據消息指有警員表現被醫院職員不禮貌對待，包括
1. 在病牀旁看守時，被醫護無理呼喝
首先我地醫護一向對警察最禮貌既(唔準笑)，我地既MEDICAL RECORD上冇寫過我地有呼喝警員，更冇足夠資料證明呼喝IF ANY係有理定無理。希望警員明白，呼喝係主觀感受，同事可能只係對得撞聾老人家多，講嘢大聲係自然反應。我呼YU感到情緒受困擾既警員以既定行之有效既機制投訴醫護，我地每個人執行職務時，都係有帶委任證既。
2. 醫護唔俾警員使用椅子，令警員要站立看守被捕者
我地既MEDICAL RECORD冇寫(下略)，其次我希望警員明白唔少臨終病人家人陪佢走最後一程時，都係企響度。可能當時同事見到有家人久站，自然反應下攞走你張椅，當然更有可能既係我地同事見唔到有椅子既存在，我重申係見唔到到到。其實病房根本唔係用做擺放椅子既地方，病房本身就唔夠位擺放椅子，都唔可以排除係洗地時TUN下TUN下張椅子TUN走咗，或者跣落地下，更唔可以排除椅子係人扮既。
同時警護理解久坐會造成靜脈栓塞，必要時會不惜用以手踢開椅子既方式守護警員健康。
此外小妹不材，請問響香港法例或警察通例入面，邊一條指明警察要守響床邊?
3. 在急症室的醫護知道其中一名被捕者有傳染病，帶到隔離病房時未有通知警員有關情況，令該警員未能適時自我保護。
我地既MEDICAL RECORD冇(下略)，另外相信當時醫護響電光石光之間得知病人有傳染病，感到生命受威脅，選擇先行上GEAR，以便能無後顧之憂地執行職務，方未能及時通知警員有關情況；相信點遲都未至於遲四十分鐘，最多三十九分鐘啫。醫生都係人，都要保障自己生命，希望警員諒解。亦有可能醫護人員事前已做出涵蓋式通知，但係警察因角度問題睇唔到。醫生當時亦睇唔到吸入空氣嘅警員有異樣。呢個做法唔完美，可接受，下次醫護會響適當時機以適當方式知會警員（例如用Whatsapp），以免雷同投訴流出市面。
此外小妹不材，講到隔離病房我當佢AIRBORNE啦，莫非係SMEAR POSITIVE TB?莫非去到空氣傳染空嘅負壓隔離病房，警員都要坐響床邊咁唔人道？其實所有羈留病房，吖唔好意思，係隔離病房門口都會掛住中英雙語嘅牌，列明病房內面有冇閉路電視，同理進房前需唔需要上Gear、戴口罩、笠頭套。請各位警員切且礙於經驗，以一般認知推斷自己可以Dearm，務必認清牌上嘅字，至可以無後顧之憂地執行職務。
完
tb smear 在 11 Demonstration of sputum smear examination for diagnosis ... 的推薦與評價
11 Demonstration of sputum smear examination for diagnosis of tuberculosis. Watch later. Share. Copy link. Info. Shopping. Tap to unmute. ... <看更多>