關於 excel r square ，我們在網路上蒐集到這些相關的討論、資訊與評價

［王維基1137 8月數字］全面回落，不過仲係在條指數曲線上

1. 上星期六講王維基香港電視HKTVMall 1137篇文（https://fbook.cc/3F3G）
，其實十分趕客，純數學討論，仲要只得佢嘅圖冇我嘅圖。尤幸都有啲慣性收視。讀者真好

2. 上篇講嘅，其實係公司出中期業績project咗啲數，去到2021年底（18個月不過份）。但佢係用條直線，拿，120億市值嘅公司，分分鐘入港版納指，都係就咁Excel拉條直線架咋。本人話不如進取啲用指數曲線啦。你見到出埋8月個數後，我整多次，就係呢個圖。只係睇每日平均訂單

3. 指數曲線一來勁啲，啲數大啲，可以炒貴啲。二來好似型啲。三來數字上都fit啲，你肉眼都睇到，當然計數都計到，數學上講就係個R-square高好多（直線81%，指數曲線94%）。四來，因為病毒都係指數曲線（但近期好似受控）。

4. 好啦，睇返1137出嘅8月各種數字，粗體嗰行。你按年比就梗係勁啦，但冇意思，舊年低基數，仲要未有肺炎。點都係按月比，或同之前幾個月比。我都不一一細解，但你見到，爆炸性數字勁靚嘅7月後，8月就全部回落。

5. 原因？唔知。疫症少咗？好似係？定係大家入夠貨（貨品，唔係股票）？定係呢排聽講好多人鬧，流失咗啲客？任你地演繹。但當然一個月嘅數字不代表好大件事，況且，7月數係勁靚，咁至少8月數都仲係好過6月，或者絶大多數其他月份。創新高後回少少啫。

6. 可以睇返右邊嘅圖，連埋8月數字嘅projection，暫時都仲在指數曲線軌蹟上，仲係指數曲線fit得好啲。就睇下去到今年年尾，每日平均訂單，係3萬頭（直線），定係3萬尾（指數曲線）。或者睇遠啲，睇到下年年尾，係4萬張（直線），定係7萬張（指數曲線）。

7. 到底個市場，飽和未？好快就知。不過值得留意係，計每月活躍使用者。八月大約係150萬（app同網都各自係），七月呢，140萬左右。仲係增長中。不過有幫襯嘅獨立客戶，就由41.5萬跌到39萬了。

8. 股價？點知。但見即使星期四晚美股啲科技股跌到散，1137星期五都好有腰力，仲要有得升。所以就係放風箏策略，有得佢飛。「千奇唔好手痕走去沽呀」「沽都唔好沽晒」「否則就牧羊少年」。

———————————————————
Ivan Patreon 狼耳街華人，一星期至少三篇港美市場評點，一個月一舊水唔使，唔夠一個月已突破 500人！仲有兩篇免費試睇：https://bit.ly/31QmYj7

———————————————————
［收費短片第八擊］美國總統大選買股部署

課程資訊:https://homebloggerhk.com/course_detail/?code=CC008

到上link會見到紅色按扭直接購買及觀看
題目:「美國總統大選買股部署」 /cc008

內容:
*美國總統大選買股部署
*美股8月終極一升，然後…
*制裁美國上市中資股，有乜後果？
*蘋果2萬億市值，之後點？。下間2萬億市值係？
*未買記得買返CCO06（下半年選股）同CC007（買金）

本星期內特惠售價: $80
課程編號：CC008
觀看期限：首次播放後一星期及限每影片４次
客服whatsapp: 63832145

［萬物皆數］王維基檔嘢嘅每日訂單，真係應該用直線project？

TLDR：好似用指數曲線fit 啲喎。但呢度唔係學院，仲有好多嘢考慮。出街嘅目標當然保守啲好。

1. 實情我啲數學都生锈不少。冇計，離開學校20年，只計離開教書都16年。有錯可以指正，但阿叔當年都係識嘢的

2. 是咁，上次篇文（https://fbook.cc/3Ejd）講開絶大多數上市公司主席報告書都不值一讀，但王維基檔香港電視HKTVMall 1137係例外（https://bityl.co/3G6w）。上次舉咗些少例子。

3. 今日舉多個例，如圖（英文版清楚啲）。都唔係咁多上市公司會整張圖。先講兩條折線，橙色係個Daily GMV（Gross Merchandise value）（https://bityl.co/3G73），藍色係個每日平均訂單，實數，由2017年1月開始。

4. 另外兩條直線（即係斜線），係公司自己嘅projection，紅色實線係跟2019年底數字做嘅projection，鴨屎綠色虛線係跟最新（2020年7月）數字做嘅。咁當然唔同，當然係鴨屎綠線斜好多勁好多。

