關於 hea佬日記 ，我們在網路上蒐集到這些相關的討論、資訊與評價

#父親節終極一擊慶祝活動 #櫻花主題Staycation #帝皇級一泊朝食花見之旅 #文末有送禮

我哋琴日介紹過北角匯嘅櫻花祭🌸，而除咗去影靚相外，我哋仲參加咗 北角滙 x 香港維港凱悅尚萃酒店 聯乘推出嘅【櫻花祭主題酒店客房套票】活動😍只要喺北角匯以電子貨幣消費滿 HK$2,500，憑指定消費發票🧾就可用HK$620 或 HK$1,020 換購套票🏨，可以預約入住北角匯一期上蓋嘅香港維港凱悅尚萃酒店標準客房或尊貴海景客房，仲有櫻花祭主題套票獨家升級版迎賓禮遇。

而我哋今次就揀咗住【櫻花主題祭】尊貴海景客房，真係好靚！絕對係值得比貴啲住😍房對住維港海景，聽聞客房嘅和式櫻花藝術裝置仲專登搵國際知名花藝設計大師區錦華特別匠心設計🌸，房內仲有櫻花味香薰，配合櫻花食品，飲品，沐浴用品，真係好爽好正🥰

嶠爸表示咁好嘅天氣，一望出去就有海景，房內夠哂光😝最正係可以一路浸浴，一路睇電視，連嶠媽都想躲係廁所到唔出嚟🙈不得不提嘅係，必去位於東座23樓嘅室外泳池，靚到呢😍係望住維多利亞港海景嘅泳池呀🥰我哋喺5點半去到泳池，但因為夏天日照時間長，所以5點半都仲好好陽光☀️，落水嗰陣啲水仲係暖暖嘅😌

不過要提嘅係池水都比較深，家長要照顧好小朋友喔🙂而芊嶠有學游水，所以戴住手䄂自己游都冇問題，而劻霖就一路學，爸爸帶住佢游，佢都玩得好開心🥳而我除咗幫佢哋影相，自己都梗係要落水游下啦，真係好耐冇游水啦🥰而大家嘅房卡，係可以喺更衣室入面借用Locker㗎😚更方便大家擺放衫褲🙂

游完水，運動量好夠啦！我哋就返房沖身，之後就梗係去食晚餐啦！但由於「櫻花祭主題酒店客房套票」係唔包自助晚餐，所以我哋就自費 upgrade，訂埋自助晚餐嚟食，要食好啲😚係 OpenRice 訂有7折優惠㗎😘個自助餐都幾特別，熱食區喺一邊，一邊有冷盤，壽司刺身，甜品，仲正係有支裝汽水提供，大家自己拎自己開埋。當然唔少得咖啡機，連茶都有好幾款茶選擇👍🏼仲有 Gelato 雪櫃，有個轉轉雪糕櫃，淨係揀味都睇咗一陣，我⋯我⋯我仲食咗3球呀😍

食飽就梗係要去散散步啦！我哋行咗去北角匯2期，去多次櫻花樹，因為晚上啲燈籠會著埋，又係另一番景象，爸爸同芊嶠劻霖就梗係要留倩影啦📸跟住再行埋位置地庫嘅一田超市！之後就返咗酒店房，因為維多利亞港夜景🌃都一定唔可以錯過！

你知嘛！住海景房最期待嘅係，當你起身，打開窗簾嗰一刻，見到個海景 + 好天氣☀️，你會即刻想彈起身，坐係張床到繼續嘆下⋯個美麗景色😚之後就梗係落去食早餐啦！今次呢個Package只係包2位嘅早餐，如果好似我地咁要照顧埋小朋友就要加少少錢啦！早餐都係有分熱食區，有中式點心，包點，粉麵；西式有茄汁豆，腸仔，薯餅，意粉🍝。早上來一杯咖啡是必須的，小朋友可以飲牛奶🥛，仲有鮮榨橙汁😌一份豐富嘅早餐係美好一天嘅開始，食飽就返房hea下，11點幾就 check out 啦！

