［今日寫呢啲］繼續跟進聯儲局議息，你見如果傳統紙媒，今日（星期五）先分析，如果係專欄分分鐘再遲一日，蚊都瞓。本人就已經一議完息整一篇，而家嚟多篇。但今篇講聯儲局就少字（千幾字咁咯），多圖。當然仲有其他港股嘢
＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
作為聯儲局主席鮑威爾生涯暫時最重要嘅一次議息會議，講多少少都重要。
見到有個評論話，Fed Satisfies Hawks Without Lifting a Finger。我覺得非常之咁好，鮑威爾完全就係四兩撥千斤，好似講咗嘢，其實冇講嘢。因為完全乜都唔理，你又覺得佢唔理通脹。太大反應，又會話太快打倒昨日之我，明明話通脹暫時。
結果？係呀，推早咗加息路線圖。但講緊2023年，分分鐘下半年。到時畀個警務署長你做都得。就算之後要改變主意都仲大把時間。
留意嘅係，全世界都講通脹，但聯儲局嘅mandate唔止一樣嘢。你不如睇下近嚟嘅retail sales，失業率，或者新鮮剛出嘅initial jobless claim 數據？有乜啟示？就文入面講。仲有一大堆圖。
但幾肯定係，經濟冇乜過熱跡象。咁呢排加人工搶人嘅情況係咪會持續？大把時間睇定啲。
另外，昨晚呢度都有寫，債息一下由1.50%彈到1.60%，但星期四晚已經差不多打回原型。所以？你咪見科技股極強，FANGMAN差不多全升。Nvidia日日新高。仲要之前畀啲友串我唔識科技添，話做乜要睇我寫。我識買咪得。
之後嘅，幾隻港股業績。重要嘅係，我幫你入晒啲data（都搞好耐），你鍾意download慢慢玩都得，只係呢部份幫你慳晒時間都抵訂啦！訂咗Patreon可以download埋個Excel！
領展823 業績，就真係冇乜好講。唔使簡單複雜化，我同你睇晒最近4次半年，收入相當平穩，甚至係有得升。減租？減乜租？小小就有，但照計嚟緊啲收入冇得點跌。
但如果你睇個「分派前溢利」呢（類似純利），就上落好大。原因？之前都寫過，出過盈警添。因為啲物業公平值變動。但non cash嘢，咁幫你睇返點調整
所以講到尾，收入同開支都冇乜變，派息咪冇乜變。講完。之後嘅派息點都唔會差過之前。一年0.29穩陣。抵唔抵買？有乜風險？就Patreon先講了
維他奶345嘛，咪我嘩眾取寵嘅比較，但真係咁。一年75億收入，冇一間歐洲球會有咁嘅水平。至於講利潤？球會你講利潤？咪玩啦。
不過講返，維他奶雖然一年賺5億幾，但個業績都係令人幾失望。最奇怪係，最近半年（20年10月至21年3月）反而係仲差過再之前半年。而如果唔係拎咗補貼，最近半年要輸錢添。搞乜？仲大鑊過啲快餐店。文入面詳細講。
當然一個關鍵係大陸，2014年時維他奶話估大陸收入會高過香港，而家已經係幾倍，60-70%收入都嚟自大陸了。
息呢，都仲係派到嘅。現金情況亦都極強勁，8.4億net cash 的。但亦唔係派得多，一度係高息股，而家得啖笑。但當然係因為股價升咗N倍，10年前5蚊升上嚟的，一度上過50蚊，諗下預支咗幾多樂觀期望？然後最近5年，股價只係原地踏步。
安踏2020嘛，又出盈喜，利潤升成倍，真誇張。差不多一年賺90億港紙。但，你睇4500億市值…….我就買唔落手啦，不過我買嗰時係十幾蚊，而家舊幾水。
至於金源677盈喜，更加冇乜特別。冇話盈喜一定係好事喎，可以睇埋入面點講。但，10億市值，幾皮嘢成交，都唔使分析咁多嘅。純粹我同管理層叫做識咁解，但當然唔會特登幫佢推（佢亦冇叫過我）
＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
