//支持本Page請Click入內文比Clap，已為Medium收費會員請直接Click入內文閱讀，謝謝！//
之前都講過，自從「逆權抗爭」響6月開始之後，包括我自己在內，都難免以唔同方式投入呢場運動之中；有時因為呢啲參與獲得各種界外效益亦無可厚非，但底線卻係要自律：好似開掛之達人偷直播搞眾籌卻又帳目不清、金水偷片偷圖之餘卻亂放流料網上捉鬼、辣椒文集將成條蘋果片Upload上自己Page、Chop人相呃三千幾Like，呢啲都可以被歸類為「抗爭Content Farm」。
但除咗係咁抄人嘅Content Farm之外，透過嘩眾取寵、歪曲事實嘅抗爭呃Like Post亦愈來愈多。抗爭呃Like Post同Fake News有少少唔同，後者至少都係為咗場抗爭聲勢更大或者打擊抹黑對手，「出於善意」製造一啲假新聞；但抗爭呃Like Post同抗爭Content Farm一樣，則完全只係為咗自身利益而誇大老作，用心不良。
譚文豪早前打鑼打鼓響自己FB Page話自己「突襲」成功，響立法會成功通過議案，要求港鐵交出全部閉路電視片段、以及交出車站催淚彈污染濃度資料，然後立刻被各大媒體同抗爭Content Farm瘋傳，仲有黃屍天真到立刻討論究竟港鐵公佈閉路電視片段後「信唔信好」──只可以講，呢班友成日話要爭取民主乜乜物物，但連自己個議會最基本嘅運作架構都唔撚識。
首先呢兩個「議案」，其實都只係無法律約束力動議，無論政府定係港鐵，都係可以當佢唱歌；但真正嘅重點卻係，譚文豪所謂嘅「突襲」成功，其實係響鐵路事宜事務委員會通過動議，而唔係響立法會大會！要知道立法會包攬哂全港所有範疇嘅立法工作，所以係會成立好多事務委員會去協助進行一啲前期準備。
然而呢啲委員會入面，真正具有決定性權力嘅其實就只有財委會，其他事務委員會最多就只係一個咨詢機構，立法會大會唔單止可以完全唔理佢地嘅任何聲明同建議，甚至繞過佢地、直接自行提出相反嘅議案都仲得。換言之譚文豪嘅所謂「要求港鐵提供閉路電視片段」唔單止只係一個無法律約束力嘅聲明，甚至只係立法會入面一個小小事務委員會嘅聲明：無論港鐵日後公唔公開閉路電視片段，亦唔會同呢個聲明有關。
事實上呢種形式嘅「突襲」響立法會各大大小小事務委員會並唔罕見，以陳志全做例子，年終都唔知通過幾多無約束力議案；掉番轉黎講，建制派基於呢啲事務委員會嘅聲明代表性有限，自然亦唔會太上心走去落力箍票啦！譚文豪雖然響內文入面有輕輕帶過議案只係響鐵，但整幅圖入面卻吹到係「突襲」立法會成功，只有兩個可能性：
一係，就係呢條友成日唔去立法會開會，唔知道其實建制垃圾會議員同佢一樣都係成日偷懶唔開會，所以今次通過咗個動議就沾沾自喜以為好撚巴閉；
一係，就係譚文豪心知肚明通過議案意義唔大，但同時亦知香港班黃屍對立法會運作係一知半解，於是就特登出個混水摸魚呃Like Post；
可悲嘅係，其他網絡Content Farm同親泛民媒體當有Like呃亦唔執輸，將呢單新聞大做特做，而佢地同譚文豪亦成為了大贏家──於是呢種呃Like造假、扭曲、誇大事實以自利嘅風氣，又會繼續落去。
另一單極之反智嘅呃Like「新聞」就係有個叫「今日有嘢講」嘅抗爭Content Farm，整咗張「AV網都有黃藍」嘅圖比人瘋轉。起初我仲以為邊個咁勁，真係做哂research查哂究竟邊個網係黃、邊個網係藍，但睇睇下發現好大機會其實只係見倒簡體字嘅網就理所當然覺得佢係大陸人開，所以一定係撐警、港台網就一定係撐抗爭者
最搞笑就係myAVSuper竟然被歸類做藍網，但完全無解釋：喂，人地最初reg左個網，搞到TVB威脅要告佢，係TVB大敵黎架喎，整圖條友唔係見倒個網址名同TVB好似，所以就當埋佢係藍網咁搞笑下話？
當然，大陸咸網都係搵錢啫，你問我如果有大陸網民迫佢地歸邊，佢地應該都唔會傻到為咗撐香港人而同客仔反面──但問題黎勒：而家網絡上面絕大多數嘅AV壓片，都一定附加咗各式各樣嘅網上賭場同聊天室廣告，而相當一部份當然都係同大陸資金有關。咁如果睇咸片要分黃藍，係咪逢親見倒大陸廣告嘅AV都要即刻熄機Delete？
有人話造圖班友其實可能只係玩下，毋須咁認真；但問題卻在於，呢幾個月黎我已實在見得太多「毋須太認真」嘅有心人，點樣以持續膠化呢場運動黎幫自己搵各種著數。所謂呃Like Post，唔應該係存心呃人、誤導人、歪曲事實嘅呃：
你要搞個「AV網分黃藍」可以，但唔該就認認真真去定一個標準、認真去Research下每個咸網嘅政治立場係點──而作為抗爭支持者，當你地對某啲藍扮黃店、又或者放老屈黃店係藍嘅流料咬牙切齒嘅時候，點解又會縱容呢啲抗爭Content Farm走去搞爛黃藍分類當有趣？
又，其實呢啲呃Like新聞泛濫於香港各媒體，果班「傳播系學者」好應該走出黎評論下，奈何永遠響需要佢地專業嘅時候，呢班友總係失蹤。
reg delete 在 How to use registry paths including spaces within a loop? 的推薦與評價
... <看更多>
相關內容