2021707 新屋岩岩開始裝修，起碼都要搞3個月，而家Milk媽同奕爸得閒就要揀定家具，我哋會上網搵定資料先，跟住就會去店鋪睇實物，之前我地就去左睇浴室潔具同廚房水龍頭，原來而家有好多唔同設計，又有不同功能，真係親身睇過了解過，先知有邊啲款式係符合自己屋企需要，加上我哋而家會同埋老爺奶奶住，所以揀嘅產品都會照顧埋佢哋嘅需要。
今次自己屋企裝修，先知原來潔具係唔包喺裝修費內，咁我哋順便就自己周圍格下價，揀一啲性價比高嘅產品，特別留意American Standard、GROHE呢兩個牌子，因為佢地都係屋企人同朋友介紹得最多嘅品牌，話比較多人用，又好襟用，同埋有啲係德國品牌出品，品質有保證。
座廁方面，座廁形狀我哋揀長啲闊啲嘅款式，切合我哋身形，坐得舒服。另外因為屋企有老人家又有小朋友，所以我哋都留意多咗一啲有加入抗菌功能、會易清潔嘅座廁，見到American Standard嘅座廁主打旋渦式出水（可以減少含菌水珠飛濺）、用上可以防污漬嘅塗層、同埋加入咗抗菌物料，呢款座廁都自然被我哋列入首選。
淋浴龍頭我哋就揀咗一款簡約時尚嘅設計，用返外露式，方便安裝，唔需要敲破瓷磚再重鋪。最好就係個水龍頭可以移動，唔用嘅時間可以收埋佢，避免小朋友撞到。
廚房方面，因為我哋會繼續用濾水器，為咗令廚房工作枱面再多啲空間，所以我地揀左一款用枱下式濾芯嘅水龍頭。
其實我哋上網搵資料個陣，都睇到有人會選擇上網買呢類產品，但係運送時間好難預計，自己又唔熟呢啲產品，一陣買錯裝唔到仲麻煩。相反自己親身去店舖揀，可以睇得清楚啲顏色同物料，仲有可以問清楚sales意見，同了解多啲產品資訊，而且即場見到產品，摸下試下，會更加了解自己需要問咩問題，最重要有埋售後保障！就好似坐廁咁，萬一之後有啲零件需要配返，部分零件係專門店都比較容易配到，同埋佢哋會幫手跟進送貨時間，萬一有咩事，都唔使自己搞到一頭煙，真係放心好多。
#好物推介 #裝修分享 #三重保障 #家居安全 #座廁有得揀 #水龍頭推介
#親子blogger #媽媽blogger
#CoolLikeHK #CoolHKG
#小雞奕與Milk媽 #Ajaxchan
american standard 專門店 在 American Standard 專門店- Macau - Facebook 的推薦與評價
American Standard 專門店 - Macau · Page · Home decor · +853 2825 7733 · [email protected] · Open now · Not yet rated (0 Reviews) · See more about American ... ... <看更多>