🍜FOODIE🍜 小林札幌拉麵Part 2
1️⃣說說我捉埋 @daydaycheckin @stanarion 🧍🏼♀️👬🏼一齊跟我去食北海道風家庭式小店「小林札幌拉麵」
2️⃣$258/ 2人套餐🍽🍽
咁我地一行3人，我叫左一碗火山牛肉拉麵，佢地就再叫左個2人餐，$258，立下眼睇都幾貴，除返開每人$130。
但原來佢主菜兩款之餘，小食係跟3款！好誇張！
3️⃣ 鰻魚飯 🍱 （跟餐主菜1）
先黎介紹個主食，我地點左鰻魚飯！
開頭都系有少少懷疑，會唔會系d好頹嘅鰻魚飯，即係微波爐叮返熱d雪藏鰻魚淋個汁就算數，點知黎到好驚喜😍
4️⃣鰻魚盛盒🍱
用傳統鰻魚飯盒上桌，同我係東京名店駿河屋一樣Style。佢嘅鰻魚係用火燒的，面頭香脆乾身，一打開蓋散發好濃郁嘅香味！面頭再撒左香氣刺鼻嘅山椒粉！用黎解除鰻魚的腥味，真係好鬼正宗做法！
不得不說，Echo & Stan佢地兩個不約而同話個鰻魚汁唔夠濃唔夠重口味，但我想講：NO NO NO~~
係日本鰻魚飯店食鰻魚飯，其實唔會食到香港果隻甜豉油味架，因為唔新鮮嘅鰻魚先會用重口味掩蓋左佢嘅鮮味，正宗嘅鰻魚飯都係用淡鰻魚醬油，咁先可以突出到鰻魚本身嘅鮮味，乖啦，唔好成日食咁重口味。
呢個飯真係要再去食多幾次，真心好好食！
5️⃣豚肉蔬菜咖哩飯🍛 （跟餐主菜2）
咖哩飯呢個我本身一d興趣都無，但因為叫左火山牛拉麵&鰻魚飯，咁主食得返咖喱飯無重疊，於是揀左佢。
6️⃣佢賣相一睇就知唔係用現成咖喱包做，因為舊舊紅蘿蔔&薯仔都勁大粒，完全係日本家庭式小店風格嘅料理，開頭以為係咁多，原來佢個咖喱裡面加左豬軟骨煮呀！好正好香！（素食人士唔啱啦～）
7️⃣手工餃子🥟 （跟餐小食）
店主話佢地每隻餃子都係人手手工包的，所以外面一隻只有250g左右，佢足足有400g份量，老實講我無用磅去磅過，齋睇又唔覺話真係好大隻。
8️⃣食落去，蔬菜真係好新鮮爽脆，果然係新鮮現包，裡面仲夾住好多大粒爽脆豬肉碎，唔怪之得佢咁重秤，因為佢肉嘅份量多過蔬菜，好大滿足感😳😳😳😳真係好好食。
其實我地最後食左兩碟，因為encore左🤣🤣🤣太好食
9️⃣ 北海道南瓜薯餅（跟餐小食）
我問佢係用北海道產嘅南瓜做成自家製薯餅，唔可以唔試。
其實份量都真係好大件，切開4件其實可以4個人Share
🔟食落去好重南瓜嘅甜味，好軟滑，但佢整體都係澱粉質感，無乜咬口野，講唔上好出眾，屬可以接受。
1️⃣1️⃣ -1️⃣3️⃣吉列豬扒 （跟餐小食）
跟餐小食出面食正常好多都係好雞，得細細份好似乞衣咁，全部變迷你版，呢度我都有少少怯！
黎到，嘩，勁大塊，真係勁大塊！
粗略估計係有20cm長，佢仲要係厚切豬扒！！！我第一時間夾左中間最肥美厚肉果part黎食🤤 所以張相中間係少左條片，本身佢切左6條🤣 真係好肥美爽口，好鬼邪惡，但又忍唔住！超好食，諗返起都流口水、最緊要係抵食呀嘛😳
1️⃣4️⃣-1️⃣5️⃣鹽燒鯖魚 （單點）
本身諗住佢份量好細，我地又有5個人，所以額外再加左幾款小食。
呢款係鹽燒鯖魚，老闆話係佢地自己劏魚再燒，唔係雪藏急凍貨翻熱，真係睇到佢有骨，唔係雪藏魚，食落真係好軟滑好香，唔腥，但略嫌乾身左少少，可能因為係燒魚。
1️⃣6️⃣-1️⃣8️⃣ 鹽燒雞翼雞軟骨串燒 （單點）
鹽燒口味，無乜驚喜，好正常，但都好食嘅。
1️⃣9️⃣ 洋蔥薯蓉沙律 （單點）
好神奇點解洋蔥可以唔出水？佢幾好多洋蔥絲加係薯蓉做成一個個雪糕球咁，乾身嘅洋蔥好有咬口，加上沙律醬撈勻左嘅薯蓉軟滑之間有d嚼勁，真係好開胃，Echo妹一個人食左兩球，我只係食左一啖望兩望已經無哂！！！🌝
🥟🥟🥟總結我覺得餃子最正，必食必食！❤️❤️❤️其次係鰻魚飯😍😍😍
📷Camera Food - @nikonhongkong Z50
📸 Cameraman - @mr.travelgenius
⚜️⚜️⚜️⚜️⚜️⚜️⚜️⚜️⚜️⚜️⚜️⚜️⚜️
足本節目 ⏬⠀
Full Version ⏬⠀
Facebook/YouTube 搜尋Search⠀
🔥窮遊達人 Mr. Travel Genius🔥⠀
🎬 YouTube Channel⠀
🅿️ Facebook⠀
📸 Instagram⠀
📝 官方網站
https://www.timbeelo.shop
⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️
#小林 #札幌 #dumplings #鰻 #japanesefood #japanfood #japanramen #foodie #foodstagram #大角嘴美食 #delicious #hkfoodie #yummy #instagood #香港食家 #hkfood #timbeelo #香港美食 #foodblogger #食家 #hkfoodieblogger #新假期 #窮遊達人 #老饕 #utravel #ublog #ublog飲食 #飲食日記 #blog #餃子 #大角嘴
mr.拉麵 素食 在 Re: [問題] 大家心目中台南最強的拉麵? - 看板Tainan 的推薦與評價