刁客
回顧過去這一年，這個Page起碼有半打post是用單字粗口和掟電話開場。
因為這個場面在充滿速度與激情的trading floor天天上演，而我今天也終於掟爆今年第一個IT哥哥話值幾千蚊的無線Headset。
自威少離開之後，Giselle主要是我的back up。同之前兩個麻甩仔不同，有個女仔跟住始終比較克制，平均一年爆三個mouse/headset的我也賠少很多。今次我應該真的嚇壞Giselle。沒交代太多，拋下一句「有咩whatsapp我，頭先嗰隻客打第三次來先好聽」就離開了凶案現場。在喝咖啡太晏喝啤酒太早的四點半，我走過QRC的Holly Brown買雪糕。
咩事？有個我剛接的客之前見我不是MD不想見我，請到范爺出場傾完第一次後就開始煲單中型刁煲了三個星期。市係我睇到，structure係我砌，個客話OK我先上幾層approval，搞legal，揼termsheet，攞limit。終於搞好晒今日個價到，個客話如果match到友行的價就做三分一！
如果驚睇錯市，想分開execute我冇問題，就算話唔做都無所謂。做solution sales一向也要clientcentric，我也崇尚long term greedy。但原來個客將我的努力一聲不響拱手轉發給H和C銀行！不是什麼驚天地泣鬼神的structure，要抄易過借火。沒effort的他們還做爛市(也可能這客在他們那邊有collateral，CVA不一樣；i.e.對該客戶的信貸成本相對低)，令我做就冇錢賺，唔做就輸market share！
咩客？別以為是精明的印度朋友或同胞客，是香港人！中印客通常給人難搞的印象，主因是他們民族保護主義濃，自己人搭膊頭搞掂。難度很高但其實只要埋到堆，信了你，這兩類客湊得掂也有不錯的ripple effect。香港人反而最不講道義，只講價錢和利益，口頭應承了也可以反口。香港人不單沒民族保護主義，反而白鴿眼自己人。搵個full of sh*t的鬼佬見就恭恭敬敬，見香港人後生就話你冇經驗，老就話你咁老都升唔到唔方掂。點解？憎人富貴厭人貧的心病已經到了末期！
Giselle來電，我問她要什麼gelato。
她說那個客打了五次來追我execution，我笑：「話我出咗去見客，話個市郁咗。只可用返原價幫佢做埋嗰2/3。如果佢想做Giselle妳幫佢做。落妳名。」
咁做唔做？唔做當然型，但型唔可以當飯食，又浪費范爺之前的時間又益了對手。做就一定做，不過攞special approval去蝕住undercut做三分一：如果對方跟就個客贏，對方唔跟就希望個客返轉頭再用合理價做返三分二。臨近年尾，又沒什麼effort出過，對方理論上唔會做蝕本生意。個idea又真的幫到個客，所以我也是搏一搏希望單車變摩托。
Giselle話個客想upsize，我笑：「妳未答我要乜gelato。」
「你送單trade俾我，我請你就差唔多。Book埋單trade轉頭落黎！」
十二月的西斜好像特別橙，本來想做完這trade後去朋友Bali的婚禮再放個假；但trade又close得唔好，阿貢又爆發，看來還是繼續捱騾仔。
