「逃離大氣氛，想得複雜那不安。」
以前成日唔明白身邊D朋友可以一年
去幾次旅行，覺得下有咁既必要咩？
但經過半年既抗疫之路，漸漸令我明白
當一個人被困係屋企一段長時間，真係
會有令人有種壓抑、憔悴既負面情緒。
慶幸既係仲有餐廳能夠堅守下去，
為香港人提供僅餘既娛樂。講緊就係西環
呢間超高質小店「The Ground Kitchen」
將西式美食融入寫意空間，瞬間忘記凡塵
俗世，六根清淨！👇
-
📌M a i n -
▪ Black Cod · Fried Cordyceps & Edamame
- $328
▫ 今次二訪都係dinner為主，時間尚早呀，
所以仲有d日光特別醒神。餐廳久唔久轉下
新Menu，務求為食客帶黎新鮮感同埋驚喜。
呢道「美國野生黑鱈魚 · 蟲草花炒枝豆」，
來自美國空運到港，用既原條鱈魚份量十足；
而表面煎得香脆細膩，魚肉食落相當新鮮，
肉質彈牙，油香突出；加上配菜好特別，
枝豆同蟲草花完美結合，呢道鱈魚可以話係超值！
-
▪ Pan-fried Hokkaido Scallops · Risotto
Beetroot Puree - $188
▫ 輪到第二道新推出既主菜「北海道帶子 ·
紅菜頭意大利飯」，以新鮮有益既紅菜頭做
主題，成個賣相相當開胃。帶子煎得帶少少
焦香，而食落口感爽彈，唔錯；而Risotto
入口creamy，濃郁牛油味，整體配搭得
好自然，大推！
-
📌S t a r t e r s -
▪ Creamy Seafood Chowder - $128
▫ 有主菜當然要整返個湯緩衝下啦啦，
呢個「海鮮 · 周打湯」同平時見到既好唔同，
皆因淨係擺盤都夠哂睇頭，睇得出大廚既心意。
而飲落有濃郁既海鮮味，加上質感夠幼滑，
鹹甜適中，岩岩好。
-
📌D e s s e r t -
▪ Mixed Berries · Panna Cotta - $68
▫ 不我不讚既估唔到甜品一樣做得好到位，
招牌之一既「雜莓 · 意大利奶凍」表層被
厚厚既雜莓覆蓋住。底層既奶凍入口相當綿密，
加上鋪左一層朱古力粉，口感增加左唔少；
而酸酸甜甜既雜莓醬令成個層次更加突出，
淨係呢點絕對係嬴哂出面d西餐！
-
📌D r i n k s -
▪ Galaxy Fantasy · Soda - $58
▪ Berries Blast · Soda - $58
▫ 兩款特飲都係由老闆娘親自研發調製，
前者既「蝶豆花檸檬蜜 · 自家漬梳打」
用上蝶豆花、自家醃製既檸檬、蜜糖，入口
特別甜蜜，加上梳打口感更加清新；而後者既
「草莓蔓 · 越莓梳打」以士多啤梨、蔓越莓
為靈感，係夏季營造一服消暑解膩既作用，
好睇又好飲！
-
📎 The Ground Kitchen
📍西環西營盤水街47號地舖
