睇完《來自星星的pk》同《作死不離三兄弟》，可能Aamir Khan喺香港嘅知名度仲勁過「印度劉華」Shah Rukh Khan，所以連帶佢嘅舊戲都放返當眼位。
下面套《幻影殺陣》(Dhoom: 3)唔止印度當地超賣座，曾經係印度史上最高製作費嘅電影，亦係印度首套出IMAX嘅大片，仲係海外票房最高嘅印度片，十日全球票房有成6億美元；未有《來自星星的pk》前，更加係印度史上最高票房嘅電影。
吹到咁勁，當年覺得香港唔上好可惜，但睇完自會明白香港唔上係好明智。成套戲的確畫面好靚，好似好有娛樂性，但其實內容極空洞兼無厘頭，仲要係典型Bollywood片長近三小時。雖然收得，但就算睇返imdb個rating都唔高。好老實講，當日飛機睇嘅，如果唔係坐長途機無事做，我諗一早熜咗機。
《心中的小星星》買咗未睇，但果套就真係……
