【玻利維亞所謂「落地簽」果15日即係乜？】
一直以嚟，有好多讀者問我，玻利維亞個所謂落地簽張Form係咪可以喺香港填定，去到當地又邊有咁多時間同resource比你resize相、又upload呢樣果樣？
如果你係一個極典型香港人，去南美去得果一兩個禮拜－－我建議你不如唔好去，你係可以嘅，但係如果去好長時間，而唔係第一站就走去呢度，就真係填嚟都無謂。
因為果張Form極智障地有效期淨係得15日，亦即係假如你10月1日填咗，而你打算10月20日先至入境，果張Form就已經過咗期，而你就需要喺15日前搵部電腦Online重新填過，因為張Form只係Valid 15日－－係，冇錯，你搞完一大輪要由頭到尾重新填過。
填過都唔係一個問題，最大問題係喺南美，你唔係咁易搵Printer，就算俾你搵到，都未必有銀行俾你去入（有人話網上銀行唔得）。所以，如果你喺呢15日裡面填完份Form，你都要確保自己係Print得到出嚟（當然如果你喺大城市如Lima、Santiago應該唔難搵Printer）兼俾得到錢，但問題係小弟喺呢15日裡面都喺Easter Island同Atacama呢兩個鳥不生蛋地方，就連Hostel都冇Printer，就真係有少少頭痕，好在喺Santiago機場轉機時，搵到有得俾我免費印。
不過，小弟印得到出嚟都俾唔到錢，所以本住Backpacker冇嘢難得到我、咩都搏一鋪嘅精神，就咁直衝去邊境先俾錢，你話「落地簽」丫嗎，「落地簽」梗係落地搞啦。
咁就真係冇話唔得嘅，正所謂要錢解決到嘅問題就唔係問題，原價30蚊美金，現場就俾人鋸到我120蚊美金，真心你又唔會唔俾，但當我俾200蚊美金，見到成個賊樣嘅邊境人員喺銀包找80蚊俾我，你都知道呢一筆錢，應該都係佢袋嘅。
講真，俾多一舊錢就冇話唔得嘅，之但係就算你捨得俾一大舊錢，唔識西班牙文，喺邊境都係有排解釋。
香港今年四月先至可以「正式」（要講明係「正式」）「落地簽」入，小弟叫做身先士卒試咗呢單嘢，咁我都可以好肯定咁答你，一如好多地方「落地簽」，官方話得，去到邊境冇話唔得，只係一樣俾人留難姐。
想聽多啲點樣搞呢張簽證，同埋去天空之鏡嘅資訊，記得星期日嚟我分享會，將會更詳細講解，到時見：
日期：2018年9月23日（星期日）
時間：15:30-18:00
地點：Loft Stage T3號房（新蒲崗大有街14號萬星工業大廈3樓）
報名：goo.gl/o1tXxi
－
❤自製明信片正式開售，另現凡購買新書（最後不足10本）即免費贈送兩張明信片：goo.gl/Dfmpbc
－
‼台灣書局亦已上架，可去文中連結購買 🇹🇼 | goo.gl/xzCymP
－
【IG請follow】www.instagram.com/travelerwithmovie
