[無綫][2019節目巡禮] 綜藝嚟講上年已經走咗好多數，今年唔知會唔會又走，以下呢啲聽住先啦。
《#阿姐有乜未見過》- 汪阿姐，森美大哥。嚟，搵啲古靈精怪嘢畀阿姐過目。
《#晚間看世球》- Do女皇再聯同農夫兩聲死嘢主持。捱眼瞓夜晚出去玩，Do姐可能拍拍吓話要返酒店休息先。
《#貧富旅行團》- 我心目中頂級旅遊主持黃翠如出山喇~~ 去富貴地方，又去貧窮地方。
《#如果這樣生活》- 千雪BB做非戲劇節目，去世界各地睇吓各種生活。之前傳聞會有王浩信，如果有就係《#EU超時任務》組合。
《#一個因去跳舞》- 智雯去韓國跳舞真人騷，想睇。會唔會有埋其他身懷舞技嘅演員一齊去呢？
《#奇幻旅程2》- 余德丞，蔡思貝。上次去緬典個地方悶啲，但兩個夾得幾好。希望今次可以去啲好玩啲多啲嘢睇嘅地方。
《#律政BB班》- 同樣係讀law嘅麥明詩仲有星夢戴祖儀主持，講法律常識。聽落有啲悶，睇吓節目形式救唔救到。
《#母校好聲音》- 由出過碟做過歌手嘅祥大師兄主持，搵歌手一齊返母校懷緬一番。
《#荷蘭好玩》- 馮盈盈主持，之前傳有埋麥明詩。如果可以去紅燈區瘋狂挑戰電視底線，都想睇吓嘅。
《#BB要健康》- 媽媽級吳若希，爸爸級楊潮凱。啱父母睇。
《#電競王 》- 謝東閔大人打機。唔知咩玩法。
仲有一個節目得個名冇片睇冇介紹，就係《#暖男廚神》。唔通真係有得睇男藝員煮嘢食？
#無綫 #TVB