今年父親節，除咗疫情仲有其他事情，為咗氹辛勞嘅爸爸，決定食好住好，好好享受🥰而嶠媽今個父親節會聯同 #北角匯 送禮🎁

⭐Giveaway「北角匯送出HK$100美妝服飾贈券 (乙張) 及mini g Salon HK$50美髮美甲贈券 (兩張)」⭐ (名額10位)。得獎者需要到北角匯領獎。

++++++++++++++++++++++++

1⃣「讚好」芊嶠與細佬·雞蛋仔 及 Harbour North 北角匯 專頁
2⃣「讚好」及「分享」此post (請在 Share 時將Post 設定為公開，以便嶠媽檢查核對)
3⃣ 在【芊嶠與細佬·雞蛋仔】專頁 留言位置回答「我想要去北角匯櫻花樹打卡🌸！」，並Tag 3個未讚好芊嶠與細佬·雞蛋仔專頁嘅朋友。
4️⃣ Like 專頁內最新5個 Post！

截止日期：2020年6月15日
**得獎者會於6月17日公佈結果，得獎者需 inbox 芊嶠與細佬·雞蛋仔領獎。
**得獎者需親身到6月20日至6月30日期間到北角匯領獎，參加活動即代表同意及接受這安排。
**如有任何爭議，芊嶠與細佬·雞蛋仔將保留最終決定權。

#harbournorth #北角匯 #香港櫻花 #櫻花祭 #櫻花祭主題酒店客房套票 #香港維港凱悅尚萃酒店 #尊貴海景房 #維多利亞海景之日與夜 #維多利亞海景泳池 #HyattCentricHongKong #HYCHKstaycation #HYCHKhotspots #芊嶠與劻霖成長日記

【搬家完成正式告別舊Blog｜長文慎入，感性幾句🚬】

有眼利讀者發現，我多返舊Blog嘅文，事關我決心要正正式式搬家，唔淨係得個新Blog 2015年後文章，既然有個自己Domain，就攞返曬2008年起舊文同相返嚟。

早前都有講過，Sina無啦啦執Blog，雖然我由2015年尾開始，已經用緊依家你見到新Blog，但一直都有用Sina做Backup，直至舊年9月無啦啦執咗，舊文都拎唔返；兩個舊Blog由2008年寫到2015年，足足有七年半文章，一下子冇曬。所以，當佢開得返Domain俾人Backup時，我即刻「做嘢」。

不過，Sina後台都幾智障，只係俾咗一堆Backup code我，真心一句hea到咁不如唔好俾，一睇都知冇咩可能就咁Plug落Wordpress，所以我要手動搬，但一開始就知道難度。

事關我本身文章有好多內置連結，全部都係連返去Sina，所以我手動搬Blog並唔係就咁Copy and paste，再加上入面有好多舊相死link我又順手執一執，估唔到「搬Blog」咁艱巨，最後，我用咗足足近兩個月時間，接近1,300篇文章，成功搬曬。

好喇，我正式可以同Sina講byebye喇。學《#無痛斷捨離》咁都要講句「多謝」，Sina，冇你，冇今日嘅我。

睇返舊Blog，感覺都幾有趣。唔敢話自己依家寫得極好，睇返12年前嘅文章，的確好稚嫩，好多都言語句法不通，都曾經年少無知，感覺寫出嚟都幾扮嘢，唔怪得當時確有發生過唔少公關災難。睇住由以前毫無standard，想寫乜就乜，到開始喺行文上有返既定嘅格式，又有過唔同層面上嘅更改，甚至自己都唔記得當年原來曾經寫過一啲咁柒咁MK說話，估唔到，可以睇到自己嘅成長過程。

Sinablog最原形，係好多年前Xanga嘅進化版，係因為我由私人Xanga寫寫吓，不如開個公開Blog－－暴露年齡系列，唔知咩係Xanga自己查吓。所以，初期我仲有少少當個日記咁寫，文章都紀錄咗好多當時無聊嘅生活花邊（之所以曾經俾人鬧過太Personal，部份內容同電影唔太關事，雖然我依家都唔明做乜要咁屌，但我理解），一邊搬Blog一邊就好似日記咁，睇返當年往事。由大學一直到出嚟社會做嘢、由曾經做到份好鍾意嘅工作，返工同時Work-life balance，到之後變成廢青得Life想Work都冇得Work，然後繼續係廢青，最後，變成廢中，依然想Work都冇得Work。學《反斗奇兵4》Forky話齋：我係垃圾。

