火鍋任飲任食2.5小時，$98「「起」」！
**更新**係$98起啦⋯⋯
👉🏻要睇你揀嘅時段，咩湯底，仲有醬料費同服務費嫁⋯大家唔好搞錯😂（成人價錢，任食：$158，9點半後入座：$128；12AM後：$98）
（上星期四）繼葵涌廣場掃食大行動之後，其實飽就有啲飽但係又感覺又唔多實在咁，始終都係小食，好彩早有準備約咗朋友仔去滾下～打邊爐✌🏻️
其實我去開樓上個間火鍋店，分店黎嫁，都唔錯抵食，幾好味！但原來樓下開咗間新火鍋店，試下無妨！
聽聞依間火鍋店經常預約滿座，所以如果有興趣黎試的話，就打電話黎訂台安全啲！
黎嘅時間尚早，只有幾張台，環境寬敞，餐桌以白綠色為主，睇落舒服，繞場一周發現，與其說係任食任食，不如話係半自助餐方式！火鍋底有5款特色湯鍋，4款傳統湯鍋，更可以加錢升級至韓國人蔘雞鍋，特色或麻辣雞煲！
配料有肉類，海鮮類，自家製類，刺身類，丸同素菜類，全部都標註：即叫即做。再想食好啲？無問題，加錢點另類海鮮，肉類或飲品。
有啲似去咗台北食涮涮鍋😂因為火鍋店介提供你多個自助選擇，多款醬汁料你慢慢調慢慢揀；甜品：爆谷，棉花糖，焦糖燉蛋，芝士撻等等；泰式開胃小菜，拍青瓜；多款雪糕；好多新鮮蔬菜，好多款麵類，仲好多種飲品！！淨係食依啲半個肚都飽晒！！
事實上都好快全場爆滿，先唔好話好唔好味：依個價錢咁多野食，真係抵食夾飽！我幾時都話，打邊爐要食到又飽又滿足先正！
依家好似做緊冬日限定：羊腩煲，$88起，數量有限；係我行黎行去時聞到好香嘅藥膳味，下次如果再黎我會點個精選藥膳湯底試下😆
🏠 名朝特色火鍋 (佐敦)
📍 佐敦彌敦道219號莊士倫敦廣場6樓
麻辣雞煲配料 在 【食譜】波師奶系列- 簡化版麻辣雞煲 的推薦與評價
【食譜】波師奶系列- 簡化版 麻辣雞煲 #平靚正#新手向#師奶向#家常小菜#雞煲#火鍋以為買一大堆醬料同香料返嚟先整到 麻辣雞煲 ？ 等我整個簡化版 麻辣雞煲 ... ... <看更多>