Search
呢次，我真係自投羅網喇🤣
等埋位影呢張嗰陣，我同羅莽師父吹水：
我：「師父，好耐冇見你喇。」
羅：「係呀，我都有一排冇拍嘢，拍你之前咪就係同阿朝偉拍《一代宗師》囉。」
原來佢先後兩同拍檔係同一個level🤡
以上内容，純屬我個人FF，不過我半夜會坐喺廁所打機呢樣嘢呢，又的確係真嘅(做爸爸嘅一定明，基本上唔匿埋喺廁所，我哋係冇機會打機嘅)；打打下，由羅莽師父飾演嘅股怪菌就喺我後面出現......
唔想自投羅網，用Andrex HK嘅濕廁紙啦！乾抹再濕抹，帶走99.9%細菌，pat pat乾淨晒，仲一沖即走唔塞廁所，快D試用呀～
百佳網店傳送門: https://bit.ly/2Vr1xlv
#Andrex濕廁紙 #股怪菌自投羅網 #乾抹再濕抹 #帶走patpat細菌 #唔塞廁所 #唔洗再阻住兄弟屠龍
.
自從近排唔知係邊度睇到🤓
原來同另一半講：我今晚買咗生蠔🦪俾你食，係代表曳曳嘅暗號。
我就成日喺度諗，究竟呢啲嘢係約定俗成，定係要事先夾一夾，如果我真係想食生蠔，而對方又會錯意，咁咪柒到上太空。
結果有一日，真係突然間同我講：我今晚買咗生蠔俾你食。👩🏻心諗：下，我都冇同你夾過，暗號係大家都知道叫暗號，你都冇話過俾我知個暗號係暗號，我死都唔會應承㗎～～
結果FF咗成日，到夜晚七點幾，叮噹！伽藍
#送蠔嚟～今日係【伽藍五周年】，呢個係你先生order咗最新鮮嘅蠔餐。btw，你哋選擇咗#開蠔易，只要輕輕𠝹開帶子位就食得，慢慢enjoy 啦！ @aquabluehongkong
下...真係有蠔！唔係暗號🤔
結果係嗰晚真係冇發生到咩事～sor ，係個污糟腦諗多咗😦
不過，聽到我今晚買咗生蠔俾你食 都係有怪怪的¬
#做人切忌諗太多
#被譽為喺澳洲返嚟之後食過最好味嘅蠔
#伽藍 #生蠔 #oyster #刺身 #高級食材#伽藍五週年 #伽藍五週年蠔餐
#伽藍開蠔易✌🏻#開蠔易我得你都得 #WhatsApp落單都得 #68092266
[FF][福爾摩桂思 樓蘭王子不醒之謎]
話說喺舊金山留學嘅桂思嫁去平安谷之前，曾經有一段時間遊歷世界。其中一個經歷影響得佢好深，就係佢喺西域神秘國度樓蘭王國遇到嘅怪事。
當桂思佢去到樓蘭王國時，舉國哀傷，因為樓蘭國王剛剛駕崩，本來要接管王國嘅聖君王子爾塔洛突然之間一睡不醒，已經幾日幾夜，聖女王妃伏蘭佢聽祭司講，話搵到傳說中可以起死回生嘅永生花，先可以救返王子。喺聖女王妃出國搵永生花嘅時候，桂思就嚟到樓蘭。（詳情請睇
https://www.facebook.com/…/a.12996377334…/2538354272895269/…）
原來樓蘭王國係唔畀外人入嚟嘅聖地，違者斬殺。桂思佢好快就畀士兵捉住，送去監牢。喺呢個時候，有高級官員誤以為桂思佢就係伏蘭，因為佢哋兩個個樣都勁似陳凱琳，根本冇人分得清楚。官員問桂思搵唔搵到永生花救王子，深受西洋教育、聰明絕頂嘅桂思，就將計就計，話搵唔到永生花，但就學咗西洋醫學，可以試吓救王子。喺封閉嘅樓蘭國裡面，西洋醫學同埋宗教對於國民嚟講都係神秘領域，桂思佢生得同伏蘭一樣，好容易就欺騙晒所有人。