呀原來，呢套戲曾經同一班好朋友睇，今日大家已各散東西、果套戲係同那些年我追不到的女孩睇，今日人哋婚都結埋，仲有更多戲喺已經消失嘅戲院睇，今日已變成第樣嘢－－如果大家記得，我以前係寫埋自己咩戲院睇幾點場，但之後有癡線佬聲稱戲院做，要搵CCTV起我底後，我就冇再寫，而舊Blog都經歷咗我人生最美好階段，例如去美國迪士尼實習，喺如今唔知幾時先開得返嘅AMC院線狂睇戲、去澳洲Working Holiday喺公路邊戲院度過好多個寫意Day-off、去東歐Backpack遊喺一間間特色戲院睇戲... 由呢段時間開始，養成去每個地方都要睇次戲嘅習慣。

好似由2008年開始嘅日記咁，一直睇到2015年，呢啲回憶，珍貴度不下於每一篇Blog。

以前我唔係認真咁寫，所以都有幾多錯字，加上當年寫完唔會Proof-read，甚至果陣根本唔知係錯字。如果唔係太過份變成第二個意思，我見到都保留返，當係個集體回憶。我知道，呢度好多認字特警會情緒極度不安，事但啦，反正都係舊文。

近期經歷咗一啲事，講真想用個Blog去試啲嘢，雖然依家咁嘅情況，試乜都死，但既然冇嘢做R腳指，有備無患，Build返個底先，第時正常返可以試吓。

唔知舊文對大家有冇用，好多讀者成日話想搵某某類型片、某某國家戲搵唔到，我都盡我諗到嘅，開咗一啲tag，簡單如愛情片、驚慄片、恐怖片，仲有我成日大推嘅「恥笑片」－－我相信坊間冇一個Blog或電影網站出現「恥笑片」呢個Tag，你可以由Tag連返唔同種類同地方嘅電影、唔同國家嘅遊記，當然一下子我加唔曬2015年後成個Blog，稍後會陸陸續續加返。

轉眼間，今年六月，就踏入「晞。觀影記事」第12週年。的確因為疫情，老老實實我個Blog係難咗有電影文章更新，一來唔好入咁多戲院，二來呢期就算入都真係伏片居多，對上真係超鍾意嘅，已經係《隱形客》同《瘋狂紳士幫》－－當然我諗到有其他方向Keep到寫，就係我想轉個版面原因。

喺度有樣嘢最感激嘅係，由疫情前幾乎一日一篇文，到如今一星期都未必有一篇文，Click rate依然冇乜跌過，而部份舊戲唔知點解Click rate會突然急升，莫非大家搵緊舊戲睇？估唔到係，呢期捐款同科金，都升咗好多，幾乎好似新年前咁。大家嘅「抗疫鼓勵」句子，我係收到的，可能我唔知你邊位，但你科金時每句鼓勵說話，甚至打到成篇文咁長，我全部都有睇嘅。

成日都話，下套大片已經係六月嘅《神奇女俠1984》，我當然希望《神奇女俠1984》真係如期上得到，我都希望可以同大家一齊再傾新戲，唔再係傾邊套延期、邊個明星中招、邊個明星又做柒事，甚至連舊年六月開始出現嘅政治抽水／正面屌鳩Post，都唔駛再出現。同埋，已經年幾都冇搞個分享會同聚會，希望今年內可以唔駛再擔驚受怕唔知出唔出到街、唔知會唔會食TG、唔知會唔會被扑頭，而係可以搞得返，再同大家分享電影同旅遊故事，事後再飲杯咖啡。今日唔知聽日事，12週年都冇咩想大搞、咁樣情況都唔知可以搞啲咩，或者，呢個算係今年嘅小小希望啦。

