▌從朋友聽來，大陸有個新興嘅傳銷邪教叫1040陽光工程，佢話香港有啲年青人已中招。
中招者會喺社交媒體post自己戴撈揸車，幾掂幾掂，成單嘢係sell你入一個會藉(一個社團/樂園之類)，呢個會藉係可以擔保你可以靠sell會藉嚟賺到千幾萬。網上資料睇到，只要每個入股嘅人畀6.98萬元，再拉29個人入股，就會獲得1040萬元巨款......
朋友話，邪教傳銷者會以帶你去玩為名(佢可能本身係你親友)，同你一齊遊覽名勝/俱樂部之類，跟住搵一堆成功人士輪流催眠你(扮晒同你分享)，等你快快了解成單嘢係work。而為咗顯示呢個社團係好高端，佢唔會逼你或扣押你，甚至你唔係鍾意加入就加入，仲要畀3千蚊去考個試，先証明你係被上帝選中嘅子民！(真係多L謝)
Okay，聽到呢度，好多朋友都會覺得，咦~~啲人咁on9架，畀著係我，一定唔會中招~ 我想講，你咁諗就錯，每個人都有可能會中招，包括你，包括我(我喎~!)，嗰啲邪教搞手係極佳嘅催眠高手，用咗大量時間針對唔同人嘅唔同心理去設局嚟裝你，聽到其中一個case，係一個警察唔小心畀人帶去上堂，然後嗰度竟然真係搵到一個退役嘅警長，設身處地去sell佢入會，個警察後尾同朋友傾返，話嗰一刻佢真係有心動！佢哋會用盡佢哋嘅能力証明畀你睇，肯join一定賺，而且一定唔會犯法，甚至乎上堂時，佢會播CCTV嘅新聞片段畀你睇，片段入面就係公安拉1040啲人，導師會同你講：「你睇？有乜理由個公安會有鎖匙入去？係夾埋架！我哋完全合法，已經同上面傾好晒架喇！」
講真，成單嘢嘅銷售手法，邪門得嚟係非常精準(相信經過一段時間嘅實驗同改進)，同埋1040個名本身就係sell緊你可以得到嘅嘢，好入腦......呢單嘢我之所以要講，係因為根據我朋友所講，有啲香港人已經中咗伏，希望大家唔好掉以輕心。你要記住，佢哋做過晒統計同實驗，了解晒你哋嘅心理，每個人都會有心理弱點，唔好以為自己真係好醒就掉以輕心。
重點係，就算賺到錢，都係不義之財；就算唔犯法，都一定有人係畀你害緊，做人，最緊要長存正氣~!
▌哀傷戰記(7)
「風未動旗未動，係人的心在動」
連登都有人講：https://lihkg.com/thread/218035/page/1?ref=android
