【 #安平燒肉 - #五星級放題】
喵奴早幾日生日🎂，對當日食嘅安平燒肉實在太念念不忘，所以寫出嚟同大家分享吓😍。
呢間安平燒肉據聞係第二間分店，我哋食5點，上到去見好多人都排緊隊。入面裝修以木為主，真係似台灣嘅燒肉店。每張檯有隔板，每塊隔板都印上唔同句子，好有心思👍🏻。另外可以著上佢哋即棄圍裙，唔駛驚啲油彈落衫度。
我哋揀咗$358最貴個款放題「 #澳洲M5和牛120分鐘吃到飽」，可以任叫 #81款美食，基本上咩都可以任叫。
以前食開個啲放題，你點十樣，佢可能淨係上5-7樣俾你，漏單就扮睇唔到，但呢間唔單止上齊，仲好快！職員又後生又有禮貌，我覺得似去咗酒店食飯咁呀💯！
肉唔駛多講，睇相都知幾鮮，每食一啖都係味蕾嘅享受👅，仲有多款 #台灣特色美食，好似 #原住民鹽燒肉、#豬大腸、#煙燻鴨肉片、#起司鵪鶉蛋、#雞泡魚干，仲有 #台灣小枕頭（麻糬），特別得嚟又真係好好食呀衰鬼！（宜家一路打字都仲回味緊呢🤤）
海鮮不得不大讚虎蝦🦐，隻隻有手掌咁大隻，鮮到好似仲識跳咁，好難得放題可以大啖大啖食虎蝦，真係食到返晒本啦。
講起飲品，一般放題驚你食太多，所以只提供汽水，搏你飲完汽水好快飽肚就食唔落嘢。安平反其道而行，出 #自家製冷泡茶🍵，我最鍾意飲 #桂花烏龍，好香好清新呀，忍唔住飲咗兩支😂。飯、湯、蔬菜都係自助區拎。甜品可以揀雪糕🍨同愛玉，我想講....我今次真係感受到咩叫「 #飽到上喉嚨椗」🤣！走個陣個肚好似5個月身紀咁🤰🏻！
職員叫我哋即場登記做會員，可以馬上有9折（即係減返加一），另外like埋佢哋Facebook/ig，再送你 #珍珠奶茶🧋！可以拎走添，今勻真係「 #又食又拎」，好癲呀！
夜晚見佢send email過嚟，話17號13:00開始可以網上訂位（只限晚市），我已經同朋友傾好再去擦多餐啦，大家安平見啦😍。（但應該好full，希望大家都好彩book到啦！）
🔗 #網上訂位：https://bit.ly/3jQMygk
📋 #晚市餐單：http://bit.ly/3vpiNc1
安平燒肉 Anping Grill
📍地址：荃灣眾安街55號大鴻輝（荃灣）中心17樓
#台灣燒肉吃到飽 #燒烤放題 #任食 #台灣燒肉
起司鵪鶉蛋 在 Street food, fresh shrimp cheese quail egg bird ... - YouTube 的推薦與評價
... 位於士林媽祖廟口對面有家 起司 鮮蝦蛋，一開始以為賣的是章魚燒。走進一看才知道店家用章魚燒烤盤搭配麵糊與 鵪鶉 鳥蛋加上剝好殼的鮮蝦，最... ... <看更多>