「我夢寐以求，陪你到最後。」好想奉勸一下
睇緊呢個page既朋友，若果他日你身邊出現
一位值得過人懢既伴侶，記得要好好將佢留住，
因為我始終認為，感情係會隨住時間慢慢流逝，
即使你生到成個姜B或者Ca姐咁，都唔好咁
老定，佢會永遠係你身邊。信我，久唔久帶佢
chill下，譬如黎呢間「Chief's · Blend」，
增進下感情，就必需咖啦！👇
-
📌B o w l s -
▪ Chocolate · Bowl - $90
▫ 呢個充滿健康力量既輕食「Acai·Bowl」竟然
有朱古力味，店主用左新鮮香蕉、椰奶、椰絲、
朱古力植物蛋白、可可粉同埋新鮮藍莓將
成個賣相變得色彩繽紛。而食落質感偏向
smoothie咁，入口好幼滑，整體配搭好夾
而且飽肚感十足，感覺清迎。
-
📌Open · Sandwiches -
▪ Avo · Smash - $85
▫ 要輕食當然唔少得牛油果啦，佢地既「Avo·
Smash」將牛油果打成蓉狀，配搭Feta Cheese、
蕃茄乾、南瓜籽。本身呢隻芝士鹽味比較重，
如果單食會比較鹹，但配搭埋sourdough同埋
牛油果反而拎返個平衡，好清新而且
味道岩岩好，口感十足。
-
📌Backyard · Braai -
▪ Boerewors Roll · Chimichurri · Bean Salad - $95
▪ Durban Style · Bunny Chow · Chicken - $98
▫ 除左一系列輕食，仲有即燒既「Braai」提供，
第一道「Boerewors·Roll」其實係南非農夫
香腸，大廚用左阿根廷青醬做配襯，食落口感
好fresh，而且香腸咬落外脆內軟，好好食；
仲有side dish鷹嘴豆沙律，味道濃中帶甜，
好特別；第二道「Bunny·Chow」其實係一種
南非當地好盛行既小食，佢中間夾雜住南非
咖哩，食落麵包鬆軟，咖哩加埋雞肉既配搭，
份外惹味；幾好食。
-
📌Biltong · Bar -
▪ Fresh Cut · Biltong - $36/50grams
▫ 呢個brand其實人氣最高就係風乾牛肉，而且
價錢可以按份量而變化，今次試左三種唔同種類；
第一款原味「Original·Sliced·Biltong」用左芫荽、
醋同埋鹽醃成，味道偏濃味少少，口感煙韌；
第二種「Droerwors」其實係風乾既腸仔，
同樣食落有好重芫荽味，好特別；最後一種
形狀好似樹枝咁「Chilli·Bites」入口辣椒味
好突出，但唔會太辣，反而好濃香，送啤酒一流。
-
📌D e s s e r t -
▪ K o e k s i s t e r s - $100
▫ 南非菜其實亦都有甜品「Koeksister」，形狀
好似一條辮仔咁，好得意。食落口感比較粘，
好似冬甩咁，面頭加左大量糖漿，所以甜度
亦偏重，值得一試。
-
📎 Chief's · Blend
📍灣仔巴路士街17-21號樂景大樓地下4號舖