去到皇宮，祭司見到桂思就發覺佢根本唔係聖女王妃。但係當時王子昏迷不醒，祭司佢都束手無策，聽見桂思識得西洋醫學，就決定暫時唔揭穿桂思真面目，睇吓佢係咪有料到可以救返醒王子。祭司佢就帶桂思去到王子嘅寢室，留返佢哋兩個喺度。
其實桂思又唔係讀醫，西洋醫學嘅嘢佢邊度識咁多呀？桂思行埋去昏迷不醒嘅王子身邊時，發現王子原來好細聲咁喺度口噏噏，再聽清楚啲，原來係唸緊經。 桂思喺呢個時候，見到王子鮮藍色反光眼影，呀﹗鍾意接觸唔同文化背景作品嘅桂思，諗起佢睇過一套電影當中嘅「牛眼淚眼影」，桂思決定抹走王子雙眼上面嘅牛眼淚。
「聖君殿下，啲牛眼淚已經抹走咗喇。」爾塔洛佢一聽到，立即擘大眼起返身。
「伏蘭，多謝你呀。你又再次救返本君嘅性命。啲牛眼淚唔係傳說，我真係見到啲鬼包圍住我，我要不停諗經先可以整走佢哋咋。」
桂思唯有頂硬上。「聖君，點解你唔搵祭司求救呢？」
「你都知佢冇料到啦。我一停口唔唸經啲鬼就搞我，我又驚擘大眼見到佢哋，我一郁啲鬼又拉住我啲手腳。好在伏蘭你機智，先救返本君。佢哋個個都以為我一睡不起呀，正蠢材。」
桂思控制住自己唔好反白眼，因為眼前聖君係佢唯一可以安全離開樓蘭國嘅鎖匙。佢救咗聖君，乘勢坦言自己身份，希望功過相抵，聖君可以免去自己誤闖樓蘭之罪再放佢走。
不過桂思又點會知道，祭司佢一直都妒忌伏蘭得到聖君嘅愛，喺聖君面前經常誣蔑伏蘭想離開樓蘭同聖君。聖君喺祭司日日講之下，認為誤闖樓蘭同埋桂思嘅身份，都係伏蘭為咗離開樓蘭而編纂出嚟（你睇佢掛住唸經而唔求救又唔敢擘大眼就知佢智商有幾高）。自此樓蘭聖君就軟禁桂思，桂思佢諗唔到解決方法，只好用伏蘭嘅身份喺樓蘭生活落去。
過咗一排，真正嘅伏蘭搵到永生花趕返樓蘭，可惜祭司一早收到消息，喺境外攔截伏蘭。祭司得唔到聖君，要伏蘭攬炒，就作咗個故事，話佢落咗個魔咒，聖君已經愛上咗佢。伏蘭佢唔信，一直守喺境外同祭司嘅人馬對峙，直到佢糧水盡斷，暈低咗。祭司因為佢係聖女身份，怕殺咗佢會遭天讉，所以命令下人將佢放喺船上，順住水流推出離開樓蘭，由得佢自生自滅。有良心嘅下人將少量乾糧同水偷偷放喺船上面。
伏蘭佢喺船上飄呀飄，飄咗一陣佢就醒返，但喺水中不知方向。伏蘭佢一直靠意志，不停諗住點樣先可以打敗祭司，返去聖君身邊。船一直飄，終於靠岸，原來佢已經飄到去中土。伏蘭一上岸就見到生得好似黃浩然咁嘅陸水豐，即係桂思嘅未婚夫。因為伏蘭同桂思都好似陳凱琳，就連水豐少爺都認錯咗人。伏蘭人生路不熟，又見到中土嘅先進設備，認為可以學之一二，再返去同祭司打過，就一直跟住水豐，去到平安谷生活。
所以點解桂思佢一直想走出平安谷？因為跟住水豐返平安谷嘅根本係一心想學中土先進科技返去樓蘭王國嘅伏蘭。而平安谷滅村之事，其實係伏蘭一手安排，再嫁禍二奶奶鳴鳳。
#第18集包青天再起風雲何廣沛出咗一分鐘都冇
#仲等我專登我上mytvsuper睇返
#得咁少戲份唯有自行創作
#連埋上集可以拍足五集
#嗱我冇話祭司係胡諾言
#唔知點解諗到平安谷
#牛眼淚你唔知係咩睇返周星馳
#腦補完都唔係加咗何廣沛好多戲份
#無綫 #TVB #包青天再起風雲 #平安谷之詭谷傳說
#何廣沛 #陳凱琳
#光明正大支持何廣沛
