《讀者請教》
1.我男朋友唔鍾意自己父母，我父母係比較中意家庭樂，一有節日就會叫我男朋友一齊黎，有好野食都會叫佢黎。但相反我男朋友係一個好吾中意同家人交流嘅人，包括同佢自己家人，所以基本上我都好少叫佢接觸我家人，但佢都可以話吾中意我家人，話覺得我地屋企人睇吾起佢，但從來我屋企人從來冇話過佢比過面色佢，真心當佢仔咁，但佢成日就强加自已想法話我屋企人點點點。
2.難得新年，男朋友車我同屋企人番屋企，有機會聚埋一齊，我叫我男朋友同屋企人講聲新年快樂，佢都覺得有問題，話我做作，我話去佢屋企拜年，佢話佢屋企吾興話我做作，吾比我上去，但佢其他屋企人都有上去拜年，新年前都有同佢屋企人食過幾次飯，所以我覺得拜年呢個係基本禮貌。
到佢新年上黎食飯我叫佢幫手洗下碗，佢吾小心打爛碗，我屋企人都即時幫手清潔，話冇事叫佢吾洗驚吾緊要啦，但佢又話佢好似做狗咁，又要車又要洗碗，服侍我屋企人。
3.有一次月經未黎，男朋友竟然話叫我問醫生意見，我話問咩意見？佢叫我落左個BB係最好方法，話吾係自願要，我話要同雙方屋企人商量，佢就話生仔係两個人嘅事，吾同佢地講，自己生自己搬出黎住，但重點男朋友冇能力搬出黎住連自己起居日常都未照顧得到。
另外我覺得要尊重雙方父母，點到要講出黎，同埋由細到大父母同親人都對我好好，佢地都吾捨得嫁女，佢就話我承受唔到其他人嘅目光。
4.佢父母家姐呀哥其實都好錫佢，但佢長期吾中意同佢地交流，有咩開心吾開心事都吾會話比佢地聽，永遠講一句佢父母吾當佢係仔，强加自己諗法比他人，但佢父母從來冇咁做過。
唉 大家可否比一比意見我，係我父母問題，定係我問題，定係佢父母問題，還是佢的問題，我應該點做先好！謝謝。
＃我的極品四大長老
