［錢多終勝，但國家有錢重要啲，定你屋企有錢重要啲？］答案係：俄羅斯最窮嘅學生，都高分過摩洛哥最富貴嘅學生一大截。雖然家庭收入只係人地一半。
Economist原文：It’s better to be a poor pupil in a rich country than the reverse（https://bityl.co/3n1a）
TLDR：高收入國家分數高過低收入就梗。而同一國家，高收人家庭嘅學生高分過低收入亦係常識。但，兩個因素夾埋呢？同樣咁嘅家庭收入，在富國，係高分好多嘅。
1. 幾時都話鍾意economist嘅冷，唔濫情。There are some things money can’t buy. Education, however, does not appear to be among them。
2. 有常識都皆知，高收入嘅家庭，學生成績就好啲（用國際試計最公平）。而富國嘅成績，又會好過窮國。偏偏有啲人冇常識，會拎邊個邊個例子出嚟講，即係鄧小平謬誤—係呀鄧小平煙鏟但都好長命，所以不能話食煙短命。
3. 又或者同你拗一大輪，喂考試不代表一切（而佢自己講嘅就代表一切），喂成績唔等於叻啲，喂數學又唔代表其他科喎。喂計平均冇意思，人人平均一粒睪丸（係呀識講呢個好叻呀可？），李嘉誠同我都平均幾千萬人工（而李嘉誠根本低人工過你，況且，外國冇李嘉誠？）。係喎GDP唔代表人工添喎，係喎用人均GDP唔科學呀，點解唔用中位數（你有見過中位數GDP？）。笨七就係多多事實，古今中外皆然。
4. 好，發完勞蘇，相信呢度啲讀者係有常識嘅。高收入家庭學生成績就好啲，富有國家成績好過窮國，未必係因果，但有好強嘅相關。仲係唔信嘅，幫你唔到。
5. 原因？如果講家庭，最簡單就話有資源補習啦，細細個一年去幾次日本啦（所以好有常識），多啲時間陪個仔啦，之類。講國家嘅，可能係多啲資源投放在教育啦，或者請到好嘅教師啦。
6. 以上種種都冇乜特別，但好玩嘅係，有人問，咁邊個因素重要啲？係屋企富唔富有，定國家富唔富有？即係，做富國嘅窮人會高分啲，定窮國嘅富人會高分啲？
7. 如果有常識嘅（可惜好多人冇），會知道咁問唔得準確。正如「樣重要啲定身材重要啲」「滿足感重要啲定人工重要啲」，唔量化，冇得討論。
8. 所以，就量化啦。而且，唔止用「相對值」，用「絶對值」。即係點？即係，你香港最窮嘅10%，仲係富貴過索馬里最富有嗰10%嘛，邊有得比？
9. 所以，就用絶對值比！富國學生同窮國學生，同樣屋企係搵兩千蚊美金個月，邊個會高分啲？你話呢？我個題話咗畀你知，梗係富國嗰個高分啲。
10. 但如果我個題唔講，你會唔會咁諗？諗下，同樣係兩千蚊美金個月，在富國係窮人，在窮國係富人喎。而且，窮國一般物價低（你有冇見好先進嘅地方物價會好平？），理論上，同樣嘅人工，窮國個家庭生活水平仲高喎。「至少請個補習老師可能都係幾蚊美金」。即係我聽有香港人講第啲地方供樓好輕鬆，生活質素高啲，睇下係咪？
11. 數據見到就唔係咁。圖中有一個好簡單嘅例，俄羅斯，已經唔係最高收入嘅國家，算係中上。但俄羅斯搵兩千蚊美金一年嘅家庭（在俄羅斯都好窮了，一年喎大佬！），分數仲係高過摩洛哥搵四千蚊一年嘅家庭（在摩洛哥好富貴了！供得起樓仲好鬆動）。
12. 原因？唔知，但好可能同基本教育有關。先進國家差不多全部都免費九年甚至十X年教育，咁你啲友總有個譜，例如文盲率都低好多。況且社會保障都好啲，唔會啲學生早早出去幫補家計。
13. 不過真係要質疑嘅，其實有冇諗過，甚麼也門之類，邊得閒同你做呢啲test？答案係其實研究者自己發明咗套嘢，將當地或者區域內嘅（中東速算比賽掛）成績，convert返做國際試成績，「即係整個regression咯」。咁有幾大可信性，就唔知了。
14. 另外，文中冇講，但我睇到。見唔見到每一個國家，條線，一般都係upward slopping，左下去右上，咁一開頭就講，收入高分數高啦。但見唔見，有唔少都係升上去就開始冇咁斜，甚至平（俄羅斯，美國，日本）。有部份（韓國，也門！），甚至去到升上去，就跌返落嚟？即係一般嚟講收入高分數高—但去到最有錢嘅，反而分數低過冇咁有錢嘅—可能係，根本唔使用腦都得。
15. 呀，其實都係常識，但重覆多次。上次寫過（https://fbook.cc/3GUt），至少印度嘅case，高分就入到名牌大學，名牌大學就人工高啲。咁今篇文話你知，高收入家庭啲小朋友就高啲分—夾埋，即係高收入嘅，下一代繼續高收入咯。個世界就係咁的。
16. 仲有下集，不過再簡短啲。
———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張兩個月已600人訂！仲有兩篇免費試睇：https://bit.ly/31QmYj7
——————————————————————————
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010
內容:
*軟件股IPO狂潮
*買平台股好過
*人民幣強勢買咩好?
本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145
39 country code 在 Country Codes, Phone Codes, Dialing Codes ... - YouTube 的推薦與評價
CountryCode.org is your complete guide to call anywhere in the world. The calling chart above will help you find the dialing codes you need ... ... <看更多>