【《#真人快打》】打到飛起，打嘅時候好好睇，日本仔就是型
再一部爽片清晰知道自己位置，無喺動作場揸流灘無昆人入場睇貨不對辦嘅內容
配樂超勁，跟拳腳功夫而産生的音效異常地夾
緊張到抖唔到氣、好嘈好震撼，我鍾意！
但唔打嘅時候非常唔好睇🤣
劇情唔得，carry唔起個聽落幾勁嘅世界觀
講咁多咩唔同世界要打十次啲口水但好似全部都唔關事，只好當係鋪墊下集下下集下下下集
.
淺野忠信👍 真田廣之👍 日本人以外全部柒！
主角最柒！無所作為… 祖先吐晒血都唔幫拖
鐵布衫膠到爆，同膚色一樣係咩設計
出招無花款，搞咁耐得兩把非致命武器揸手
上天真係待薄佢… 唔怪得大家笑佢似路人甲
大部份配角係四五線演員咁款，無樣無觀眾緣
條女個樣，似七八十年代撈唔起要去外國揾食嗰啲
有啲時代感 有啲味道得唔得，造型師係咪玩佢？
成班都好努力好認真想演得投入
但表情越肉緊，我越想大笑
.
血腥程度收貨有凸，比想像中暴力同量多
係未到cult片咁爆，但都勁過一般荷里活條界
（呢個世界實在太多 少少血扮三級 嘅戲）
空佬劏豬血滴子我勁buy，劉康火龍有啲搞笑
場面如果大啲會正啲 氣勢會再勁啲
而家好多場打鬥都屈喺一個固定場景
要多變 有出有入 先豐富
唔係fans無打過機又無睇過前作嚟講…
講劇情嗰啲位訓下休息下ok
到打交就肉緊，整體都睇得爽同開心
鋪咗想拍第二集，我撑！
