我覺得自己好有「禮貌癖」，即係平時我覺得好基本的禮貌，唔知點解越來越多人唔識，個社會...真係退步緊？
1. 搭地鐵，月台地上都貼有guideline話俾你知點樣排隊（香港人還要guideline，日本人連line都冇就自己識排），我又唔明點解一個二個唔跟個guideline排隊，只有一兩個跟住排，然後就十九幾個人就對住個車門口（本來應該有個箭咀叫你「讓人出車廂先」果個位），等架地鐵黎到就貼到個玻璃門實一實，驚死冇得上車咁。之後車門一開，入面既人出唔到去，出面既人就係咁踴入去，我呢D正正經經排隊既人最後就上唔到車...
2. 同樣係搭地鐵，個站都大大聲宣佈話「請先讓車上乘客落車」，但係大家就完全無視呢句說話，次次你在車廂想落車就好似電腦洗車屋咁，左左右右都有人同你「擦身而過」，好想阻止你出返月台咁...好似打機咁，出到月台就＝過左關，咩事呀？好彩我係壯年，如果係老弱婦孺唔焗得唔迫得咁點算？
3. 同樣都係搭地鐵，同樣都有宣佈話「請盡量行入車廂中間」，一個二個就入到個地鐵車廂就即刻好似俾人點左穴咁，得喺個車門郁都唔郁，搞到後面的人入唔到，但係車廂中間就大__把位！然後條友企喺車門「把守」，自己又不斷做低頭族篤手機，周圍後面D人迫緊真係完全唔知，後面D人就夾硬入到車廂但係就迫到爆...可唔可以大家都顧下周圍人的感受？
4. 又係搭地鐵，入到去車廂中間，實有一兩條茂利當D柱係牆咁「埃」埋去，成個背脊霸佔晒成條柱，真係...其他人想申隻手扶下都唔得!!! 俾著我就夾硬申隻手去扶柱，然後「where」爛佢個背脊!!!
5. 搭巴士，我知道有D人唔鐘意坐窗口位，但我係ok的。即係如果有個乘客有好多野拎，一袋二袋再加個背囊，好狼狽咁樣搵緊位坐，我如果隔離有位，我情願會「吞」入去窗口位然後等佢可以坐走廊位，等佢可以盡快放低手上的重擔。但有D人唔係，堅持坐在走廊位，見到人一抽二能，就華麗轉身，等人好辛苦咁喺個好窄既位係咁「zip下 zip下」先zip到去窗口位，分分鐘個背囊「fing」到你仲要俾你「jip」一聲回敬時，我又覺得，點解你唔可以為佢諗下呢？吞一吞去窗口位駛死麼？
6. 茶餐廳，我係好唔鐘意大大聲遠距離叫野食的（繁忙擠迫例外，我都會了解樓面伙記辛苦），可以的話，我希望我舉手之後，佢會慢慢行埋黎然後問我食乜，而唔係遠處大叫「食乜呀？」，我自己真係好唔鐘意，一來我唔鐘意成間餐廳都聽到我叫乜，二來如果我叫多野你又真係sure你記到晒全部？我叫三碟餸、隔離枱又叫五碟飯，你真係會記到晒而冇錯？當然試過好多都係最後漏左單，又或者黎錯左...黎錯左碟飯又嘥左唔少時間呀！呢一點未必個個同意，但係個重點係我真係好唔鐘意大叫，再者我好多時喉嚨不好，不方便大叫。可以的話，行埋黎用筆好好寫低我的order先至係好服務。當然，我知道地道香港茶餐廳，樓面伙記呼呼喝喝已經係「特色」（林日曦都扮過），我係覺得盡可能啫...如果餐廳地方細，又多人，樓面伙記行條路送餐都辛苦時，大叫都冇計，所以呢一點好值得討論。
7. 搭巴士或地鐵，總會有條友係會開大個speaker黎煲大陸劇。唔係歧視大陸劇，而係歧視睇劇嗰位，點解要迫全車人一齊同你煲劇？點解要製造噪音俾其他乘客？點解要你帶個hand free係咁困難？
8. 去戲院睇戲，明明片頭都同你講左「請關掉手提電話、傳呼機及響鬧裝置」，點知電影播放時，都仲會有人電話響！當你唔記得mute左個手機都算，響電話仲要聽，聽左仲要大大聲講野，想點呀？成間戲院你用晒啦好冇？我睇戲好定係聽你講電話好呢？
暫時係咁多，有再加。
電腦洗車屋 在 Car Beautician - 電腦洗車屋- 首頁 - Facebook 的推薦與評價
... <看更多>
相關內容