5. 留意佢個圖又有每日訂單又有每日GMV，但佢話個projection係做GMV。不過樓下寫又係寫返每日訂單—我都會跟佢講每日訂單。原本（2019年底）公司預2021年底（紅色實線最盡）就可以去到每日訂單3萬張，然後做到EBITDA（＊）迫伊汾。

6. 但因為疫情，加速咗個過程（＊＊），加快咗18個月。所以而家係鴨屎綠色虛線。

7. 睇到呢度，覺得點？「原來100億市值嘅公司都係咁fit條直線入去架咋」，完全證明你大學讀啲火箭數學，係無用武之地的。

8. 但，我地不妨大膽啲。唔直線fit，不如曲線fit丫！Log scale！一講我就好興奮。

9. 首先要講，我同事（好東西嚟的，有機會介紹佢出場）有keep呢啲數，我有提議佢地，應該加埋個每月確診數字落去。唔係幸災樂禍，但真係有關嘛，大家都知。當然公司唔方便咁放（唔知內部有冇？），但我地內部就冇所謂。見到訂單數同確診數字，係相當有關係的。例如呢一浸第二定第三波，你見訂單又勁升了。固然小學雞都識講correlation is not causation，但其實故事都好講得通：多人確診咪收緊措施，收緊咪多人做網購。

10. 咁而，不方便嘅真相，好多人都好似唔知，但理科學生應該一定知，傳染病呢啲嘢，係指數式增長，exponential growth的。

11. 因為人類會應對，所以唔會無止境咁exponential growth。但，不如試下，呢個圖唔用直線，而用指數曲線，會係點呢？

12. 圖我可能晏啲貼（你見到篇文時我訓緊覺），但你自己可以玩一次，反正我都只係用Excel．望落去，似乎係指數曲線更加good fit，你睇佢個圖條折線都升穿晒鴨屎綠虛線啦，除非預之後跌落嚟—但似乎公司冇咁預期。

13. 當然，目測good fit 唔夠，Excel 仲會幫你計R-square．拿，以前我堆乜乜球會人工性價比嘅文講過（https://bityl.co/3G7X），收視毒藥。唔緊要，你咪當R-square，係量度條線fit唔fit．結果？我用直線，R-square 81%，fit八成。用指數曲線呢？94%！嘩哈，雖然我有啲懷疑兩個R-square唔應該直接比。你亦可以計晒咁多個data point，同條線嘅距離，知邊個fit得好（其實R-square就係咁概念）

14. 學術完，如果真係指數曲線，咁有乜唔同？唔同就大咯！

15. 如果用指數曲線，去到今年年底，應該日均訂單去到4萬單，根本唔難，而家都3萬6。但如果用直線呢（即係公司個圖），話去到今年年底先3萬5左右—喂，呢刻都唔止啦！

16. 另外，公司原本係講2021年底嘛，又睇下project 18個月會點。如果用指數曲線，去到2021年底，應該日均7萬張單，而家一個開。如果用直線（即係公司個圖），只係去到4萬張單．但明明而家先3萬6

17. 所以，你睇下今年年尾，日均係3萬5張單定4萬張。或者睇下2021年尾，日均係4萬張定7萬張，咪知應該直線定指數曲線。

18. 當然，確診唔係完全指數增長，你會有措施，甚至疫情可能散去。就算個確診指數咁上，需求指數咁上，亦不代表公司一定有能力食得晒（使唔使集資呢又？）。但就以上啲數字睇，加埋你目測，加埋個R-square，似乎都係應該進取啲，用個指數曲線

19. 但，公司唔咁做，當然有佢原因。我倒唔信做嗰個唔知可以用指數曲線。但，對外當然係保守啲。可能內部個捽數目標，就係指數曲線呢？

（＊）Earnings before interest, tax, depreciation and amortization．即係扣走I，T，D，A呢四大天王前嘅東西。EBITDA迫伊汾當然不等於賺錢，但，好過冇。

（＊＊）上次篇文有講，正係公司講嘅嘢：疫情冇改變消費者習慣，只係加速。即使疫情過去亦唔會返轉頭。有呼應返的。

———————————————————
Ivan Patreon 狼耳街華人，一個星期至少三篇金融評論，一篇幾個故事，一個月一舊水唔使，兩星期已超過400人訂，仲有兩篇免費試睇：https://bit.ly/31QmYj7

——————————————————————————
［收費短片第八擊］美國總統大選買股部署

課程資訊:https://homebloggerhk.com/course_detail/?code=CC008

到上link會見到紅色按扭直接購買及觀看
題目:「美國總統大選買股部署」 /cc008

內容:
*美國總統大選買股部署
*美股8月終極一升，然後…
*制裁美國上市中資股，有乜後果？
*蘋果2萬億市值，之後點？。下間2萬億市值係？
*未買記得買返CCO06（下半年選股）同CC007（買金）

本星期內特惠售價: $80
課程編號：CC008
觀看期限：首次播放後一星期及限每影片４次
客服whatsapp: 63832145