Search
喂Openrice又話無打手嘅，嘻😏
#人唔笑狗都_
" (1) 試食後要於 OpenRice 撰寫食評並在兩星期內成功被刊登,之後通知 KOL PR & Marketing Group;
(2) 「整體評分」必須要「笑面」
(3) 5 個項目(包括: 味道,環境,服務,衛生及抵食)的評分,每個最低要求為 3 分;
(4) 每篇食評最少要有 200 字;
(5) 食評中不可註明或暗示該次的餐飲體驗為試食活動;及
(6) 參加者需於預約時間出席;如有事未能出席,參加者需於最少 48 小時前通知 KOL PR & Marketing Group;未能及時通知者將被視為違規。"
留名睇邊個會去。
由Newsgroup，Openrice到今天，加埋寫咗十九幾年，當初在newsgroup 食版出第一個post的時候，可能有些讀者還未出世。
無相到有相，有相到拍片，時代不斷向前，走慢一點也怕被淘汰。以前寫食評，抱著純分享的心態，從沒想過去到現在的地步，叫做在紙媒有個地盤，網路上叫做有點名氣，有些人就覺得一本萬利，做個blogger好好揾，兼不時可以唔使錢食好西的機會。
稿費只能當零用錢，而我又冇商業文（業配文），連個blog裡面一個廣告都冇落，試食又唔會有錢收，相比其他商業味重的blogger，打開個blog唔係online travel agency ，就係其他廣告，我真係冇乜錢途。
今年講明減少出席試食活動，留返啲時間跑下步，同朋友見下面，你知有時出去試食，難免要同一啲自己不喜歡的人同場，這是我不能控制的。
（當然，試食文很多人不喜歡看，這是事實。）
眼見有不少同行，由早試到晚，由新界試到澳門，樂此不疲，自己唔夠班冇份去，就埋怨别人唔帶佢去，唉，食咁多免費餐，終有獲利回吐的一天，你估仲係十八廿二，食極唔肥的日子？
有人覺得我好癲，去兩個星期旅行，仲保持差不多一日一篇文，而且並非試食文，又唔係被PR們追數，咁搏做乜？寫落自己blog，冇錢㗎喎。
我反問：(咁你寫第一篇文果陣，係抱住咩心態？）
而家就話好多剛出道的blogger/vlogger/Instagramer，擺明想紅做個真KOL，狂買fans做靚條數去R著數，以前邊有諗呢啲嘢？
看著奶茶的掛杯，Joy with Passion，只要你沒有忘記初心，你仍然會有那份熱情。
但是，還有多少人會記得？
又或者有人會話我：（你去到而家呢個位，梗係講埋呢啲風涼話啦。）
咁阿叔我今年已經幾十歳，真係唔驚你。
cm好睇cm好睇
【開飯有話兒】
最近有朋友同開飯仔講咗啲對OpenRice嘅意見，對於呢啲提醒、意見或者批評，開飯仔一向都好樂意接受。但見到大家對我哋有啲誤解，係會有唔開心嘅，不過事實上，我哋又好少主動同大家解釋，畀著我係你哋，老老實實都可能充滿疑問。
或者我再重申一次（其實都講過無數次），我哋真係無收錢幫人寫好評、刪劣評同攞高啲排名嘅服務，亦絕對唔容許有人畀錢食家寫食評。但你話坊間有冇人提供呢啲服務，以我哋認知係有嘅，而我哋一向都有打擊。兩年前就因為有公司冒認OpenRice向餐廳推廣收費寫食評服務，我哋亦因此告上法庭，所以我哋好盡力去審批食評，就係希望保持到食評質素。我哋亦一直都有檢討同改善食評審批制度防止漏網之魚，例如如果係餐廳提供嘅免費試食活動，我哋會要求食家提交食評時剔選「是次為試食活動」選項。另外餐廳店主、員工或代理寫嘅食評，或者食評中有粗言穢語都可能會被刪除，目的都係盡量令每篇食評更加客觀。亦因為出現過上述情況，我哋對於一啲異常情況，如短時間內一個人有幾篇關於同一餐廳嘅食評，有時難免會敏感啲。如果有食家對未能刊登食評有意見，我哋會主動留意，食家亦可再聯絡我哋，我哋會再次審閱，而過往都曾經有過唔少成功「上訴」嘅例子。
