柴古唐斯 括蒼越野賽 UTGK 80K
35k 9hrs23mins 未能完成
🙏🏾慢腳既感想文，今次情緒比較激動唔好笑我🙏🏾
因為Suunto一個小活動，意外係季尾報左呢場比賽，報呢個賽前最長只玩過70k，想著可以挑戰自己更長距離而報左80k。
2個月既時間理應認真準備，路跑50k唔夠，唯一認真上山只有3月ttt既40k，同4月頭27k既雙m ，完不了真係抵死😠⋯⋯
第一次參加呢類型既大賽，起點好有氣氛☺️落雨都無減跑手們嘅興奮熱情，50k&80k同時係6:30起步加埋成千五人🤡
開段11k平路中間上過江南長城幾有趣，路跑係我弱項大家都跑得好快，到左第一個cp傻傻的慢慢睇有咩食有咩飲冇諗過要趕上路只係諗住食飽飽休息一下上大山🥺
正式開始上山大概係8k全上1100m黃金比例😹，開頭少少都仲有石塊可走，好快就feel到伏了條路係壞架🤣 路不是路，係泥漿😆舉步維艱，對鞋啜住地面要用更多力提腿踏前，上一步跣返半步落黎，沿途好多竹筍好得意😆有啲路好窄，只夠一隻腳踩🧐仲要係斜向山邊既🤣好彩有爬龍舟對手都有啲力撐起個人💪🏾大家上山出奇地禮讓好少會行快啲過人，仲未知道咁趕時間既我諗住大家都慢慢行留力下一座大山⋯⋯咁就出事
上到山頂，竟然有個人肉水站😨😱真係好癲有好多5L左右既水係度全部人手拎上去，仲有少量百事😨，不過我仲有啲水冇加到就走左
由第一步落山就知出事🤫跣到痴線🤣每個方位都聽到人尖叫 佢地叫呢啲做「屁降」😂仲要落1100真係人都癲🤣開頭都覺得好痛苦，落落下幻想自己係玩緊ski⛷其實都幾好玩🤣 不過好多路都卡住😫明明前面條路就好闊😫😫😫啲人起哄：安全要緊～關門就關門～咁心急做乜～下年再來～路況咁差玩黎都冇意思～排隊落山期間甚至有人係度食煙🤡
落到山好似係2k既平路，好似行都係岩岩好趕得切去cp，俾廣東師兄捉我一齊跑，頂去到只係剩5分鐘，趕到痴線，交低水樽入百事同水，即刻隊2個面包，想食熱食點知已經唔夠時間🥺😭義工們俾左碗面我叫我出左站先上路食🥺😭 有點慘 一邊行一邊食，有個師姐話連站都入唔切直接打卡走叫我俾啖佢食😆好搞笑大家分享到底有幾趕😂
最大獲既係勉強過左cp2好多人都話趕唔切cp3 自切
去cp3係山頂只有10k但爬升係1600m⋯⋯😂講完都打個冷震5星路段，大家都話只要挨過呢個cut off，之後就散步都可以返到終點😠 黎到呢度 我已經係包尾分子😓上山仍然困難而且更斜又跣，追追趕趕，見到人我都問趕唔趕得切去下一站，我能夠追上既人都已經放棄左😞⋯⋯沒完沒了既爬坡不停同自己講人地放棄唔代表我要放棄，未去到點可以肯定唔得。跑返落馬路，以為重見光明啲里數可能唔準可以埋站，點知仲有2k而我只剩返半個鐘，差唔多我附近啲人全部係馬路放棄左☹️超級緊張沿馬路上斜我已經係jog 點知上完石屎馬路真真正正既2k又係上泥濘路爬升400m🤧 此時條路已經冇人只有自己奮力抵抗cutoff😞成個腦係度諗山長水遠黎到唔通真係玩得35k就要係度止步🤧縱使聽左不下30人話趕唔切、唔想玩落去，我都冇諗過要放棄，我唔想被剪極度唔想😫 結果大家都知我真係趕唔切被剪，遲左足足7分鐘😞
腦海裡幻想過無數次完成感動開心落淚變成因失敗自責的眼淚
最後回到終點取回包包會合已完成50k等我回來的Tracy給了我一個溫暖的抱抱心情才好了很多🥺❤️
第一個海外賽
第一次被剪帶
好難忘
點解完唔到賽呀？
學內地人話齋
「缺練」
有啲相集合返晒係呢個Post入面方便自己回憶😊