Sina server據聞四月頭會Close，喺我Double check所有文章都拎曬去新Blog後，我交叉果一刻，正式同呢個令人又愛又恨嘅朋友道別喇👋🏻

📣文字工作者也得要吃飯，你的支持是我寫下去的原動力。請給點心意，給小弟走更遠的路，寫更多好文章，歡迎透過payme課金以作支持🥳：payme.hsbc/jackyhei 或使用QR code亦可：http://bit.ly/3aKpFX8

‼最後機會‼小弟執筆之原創小說已賣剩最後一批，售完即止，請即訂購：http://bit.ly/2PKXYFA

【IG請follow】www.instagram.com/travelerwithmovie

收皮啦東方昇……
你揀張你自己條女坐咁近我執邊嘅相，係咪想陷害我？
人Post舊相你又Post舊相，有冇新意？

btw入面留言有人問會唔會有電視直播，答案係冇。
聽日城網公開售票，蘇州賓客人數多，長洲過後冇艇搭。

咸濕文，慎入。

呢排真係好忙，原來聽日就已經係情人節，
亦係我人生中第一個，亦好有可能係最後一個個人show嘅公開賣飛日子，
不過，我一啲都唔緊張，皆因我完全唔洗理場show賣唔賣到飛。

腦細一開始已經同我講，話唔洗驚票房，賣唔到都冇問題，叫我做好個show就得。
咁佢話唔洗驚，我就梗係唔會驚。
加上年宵優先訂購已經爆晒，我估公開發售都應該ok呱。

好喇講真喇我，其實我係好緊張，好驚……
你問我驚乜，我都唔知，總之好驚，勁驚……

我啲宣傳片尾，咪話有《東方昇國際歌迷會、影迷會、書迷會、後援會》全力支持嘅？
其實所有呢D會，背後加加埋埋只係得一個成員，就係 林日曦。

如果你腦細係林日曦，我諗你都會同我一樣咁驚，佢真係好恐怖。
恐怖在，佢係一個比我自己更相信我自己嘅人。

其實我本來同大部分人一樣，心入面有少少嘢想做，但總係唔夠癲，唔夠膽真係去實行，
係直到四年前，林日曦信我，叫我去100毛搞毛記，
我嘅癲先開始病發，放低原本都幾舒服嘅工作，應承咗佢，
而且仲開始每年都畀個任務自己癲返鋪。
第一年，嘗試做幕前，做好東方昇呢個角色
第二年，喺分獎典禮同毛記台慶嘅台上面，對住幾千人表演
第三年，去北韓探險，返黎寫咗<北韓包膠>

到半年前，當我原本打算偷懶hea返一年嘅時候，
dee你吖，腦細竟然feel到我無嘢做喎，
佢問我有無興趣搞show，仲要係個人talk show?
講真，我當時個心係好驚，但為咗充大頭，咪諗住求其hea應佢：「er...好吖...諗下囉....」
吖點知佢又真係開始搞喎，
於是近幾個月我同腦細就開始瘋狂OT，為我呢個癲佬籌備呢個show。

最後賣唔賣晒飛，其實我都唔洗孭飛，咁究竟我驚咩呢？？？
或者我係驚，有個人咁信任自己，但到頭來，自己交唔出成績……
就好似有個女仔送上門，但我不舉一樣……男人老狗，好驟忌。

我講咁耐唔係叫大家聽日記住買飛，
因為要買嘅自然會去買，唔買嘅我講乜你都唔會去買。
我只係想同所有已訂飛同聽日將會買我飛嘅人講：
既然你哋咁信我，到時我一定會盡最大努力，癲鋪勁嘅，報答大家。
驚就係驚，我認，但我驚住都會繼續舉。
舉到最高畀大家睇。

咸濕文，完。
（唔洗驚，個Show冇咁咸濕的）
（圖：七年前離別合照）

馬祖台灣養生湯麵館
地址：荃灣大河道100號海之戀商場地下G03號舖
電話：5977 6942
營業時間：星期一至日 12nn-3pm、5pm-11pm

Please like this video if you like it.
Facebook Fan Page : http://www.facebook.com/cheungedisonick/
Instagram : http://www.instagram.com/edisonick
Blog : http://www.edisonick.blogspot.hk

Equipment:
Camera : Canon M50
Software : Filmora