【 #他們的愛情故事 - 兩個孤單靈魂相知相愛！「小丑」夫婦嘅怪咖式愛情❤】
憑電影《Joker》勇奪影帝嘅Joaquin Phoenix除咗有住「老戲骨級」嘅出色演技，仲因為同老婆Rooney Mara嘅一段甜蜜戀情而被外界稱為「女友傻瓜」，影帝經常被拍到以愛慕眼神凝視Rooney，有時仲會痴痴咁企喺遠處望住未婚妻偷笑... 日前夫妻倆誕下第一個兒子，為咗紀念Joaquin逝世嘅哥哥取名「River」，除咗同哥哥同名，仲寓意「River still running」，意思係哥哥從來都無離開過，非常有意思！
.
而因為呢個喜訊，兩人嘅戀情又重新成為佳話！呢對戀人經常被傳媒評為「怪咖情侶」，當然並唔係指佢哋脾氣古怪，而係兩人演出嘅角色性格多較深沉、內斂，加上連戲外生活都非常低調，喺荷里活反而顯得格格不入，猶如一股清流。偏偏呢兩個人遇到對方並墮入愛河，而一對戀人並無因為外界目光而改變相處方式。「如果你喜歡獨來獨往，我就打造一個只屬於我們的世界」，或者呢個，就係屬於Phoenix夫婦呢對靈魂伴侶獨有嘅愛情故事！
.
【1. 影帝原來都係Stalker 拍完戲後不斷上網搵Rooney資料...】
要講兩個人嘅相識經過，就不得不提2012年拍攝嘅《Her / 雲端情人》，因為呢套電影係兩個人首次合作，而Joaquin更加係對Rooney一見鍾情。不過Joaquin形容未婚妻當時非常冷淡（其實只係Rooney比較怕醜慢熱），搞到佢完全唔敢同對方講嘢，於是只好拍完戲後返到屋企上網search對方啲資料，默默Stalk住自己暗戀嘅人，原來影帝都係凡人，愛情面前一樣會做埋呢啲傻豬嘢... 而兩人因為無交換電話，所以好似筆友咁一直只透過e-mail傾計， 雖然就傳統咗啲，但唔知點解又幾襯呢對戀人！好在皇天不負有心人，2016年兩人再有合作機會，繼而約會並互生情素，後來發現原來第一次合作佢哋已經彼此喜歡，只係大家都太怕醜，好彩無錯過對方咋！
.
【2. 頒獎禮公開戀情 Joaquin全程狂望女友傻笑成熱話！】
其後兩人於坎城影展首次拖住手亮相，大方向全世界公開戀情，Joaquin更於當日藉由《失控救援》奪得最佳男主角。不過傳媒焦點並唔係落喺Joaquin獲獎身上，而係一向較少笑容嘅佢，當晚瘋狂望住Rooney傻笑...就連接受訪問都唔望記者，而係側身望住另一半，愛意簡直溢出熒幕，搞到Rooney都唔好意思頻頻遮住塊面，真係當觀眾同其他荷里活巨星無到！不過大家都話呢對不苟言笑、斯文內向嘅情侶，因為對方變得活潑，好似只要拖住另一半，臉上就填滿幸福笑容～連佢哋嘅朋友都話：「他們就像活在一個專屬於他們的泡泡裡頭，非常享受二人世界。」
.
【3. 唔用IG/Facebook 高調慶祝不如後樓梯歎漢堡！】
要提到呢對情侶最出名嘅一張合照，就要講到奧斯卡頒獎典禮後，傳媒正等待Joaquin出來慶祝，結果發現佢同未婚妻喺後樓梯食漢堡，於是被攝影師捕捉到呢幕神奇嘅畫面。只見Rooney換上converse布鞋，兩人席地而坐，手持漢堡包相視而笑。或者對於兩個低調嘅人嚟講，最佳嘅慶祝方式已經不言而喻，唔係飲住香檳開party，而係同最重要嘅人一齊食好西（事後Joaquin仲話呢款漢堡係佢最愛，well～最緊要你開心！）而事實上呢對情侶的確非常低調，兩人都無任何社交賬號，閒時最愛拖手散步，出席有關保護動物嘅義工活動。即使從不公開放閃，大眾卻默認佢哋係最閃一對。
.
相信如果有睇過相關報導都知道，Joaquin嘅童年並唔快樂，父母因為想脫離邪教而帶住佢哋幾兄弟姐妹四處流浪，因為生活潦倒Joaquin有時更要上街賣藝，敬愛嘅哥哥又喺佢19歲時離世（當時新聞仲過分到不斷重播佢打嘅求救電話錄音），所以有指《Joker》部分台詞為佢親手所撰，經歷呢啲事亦令Joaquin變得沉穩、內向不少。偏偏呢個孤獨嘅靈魂遇到獨往低調嘅Rooney，兩人一拍即合，從來唔會要求對方改變，只有默默陪伴。兩個內斂的靈魂相知相愛，其他人眼中嘅古怪，卻是兩人相愛的證明。
.
最後引用在Joaquin奪得奧斯卡時嘅致詞：「這裡的某個地方，我不知道在哪裡，有一隻超棒的龍（Rooney成名作是《龍紋身的女孩》），我想扯掉她的翅膀，把她用毯子綁起來，然後永遠跟她睡在一起，我愛妳，謝謝妳。」最好嘅愛情，往往係兩個靈魂互相了解，衷心祝兩人幸福！
.
#兩個人嘅古怪 #因為係兩個人 #好似又變得有何不可 #愛情故事 #小丑 #Joker #JoaquinPhoenix #Rooneymara #怪咖 #結婚 #sweet #甜蜜 #電影 #金句 #浪漫 #情趣 #搞笑 #香港 #戀愛 #情侶 #愛 #愛情 #愛情語錄 #女朋友 #男朋友 #女生 #男生 #拍拖 #拍拖活動
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！
rooney mara ig 在 Rooney Mara on Instagram: “A special message from Miss ... 的推薦與評價
Mar 10, 2022 - 1058 Likes, 23 Comments - Rooney Mara (@rooneymaradaily) on Instagram: “A special message from Miss Rooney Mara ♥️ ✨ #rooneymara ... ... <看更多>