水果幣... 我見到呢個名幾過癮，就上網搵下係咩黎啦，你估下水果幣同咩行業有關？農業？錯了，我俾個機會你再估多次，不，我就算俾你估多一百次，都估唔到係同洗車有關。
至於點解同洗車有關、又或是點解洗洗下車，又會挖到礦？我地睇下發行方法：
水果币总量为1亿枚，本次发行3500万枚，其中：
2000万枚用于水果币团队全自动洗车机销售，免费赠予；
1500万枚用于水果币团队贡献激励，通过活动免费赠予或者附条件赠予等；
6500万枚冻结，用于后期水果洗车机新业务的ICO等。
即係其實唔駛掘架，你加入佢個賣洗車機團隊，賣左幾多，年尾有賺就按幣出分紅。
咦？！咁同股票有咩分別？有架！你持有股票會變成公司股東，但你持有水果幣就唔係股東囉。
咁... 個虛擬幣有咩blockchain 元素？首先，呢隻幣完全一咪靠吹，絕對係虛擬的。情況就好似老婆餅冇老婆、愛國人士都唔愛國，改個名嘅嘢，大家唔好咁認真就好。
另外，blockchain的元素其實都係有嘅，連鎖（chain)層壓式的分紅基制，呢方面係貨真價實的，但前提係要有錢賺先囉唔該。而比起 chain更重要嘅元素，係block，當你投資完後，財到光棍手，佢就會block你所有的聯絡方式。
正所謂「Blockchain Blockchain，block 到你臉青」，當你發現自己中左招之後，呢個🤢就係傳說中嘅blockchain icon 啦！
大佬呀，合約都唔簽一張就匯廿幾萬俾人，唔呃你都覺得對唔住自己啦下話？例牌呢啲騙局都係賺頭蝕尾，一開始你當然連本帶利有賺 ，但最尾你一定係血本無歸。
對了，講起虛擬幣，唔知那位叫人借錢買佢啲合約嘅KOL星星之火燎左原未呢？今日差唔多升到上4000美金，係時候又聽到有人話：牛市近了，你們當悔改！
#其實單新聞主要係講中港車牌騙局
#擁抱大灣區
#大把醒目嘅香港人睇到機遇
#大把老一輩當年都係投機取巧先有今日
#但時代唔同啦
#預期騙案陸續有來
#因為香港太多賭徒
#將軍難免陣中亡
#何況你根本只是個走了一次運的二打六