相反，開飯仔知食家同餐廳好多時以為唔批係因為你寫嘅係「負皮」，其實從上文就可以知道「正皮」都有機會唔批，刊登與否其實同立場無關，不過如果係一啲對餐廳嘅嚴重指控，我哋會更小心，唔係因為我哋有利益考慮，亦唔係唔畀大家鬧，而係呢啲指控唔只對餐廳有影響，更重要係對食家，因為如果無足夠證據或者涉及虛假成分嘅指控，食家有可能要負上法律責任。所以「負皮」同「正皮」我哋一樣都係要審閱清楚嚟保障各方，只要有足夠可靠嘅證據，我哋都會刊登，因為我哋相信「負皮」對餐廳有鞭策作用。
開飯仔同你哋一樣，成日為咗你哋話嘅「打手」問題頭痕，必須承認網絡世界各處都有可能有「打手」，但我哋真係好盡力令每篇食評都可以反映大家真心嘅意見，好嘅讚、壞嘅彈。喺度請求大家幫幫手，我哋努力打擊嘅同時，如果你哋發現懷疑不實個案，例如唔報試食、玩影分身寫食評、受利誘寫虛假食評等等，又或者你係餐廳老闆，有人同你講佢代表OpenRice收你錢登食評，都快啲檢舉畀我哋知。如果調查後屬實，我哋一定會刪除嗰篇食評，絕不手軟(認真，呢幾日內會有新措施公佈)！
最唔開心就係見到有朋友仔話我哋打壓小店，話無落廣告就無好評或者好排名。其實如果你有留意我哋Facebook或者文章，都唔難見到我哋好多時候都係介紹用心經營嘅地區小店，每年舉辦嘅「開飯熱店大賞」都有表揚茶餐廳同小食店等。當見到佢哋被加租迫遷，作為社區一份子，我哋都會嬲都會傷心。而重點係無論係小店定大店，我哋嘅目的都係想將最新最快最好嘅飲食資訊帶畀大家，只要係好食、服務好我哋都會推介，所以如果咁樣都視作打壓小店，開飯仔真係有啲無奈，希望大家會明白啦。
OpenRice向來都係一個鼓勵分享嘅平台，好開心見到越嚟越多人參與寫食評，無論大家係咪用OpenRice寫食評，只要大家寫嘅係真心嘅食評，開飯仔都樂見百花齊放。唔知係咪人老咗，鬼咁死長氣，對唔住，阻咗大家咁多時間睇呢段字，之後介紹返多啲好西補數。最後，再次多謝所有曾經畀過意見我哋嘅朋友，應承大家我哋會繼續進步，希望大家會繼續支持我哋啦，無咩事我出返去食嘢先喇！
檢舉違規食評、利誘寫虛假食評或冒認OpenRice個案：請e-mail去cs@openrice.com
之前嘅OpenRice 嚴正聲明：http://bit.ly/28ZCduM
有關食評審批詳情：http://bit.ly/28Yxvfw
跟住 Openrice 嘅年度優秀得獎食店推介 嚟一轉為食之旅 ‼️突發‼️ ... 【挑戰&送禮 活動 】Donki聖誕禮物挑戰｜ 超伏面膜？招來好運眼罩？ ... <看更多>
openrice 試食活動 在 【 免費試食】... - OpenRice Hong Kong 的推薦與評價
免費試食】 呢間連鎖雪糕店今個月尾推出新品 ，重有免費試食活動呀！喺指定專門店全新場嘅Love The... ... <看更多>